ནང་ཆེན་རྫོང་གིས་ནོར་ལུག་བཤས་ཁོངས་སུ་གཏོང་བར་བྱ་དགའ་སྤྲད་པའི་གསལ་བརྡ།
རྫོང་ཡོངས་ཀྱི་རྒྱ་ཆེའི་གསོ་འཚག་དུད་ཚང་དང་གསོ་འཚག་མཁན་གྱིས་བཤས་ཁོངས་སུ་གཏོང་བའི་བྱ་བར་ཧུར་བརྩོན་རང་བཞིན་སྐུལ་སྤེལ་གང་ལེགས་བྱས་ཏེ། ནོར་ལུག་བཤས་ཁོངས་སུ་གཏོང་བའི་ཚད་གཞི་འཁོར་རྒྱུག་ལ་སྔར་བས་སྐུལ་འདེད་གཏོང་བ་དང་། འབྲོག་ལས་འཕེལ་རྒྱས་ཀྱི་ཆུ་ཚད་མཐོ་རུ་གཏང་ནས། ཁྲོམ་རའི་མཁོ་སྤྲོད་འགན་ལེན་བཅས་བྱ་བའི་ཆེད་དུ། རང་རྫོང་གིས《2024ལོའི་ལོ་འཁོར་ནང་ནང་ཆེན་རྫོང་གིས་ནོར་ལུག་བཤས་ཁོངས་སུ་འཕུད་པར་སྐུལ་འདེད་གཏོང་བའི་བྱ་དགའ་སྤྲོད་ཐབས》ཆེད་མངགས་བཟོས་ནས། ནོར་ལུག་བཤས་ཁོངས་སུ་གཏོང་བར་བྱ་དགའ་སྤྲོད་པའི་སྲིད་ཇུས་ལག་བསྟར་བྱེད་རྒྱུ་ཡིན་པས། གཤམ་དུ་བྱ་དགའི་སྲིད་ཇུས་དང་རེ་ཞུའི་བརྒྱུད་རིམ་རྣམས་ཕྲ་ཞིབ་ཏུ་བརྗོད་པར་བྱ། ས་གནས་རང་གི་ནོར་ལུག་བཤས་ཁོངས་སུ་གཏོང་མཁན་ཏེ།ནང་ཆེན་ཡུལ་གྱི་ཐེམ་ཐོ་ཡིན་པའི་ཞིང་འབྲོག་དུད་ཚང་དང་། གསོ་འཚག་དུད་ཚང་ཆེ་གྲས། མཉམ་ལས་ཁང་། ཁྱིམ་ཚང་འབྲོག་རའི་གསོ་ཚགས་བྱེད་མཁན་སོགས་གཙོ་བོ་ཡིན། བཤས་ཁོངས་སུ་བཏང་བའི་ནོར་ལུག་ནི་རང་རྫོང་ནང་ཁུལ་གྱི་ཡིན་དགོས་པ་མ་ཟད།རྣ་རྟགས་བརྒྱབ་ཡོད་པ་དང་། གནས་ཡུལ་ཤང་དང་གྲོང་རྡལ(ཁྲོམ་གཞུང)གྱིས་སྤྲད་པའི་ངོ་སྤྲོད་ཡི་གེ། ཁྲིམས་ཚན་ཐོབ་ཐང་ལག་ཁྱེར། ཐོ་ཁུངས་དངུལ་ཁང་གི་རྩིས་ཐོའི་སྐྱར་དཔར་བཅས་ཡོད་དགོས་པ་དང་། དེ་བཞིན་ཤང་དང་གྲོང་རྡལ་ལམ། ཡང་ན་རྫོང་རིམ་པའི་ཕྱུགས་རིགས་སྨན་པའི་སྡེ་ཚན་གྱིས་སྤྲད་པའི《སྲོག་ཆགས་ཀྱི་རིམས་ནད་ཞིབ་བཤེར་ཚད་མཐུན་ལག་ཁྱེར》(སྲོག་ཆགས་ཀྱི་Aལག་ཁྱེར་དང་། སྲོག་ཆགས་ཀྱི་Bལག་ཁྱེར)ཡོད་པ་བཅས། བཤས་ཁོངས་སུ་གཏོང་མཁན་གྱི་བཤས་གཏོང་འདྲ་པར་དང་། ཕྱིར་ཚོང་ཟིན་ཐོ། ཕན་ཚུན་དངུལ་བརྒྱབ་པའི་འཛིན་ཡིག་སོགས་མཁོ་འདོན་བྱེད་དགོས། བཤས་ཁོངས་སུ་བཏང་བའི་ནོར་ལུག་དེ་ངེས་པར་དུ་རང་ཉིད་ཀྱི་ཡིན་དགོས་པ་ལས། ནག་ཚོང་དང་ལྐོག་ཚོང་བྱས་པའི་རིགས་ཀྱིས་ཁ་གསབ་གཡོ་ལེན་བྱེད་མི་ཆོག་པ་བཅས་ཀྱི་བླང་བྱ་བཏོན་ཡོད་པ་རེད། བྱ་དགའ་ནི་བཤས་ཁོངས་སུ་བཏང་བའི་ནོར་ལུག་ཁོ་ན་ལ་ཐོབ་པ་ལས་རང་ཉིད་ཀྱི་བཟའ་རྒྱུའི་སྒོ་བཤས་ཀྱི་རིགས་ལ་བྱ་དགའི་སྲིད་ཇུས་ལོངས་སྤྱོད་བྱེད་རྒྱུའི་དབང་ཆ་མེད། གསུམ།རེ་ཞུ་དང་ཞིབ་བཤེར་གཏན་འབེབས་ཀྱི་ལས་རིམ། ཞིང་འབྲོག་དུད་ཚང་དང་གསོ་སྤེལ་དུད་ཆེན་གྱིས་ཐོན་སྐྱེད་བྱ་ཡུལ་གྱི་རིམས་ནད་བརྟག་བཤེར་འཛིན་ཡིག་དང་།ཁྱིམ་བདག་དང་ཁྲིམས་མིའི་ཐོབ་ཐང་ལག་ཁྱེར། དངུལ་བྱང་བསྐྱར་དཔར། དེ་མིན་འབྲེལ་ཡོད་ར་སྤྲོད་རྒྱུ་ཆ（དཔེར་ན་གསོ་སྤེལ་ཟིན་ཐོ་དང་ཕྱིར་འཚོང་གན་རྒྱ）སོགས་གྲ་སྒྲིག་བྱེད་དགོས། གྲ་སྒྲིག་བྱས་པའི་རྒྱུ་ཆ་དག་རང་ཉིད་གནས་སའི་ཞང（གྲོང་རྡལ）སྲིད་གཞུང་དང་། ཡང་ན་རྫོང་ཕྱུགས་ནད་སྨན་བཅོས་ས་ཚིགས་ལ་སྤྲོད་དགོས། བཞི།ཞིབ་བཤེར་གཏན་འབེབས་ཀྱི་བརྒྱུད་རིམ། ཤང（གྲོང་རྡལ）སྲིད་གཞུང་ངམ་ཡང་ན་རྫོང་ཕྱུགས་རིགས་སྨན་བཅོས་ས་ཚིགས་ཀྱིས་རེ་ཞུའི་དཔྱད་གཞིར་ཞིབ་དཔྱད་བྱས་ནས། བཤས་ཁོངས་སུ་བཏང་བའི་ཕྱུགས་རིགས་ཀྱི་གྲངས་འབོར་དང་སྣ་ཁ་གཏན་འཁེལ་བྱས་ཏེ། ཞིབ་བཤེར་གཏན་འབེབས་བྱས་རྗེས་ཆ་རྐྱེན་དང་མཐུན་པའི་རེ་ཞུ། རྫོང་ཞིང་འབྲོག་ཆུ་བེད་དང་ཚན་རྩལ་ཅུས་ལ་འབུལ་དགོས། རྫོང་ཞིང་འབྲོག་ཆུ་བེད་དང་ཚན་རྩལ་ཅུད་ཀྱིས་གོང་ཞུ་བྱས་པའི་རེ་ཞུར་བསྐྱར་ཞིབ་བྱས་པ་དང་འབྲེལ། ཞིབ་བཤེར་བྱས་འབྲས་ཡོངས་བསྒྲགས་བྱེད་རྒྱུ་རེད། ཞིབ་བཤེར་གཏན་འབེབས་བྱས་ནས་གྲོས་འཆམ་བྱུང་རྗེས་རྫོང་ཞིང་འབྲོག་ཆུ་བེད་དང་ཚན་རྩལ་ཅུས་ཀྱིས་བྱ་དགའི་མ་དངུལ“གཱ་གཅིག་ཀུན་ཁྱབ”ཀྱི་རྣམ་པའི་ཐོག་ནས་ཆ་རྐྱེན་འཛོམས་པའི་ཞིང་འབྲོག་དུད་ཚང་དང་གསོ་འཚག་དུད་ཚང་ཆེ་མོ་དག་ལ། དུས་ཐོག་ལྟར་གནད་ལ་འཁེལ་བར་སྤྲོད་རྒྱུ་ཡིན། བྱ་དགའི་མ་དངུལ་སྔོན་ལ་འདོན་ན་སྔོན་ལ་ཐོབ་པ་དང་། དུས་ཐོག་ཏུ་སྤྲོད་པ། ཁ་གསབ་མ་ཚར་བར་དུ་སྤྲོད་པ་བཅས་ཀྱི་རྩ་དོན་མཐའ་འཁྱོངས་བྱེད་རྒྱུ་ཡིན། མ་དངུལ་གྱི་ལྟ་འདོམས་ཐད་ནས། རྫོང་ཞིང་འབྲོག་ཆུ་བེད་དང་ཚན་རྩལ་ཅུད།དེ་བཞིན་ཤང（གྲོང་རྡལ）སྲིད་གཞུང་གིས་བྱ་དགའི་མ་དངུལ་ལ་ལྟ་འདོམས་བྱེད་རྒྱུར་ཤུགས་སྣོན་བརྒྱབ་སྟེ་མ་དངུལ་བདེ་འཇགས་དང་ནུས་ལྡན་ངང་སྤྱོད་ཐུབ་པའི་འགན་ལེན་བྱེད་དགོས། ལྟ་སྐུལ་ཞིབ་བཤེར་གྱི་ཐད་ནས།རྫོང་ཞིང་འབྲོག་ཆུ་བེད་དང་ཚན་རྩལ་ཅུད། དེ་བཞིན་ཤང（གྲོང་རྡལ）སྲིད་གཞུང་གིས་དུས་བཅད་ནང་། བྱ་དགའི་སྲིད་ཇུས་ལག་བསྟར་བྱས་ཚུལ་ལ་ལྟ་སྐུལ་ཞིབ་བཤེར་བྱས་ནས་གནད་དོན་ཤེས་རྟོགས་བྱུང་ཚེ་དུས་ཐོག་ཏུ་བཅོས་སྒྲིག་བྱེད་དགོས། སྒྲིག་འགལ་ངང་ཐག་གཅོད་བྱེད་པའི་ཐད་ནས། གསོ་འཚགས་དུད་ཚང་དང་གསོ་འཚགས་བྱེད་མཁན་གྱིས་འབྲེལ་ཡོད་བཅའ་ཁྲིམས་དང་ཁྲིམས་སྲོལ་ལ་བརྩི་སྲུང་ཞུ་དགོས་པ་དང་།ཁ་དན་ཚིག་ལ་གནས་པར་བྱེད་དགོས་པ་ལས། བྱ་དགའི་མ་དངུལ་གཡོ་ལེན་བྱེད་མི་ཆོག བྱ་དགའི་མ་དངུལ་གཡོ་ལེན་དང་རྫུན་ལེན་བྱེད་མཁན་གྱི་ཞིང་འབྲོག་དུད་ཚང་དང་། གསོ་ཚགས་དུད་ཆེན་རྣམ་རྩད་ཆོད་མཐའ་གསལ་བྱུང་ཚེ། བྱ་དགའི་ཐོབ་ཐང་མེད་པ་བཟོ་བ་དང་སྤྲད་ཟིན་པའི་བྱ་དགའི་དངུལ་ཚུར་ལེན་རྒྱུ་མ་ཟད། བཅའ་ཁྲིམས་ཀྱི་གཏན་འབེབས་ལྟར་འབྲེལ་ཡོད་འགན་འཁྲི་བདའ་འདེད་གཏོང་རྒྱུ་ཡིན། གསལ་བརྡ་འདི་ཁྱབ་བསྒྲགས་བྱས་པའི་ཉིན་ནས་བཟུང་ལག་བསྟར་བྱ་རྒྱུ་དང་། གོ་ཆོད་པའི་དུས་ཚོད་ནི2024ལོའི་ཟླ་12ཚེས་30ཉིན་གྱི་བར་ཡིན། གསལ་བརྡ་འདི་རྫོང་ཞིང་འབྲོག་ཆུ་བེད་དང་ཚན་རྩལ་ཅུད་ཀྱིས་འགྲེལ་བཤད་རྒྱག་རྒྱུའི་འགན་འཁུར་དགོས། བདུན།འབྲེལ་གཏུག་བྱེད་ཐབས། གལ་སྲིད་དོགས་གནད་ཡོད་པའམ་ཡང་ན་བློ་འདྲི་བྱེད་དགོས་ཚེ་རྫོང་ཞིང་འབྲོག་ཆུ་བེད་དང་ཚན་རྩལ་ཅུད་ཀྱི་ལས་དོན་མི་སྣ་དང་འབྲེལ་བ་གནང་རོགས། འབྲེལ་གཏུག་མི་སྣ།གྲོ་ལོད།འབྲེལ་གཏུག་ཁ་པར།0976-8875946 18935667899རྒྱ་ཆེའི་གསོ་སྤེལ་དུད་ཚང་དང་གསོ་སྤེལ་མཁན་གྱིས་སྲིད་གཞུང་གི་འབོད་སྐུལ་ལ་དང་ལེན་ཧུར་ཐག་ཞུས་ནས།ནོར་ལུག་བཤས་ཁོངས་སུ་གཏོང་བའི་དུས་ཚོད་ཡག་ཤོས་འདི་དམ་འཛིན་བྱས་ནས། ནོར་ལུག་བཤས་ཁོངས་སུ་གཏོང་བའི་གོམ་སྟབས་ཇེ་མགྱོགས་སུ་བཏང་ནས། ཐུན་མོང་གི་འབྲོག་ལས་བདེ་བླགས་ངང་འཕེལ་རྒྱས་ཡོང་བར་སྐུལ་འདེད་གཏོང་དགོས། ནང་ཆེན་རྫོང་ཞིང་འབྲོག་ཆུ་བེད་དང་ཚན་རྩལ་ཅུའུ། 
