མཚན་མོ་སླེབས་རིམ་བཞིན་མི་མང་པོ་ཞིག་ལ་གཉིད་མི་ཁུག་པའི་སྡུག་བསྔལ་ཡོང་གི་ཡོད། དེས་ན་དེ་རིང་འདིར་ཞིབ་འཇུག་བྱས་འབྲས་གསར་ཤོས་ལས་མངོན་པའི་གཉིད་ཁུག་ཐབས་བྱེད་པའི་ལུས་སྦྱོང་ཤེས་བྱ་ཁག་གསུམ་ངོ་སྤྲོད་ཞུ་རྒྱུ་ཡིན།
![]()
དེ་ཡང་། གཉིད་མ་ཉལ་གོང་གི་ཆུ་ཚོད་༤ཡི་ནང་། ཆུ་ཚོད་ཕྱེས་ཀ་རེར་ཡར་ལངས་ནས་གཤམ་གྱི་ལུས་རྩལ་ཁག་གསུམ་རེས་མོས་ངང་རྩེ་དགོས་ཤིང་། ལུས་རྩལ་རྣམ་གྲངས་རེ་རེ་རྩེ་བའི་དུས་ཚོད་ནི་སྐར་ཆ་༢༠ཡིན་པ་དང་། བར་མཚམས་སུ་ངལ་གསོ་བརྒྱབ་རྗེས་རེས་འཁོར་བྱས་ནས་ཐེངས་གསུམ་རྩེ་དགོས།
ལུས་སྦྱོང་དང་པོ། ཙོག་སྡོད་འགུལ་སྟངས།![]()
འགུལ་སྟངས་དེ་ནི་རྐུབ་སྟེགས་ཐོག་བསྡད་ཡོད་ཚུལ་བྱས་ནས་པུས་མོ་དང་སྒལ་གཞུང་སྒུར་ནས་རྩེ་དགོས་པ་ཞིག་ཡིན། གལ་སྲིད་པུས་མོ་ཡག་པོ་མེད་པ་དང་འགུལ་སྐྱོད་སྟབས་བདེ་མེད་ན། གྱང་ལ་བསྙེས་ནས་རྩེ་ཆོག འོན་ཀྱང་རྐང་པའི་ཉྭ་རིལ་ས་ངོས་དང་དྲང་ཐད་དུ་སྡོད་དགོས་པ་ཡིན།ལུས་སྦྱོང་གཉིས་པ། རྟིང་པ་ཡར་བཀྱག་མར་འཇོག![]()
འགུལ་སྟངས་དེ་ནི་གཟུགས་པོ་ཀྲོང་ངེར་བསྡད་དེ་གྲོད་པ་ཡར་བསྐུམས་ནས་པུས་མོ་མཉམ་གཤིབ་ངང་རྐང་རྗེན་ནམ་ཡང་ན་རྐང་སུག་གྱོན་ནས་རྐང་པའི་མཛུབ་རྩེ་ས་ངོས་སུ་ཚུགས་པའི་ཤུགས་ཀྱིས་རྟིང་པ་ཡར་བཀྱག་མར་འཇོག་བྱེད་དགོས་པ་ཡིན།ལུས་སྦྱོང་གསུམ་པ། པུས་མོ་མདུན་བཀྱག་རྒྱབ་འཐེན།![]()
འགུལ་སྟངས་དེ་ནི་སྔོན་ལ་པུས་མོའི་ལྷ་ང་གཟུགས་པོའི་སྐེད་མཚམས་དང་དྲང་ཐད་བར་དུ་མཐོན་པོར་ཡར་འགྱོགས་དགོས་པ་དང་། དེ་རྗེས་རྐང་པའི་ཉྭ་རིལ་མར་རྒྱབ་ཏུ་ བརྐྱངས་འཐེན་བྱེད་དགོས་པ་དེ་ཡིན། གལ་སྲིད་ཁྱེད་རང་གི་བློ་ངོར་གོང་གསལ་གྱི་འགུལ་སྟངས་དེ་དག་དཀའ་ལས་ཁག་པོ་འདུག་སྙམ་ན་སླར་ཡང་ཁྱེད་རང་ལ་ཧ་ཅང་སྟབས་བདེ་བའི་འགུལ་སྟངས་ཤིག་ངོ་སྤྲོད་ཞུ་རྒྱུ་ཡོད་དེ། ཡར་ལངས་ནས་གྱང་ངོས་ལ་ཁ་གཏད་དེ་ལག་པ་གཉིས་ཀྱིས་གྱང་ལ་ཐེངས་མང་བུད་རྒྱག་གཏོང་བ་ལྟ་བུའི་འགུལ་སྟངས་དེ་ཡིན། ![]()
མཇུག་ཏུ་གཉིད་མ་ཁུག་པའི་སྐྱེ་བོ་ཐ་དག་གཉིད་མ་ཁུག་པའི་སྡུག་བསྔལ་ལས་མྱུར་བར་བསྒྲལ་ཏེ་གཉིད་སྐྱིད་པོ་དང་རྨི་ལམ་འཇམ་པོ་ཡོང་བའི་སྨོན་འདུན་ཞུ། །ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་བོད་སྐད་རླུང་འཕྲིན།
ཞུ་དག མིག་དམར་རྒྱ་མཚོ།
སྒྲིག་སྒྱུར། གངས་ཕྲུག་བློ་རྒྱ།
原文来源:央视科教
审稿:米玛加措
编译:洛桑加措
制作:娜科
