ئۈندىدار سالۇنى تەرجىمىسى
قىزىل يۇلتۇز خەۋەرلىرىگە ئاساسلانغاندا، ياپونىيە كيودو ئاگېنتلىقىنىڭ 1ـ ئاينىڭ 16ـ كۈنىدىكى خەۋىرىگە قارىغاندا، ياپونىيە ھۆكۈمىتى يەر تەۋرەشنى تەكشۈرۈش گۇرۇپپىسى 15ـ چېسلا ئاگاھلاندۇرۇپ، كەلگۈسى 30 يىل ئىچىدە جەنۇبىي دېڭىز دېڭىز ئوقۇرىدا «پەۋقۇلئاددە زور يەر تەۋرەش» ( سەككىز بال ۋە ئۇنىڭدىن يۇقىرى ) يۈز بېرىش ئېھتىماللىقىنىڭ %80 گە يەتكەنلىكىنى ئېيتقان. بۇنىڭ ئىچىدە خوككايدودىكى گېنشى شەھىرى قىرغىقى ۋە مىياگى ناھىيەسى قىرغىقىدا پەۋقۇلئاددە ئېغىر يەر تەۋرەش يۈز بېرىش ئېھتىماللىقى تېخىمۇ يۇقىرى. بۇ ياپونىيەنىڭ يېرىم يىلغا يەتمىگەن ۋاقىت ئىچىدە يەنە «پەۋقۇلئاددە زور يەر تەۋرەش» ئاگاھلاندۇرۇشى.
ئۆتكەن يىلى 8 - ئايدا، ياپونىيەنىڭ مىيازاكى ناھىيەسى ئەتراپىدىكى دېڭىز ساھىلىدە 7.1 بال يەر تەۋرىگەندىن كېيىن، يېقىن ئەتراپتىكى جەنۇبىي دېڭىز ئوقۇرىغا تەسىر يېتىشىدىن ئەندىشە قىلغانلىقتىن، ياپونىيە ھاۋارايى نازارىتى تارىختىن بۇيانقى تۇنجى غايەت زور يەر تەۋرەشتىن ئاگاھلاندۇرۇش سىگنالى بەرگەن ئىدى. مۇتەخەسسىسلەر كوللېكتىپىنىڭ مۆلچەرلىشىچە، ئەگەر ياپونىيەنىڭ جەنۇبىي دېڭىز ئوقۇرىدا يەنە قاتتىق يەر تەۋرىسە، ئۆلگەن، يارىلانغانلارنىڭ سانى ئەڭ كۆپ بولغاندا 300 مىڭدىن ئېشىپ كېتىدىكەن. «پەۋقۇلئاددە زور يەر تەۋرەش» يۈز بېرىش ئېھتىماللىقى %80كە كۆتۈرۈلدى، «خەلق ئاممىسىنىڭ ھەر ۋاقىت تەييار تۇرۇشىنى ئۈمىد قىلىمىز»، «ئەتىگەنلىك خەۋەرلەر» گېزىتىنىڭ خەۋىرىگە ئاساسلانغاندا، جەنۇبىي دېڭىز دېڭىز ئوقۇرىدا «پەۋقۇلئاددە زور يەر تەۋرەش» يۈز بېرىش ئېھتىماللىقى ھەر يىلى %1 كە يەتمىگەن نىسبەتتە يىلدىن ـ يىلغا ئېشىپ بارغان، بۇ يىل تەكشۈرۈش گۇرۇپپىسى ھېسابلاپ چىققان ئېھتىماللىق %75 ـ %82 بولۇپ، پۈتۈنلەش ئارقىلىق «%80» دېگەن بۇ سانغا ئېرىشكەن. ياپونىيە ھۆكۈمىتى يەر تەۋرەشنى تەكشۈرۈش گۇرۇپپىسىنىڭ باشلىقى، توكيو داشۆسىنىڭ پەخرىي پىروفېسسورى خىدېكى ئاخبارات ئېلان قىلىش يىغىنىدا چۈشەندۈرۈپ مۇنداق دېدى، بۇ ئېھتىماللىق ھەرقانداق ۋاقىتتا يەر تەۋرەش يۈز بېرىشىنىڭ ھەيران قالغۇچىلىكى يوق، «بىز خەلق ئاممىسىنىڭ ھەر ۋاقىت تەييار تۇرۇشىنى ئۈمىد قىلىمىز». خىرودا جىجى مۇنداق دېدى:2024 - يىلى 1 - ئايدا ياپونىيەنىڭ نېڭدېڭ يېرىم ئارىلىدا 6 بال يەر تەۋرىگەندىن بۇيان، بۇ دۆلەتتە كۆپ قېتىم 6 بالدىن يۇقىرى يەر تەۋرىدى. كۆپچىلىك ھوشيارلىقنى ئۆستۈرۈشى كېرەك، يەر پوستى ھەرىكىتى بىر مەزگىل داۋاملىق جانلىنىشى مۇمكىن.ـ
