ئۈندىدار سالۇنى تەرجىمىسى
رۇسىيە - ئۇكرائىنا توقۇنۇشىغا ئۈچ يىل بولاي دەپ قالدى، ترامپنىڭ ئاق سارايغا قايتىشىغا ئەگىشىپ، ئىككى تەرەپ جەڭ مەيدانىدا سالمىقىنى زورايتتى. مەركىزىي تېلېۋىزىيە ئىستانسىسىنىڭ خەۋىرىگە قارىغاندا، رۇسىيە دۆلەت مۇداپىئە مىنىستىرلىقى يېقىندا، ئۆتكەن بىر كۈندە رۇسىيە ئارمىيەسىنىڭ ئۇكرائىنا ئارمىيەسىنىڭ ھەربىي ئايرودۇرۇمى، ئۇچقۇچىسىز ئايروپىلان قۇراشتۇرۇش ۋە ساقلاش ئەسلىھەسى، ئوق - دورا ئامبىرى قاتارلىق مۇھىم نىشانلارغا دەل جايىدا زەربە بەرگەنلىكىنى جاكارلىغان. شۇ كۈنى ئۇكرائىنا قوراللىق قىسىم باش شىتابىمۇ سىرتقا شۇ كۈنى ئالدىنقى سەپتە يۈز قېتىمدىن ئارتۇق كەسكىن جەڭ بولغانلىقىنى ھەمدە خاركوف قاتارلىق ھالقىلىق يۆنىلىشلەردە روسىيە ئارمىيىسىنىڭ كۆپ قېتىملىق ھۇجۇمىنى مۇۋەپپىقىيەتلىك چېكىندۈرگەنلىكىنى جاكارلىدى. ئىككى تەرەپنىڭ ھۇجۇم ھەرىكىتى بارغانسېرى كۆپىيىپ،
ھەربىي قارشىلىشىشنىڭ جىددىي ۋەزىيىتى ئۈزلۈكسىز كەسكىنلەشتى. رۇسىيە تاراتقۇلىرىنىڭ يېقىندا خەۋەر قىلىشىچە، غەربنىڭ زور بىر تۈركۈم قورال - ياراغ، ئوق - دورىلىرى ئۇكرائىنا چېگراسىغا ئۈزۈلمەي توشۇلغان، شۇنىڭ بىلەن بىر ۋاقىتتا شىمالىي ئاتلانتىك ئەھدى تەشكىلاتىنىڭ 193 ئايروپىلانى ئۇكرائىنا ھاۋا تەۋەلىكىگە كىرگەن. ئىلگىرى شىمالىي ئاتلانتىك ئەھدى تەشكىلاتى ئۇكرائىناغا ھەربىي ياردەم بېرىشتە ئاساسلىقى تۆمۈر يول تىرانسپورتى ۋە يۈك پاراخوتى پورت تىرانسپورتىغا تايىناتتى، لېكىن بۇ ئەندىزىدە ئۆتكەن يىلى 11 - ئايدا زور بۇرۇلۇش بولدى. 2024 - يىلى 11 - ئاينىڭ 30 - كۈنىدىن 12 - ئاينىڭ 31 - كۈنىگىچە بولغان بىر ئاي ئىچىدە، پولشانىڭ رېشۇف ئايرودۇرۇمىدىن 193 قېتىمدىن ئارتۇق چوڭ تىپتىكى تىرانسپورت ئايروپىلانى ئۇچتى، ئۇلارنىڭ ھەممىسى كىيېۋغا ئۇچۇپ، ئۇكرائىنا ئارمىيەسىگە جىددىي ئېھتىياجلىق نۇرغۇن قورال - ياراغ، ئوق - دورا يەتكۈزۈپ بەردى. يەنە شىمالىي ئاتلانتىك ئەھدى تەشكىلاتى ئايروپىلانلىرىنىڭ ئۇكرائىنانىڭ باشقا ئايرودۇرۇملىرىغا قونۇشىنى ئويلاشقاندا،
يېقىنقى ئىككى ئايدا ئۇكرائىنا ئەمەلىي قوبۇل قىلغان قورال - جابدۇقلارنىڭ سانى سىرتتىكىلەرنىڭ مۆلچەرىدىن خېلىلا ئېشىپ كېتىشى مۇمكىن. بۇنىڭدىن باشقا، پولشانىڭ گىدانىسك پورتى ۋە گىدىنيا پورتىدىن ئىبارەت بۇ ئىككى مۇھىم پورتنىڭ ئىسكىلاتىدا ئامېرىكا ياسىغان ھەر خىل قورال - ياراغلار دۆۋىلىنىپ كەتكەن. خەۋەرلەرگە قارىغاندا، ئامېرىكا ئۇكرائىناغا يەنە 500 مىليون دوللار قىممىتىدىكى قورال - ياراغ، ئوق - دورا ياردەم بېرىشنى قارار قىلغان. قۇرۇقلۇقتا جەڭ قىلىش قوراللىرى جەھەتتە، ئامېرىكا پولشاغا 1000 دىن ئارتۇق تانكا، پىيادە ئەسكەرلەر ئۇرۇش ئاپتوموبىلى، برونېۋىك ۋە ھەربىي يۈك ئاپتوموبىلى توشۇدى. بۇ ئەسلىھەلەر كۆپ خىل توشۇش يوللىرى ئارقىلىق ئۇكرائىنا چېگرىسى ئىچىگە كىرىشنى كۈتمەكتە. ئۇكرائىنا ئارمىيەسىنىڭ ھازىرقى قورال - ياراق ئەھۋالىغا ئاساسلانغاندا، بۇ يېڭى قورال - ياراغلار نۇرغۇن ئۇرۇش لۈيىنى قوراللاندۇرۇشقا يېتىدىكەن.
پولشا دۆلەت مۇداپىئە مىنىستىرى كوسىنىياك كامىسمۇ پولشانىڭ ئۇكرائىناغا يەنە بىر تۈركۈم تانكا ۋە بىرونېۋىكلارنى ياردەم قىلىپ، ئۇكرائىنا ئارمىيەسىنىڭ يېڭى بىرونېۋىك لۈيى تەشكىللىشىگە ياردەم بېرىدىغانلىقىنى بىلدۈردى. ئەنگلىيە دۆلەت مۇداپىئە مىنىستىرلىقىمۇ لوندوننىڭ ئۇكرائىناغا ئومۇمىي قىممىتى 45 مىليون فوندستېرلىڭ كېلىدىغان 30 مىڭ ھەربىي ئۇچقۇچىسىز ئايروپىلان ياردەم قىلىدىغانلىقىنى جاكارلىدى. گېرمانىيەنىڭ ياردەم بېرىش سالمىقى تېخىمۇ مىسلىسىز بولدى، بېرلىن بۇ يىل ئۇكرائىناغا 6 يۈرۈش ھاۋا مۇداپىئە باشقۇرۇلىدىغان بومبا سىستېمىسى ياردەم بېرىدىغانلىقىنى جاكارلىدى. بۇنىڭدىن باشقا، گېرمانىيە يەنە كرودىيەدىن 30 دانە 844 - تىپلىق تانكا ۋە 30 دانە 80 - تىپلىق پىيادە ئەسكەرلەر ئۇرۇش ئاپتوموبىلى زاكاز قىلىپ، ئۇكرائىنا ئارمىيەسىنى تەمىنلەيدۇ.
گېرمانىيە يەنە بۇ يىل ئىچىدە ئەڭ يېڭى تىپتىكى 155 - تىپلىق كاچې زەمبىرىكىدىن ئالتىنى،2000 - تىپلىق 155 مىللىمېتىرلىق ئۆزى يۈرەر زەمبىرەك ۋە قاپلان ھاۋا مۇداپىئە تانكىسى ھەمدە 160 مىڭ دانە قاپلان زېنىت توپ ئوق - دورىسىنى تاپشۇرۇشنى پىلانلىدى، نۆۋەتتە ئېغىر تىپتىكى پىيادە ئەسكەرلەر ئۇرۇش ئاپتوموبىلىدىن 10 ئى ئىشلىتىشكە تاپشۇرۇلدى. نورۋىگىيە، گىرمانىيە، دانىيە قاتارلىق دۆلەتلەر يەنە ئوكرائىنانىڭ ھەربىي سانائىتىنى مەبلەغ بىلەن تەمىنلەپ، ئۇلارنىڭ قورال - ياراغ، ئوق - دورا ياسىشىغا ياردەم بېرىدىغانلىقى توغرىسىدا ۋەدە بەردى. ئەگەر بۇ قوراللارنىڭ ھەممىسى ئەڭ ئاخىرىدا ئوڭۇشلۇق ئەمەلىيلەشسە، ئۇكرائىنانىڭ بۇ يىلنىڭ ئالدىنقى يېرىمىدىكى قورال سەرپىياتى مەسىلىسى ئۈنۈملۈك ھەل بولىدۇ.
ئۇكرائىنا ئارمىيەسىنىڭ ئاساسلىق ھۇجۇم قىلىش يۆنىلىشىگە قارىتا، رۇسىيە دۆلەت ئىچىدىكى بەزى قاراشتىكىلەر، ئۇلارنىڭ 2025 - يىلىنىڭ بېشىدا كەڭ كۆلەملىك ھەربىي ھەرىكەت قوزغىشىنى نەزەردىن ساقىت قىلىشقا بولمايدۇ، دەپ قارىدى. ئۇكرائىنا ئارمىيەسىنىڭ يېقىندا كۇرسكتا قوزغىغان بىر قاتار قايتۇرما زەربە بېرىش ئۇرۇشى بەلكىم پەقەت بىر نىقاب بولۇشى مۇمكىن، ئۇنىڭ ھەقىقىي مەقسىتى رۇسىيە ئارمىيەسىنىڭ دىققىتىنى جەلپ قىلىش، مۇداپىئەسى نىسبەتەن ئاجىز بولغان بريانسك ئوبلاستى ۋە بېرگورود ئوبلاستىنى قوغداش.
