جىگەر راكى بەش خىل كىشىلەرگە ئامراق

جىگەر راكى يېقىنقى يىللاردىن بۇيان دائىم كۆرۈلىدىغان ئىككى سۆز بولۇپ، نۇرغۇن داڭلىق كىشىلەر ئۇنىڭ سەۋەبىدىن ھاياتىدىن ئايرىلدى. بۇ داڭلىق كىشىلەرنىڭ پۇلى كەم ئەمەس، ئەڭ ياخشى داۋالاش مۇلازىمىتىدىن بەھرىمەن بولالايدۇ، لېكىن يەنىلا كېسەل ئۈستىدىن غالىب كېلەلمىدى، بۇنىڭدىن جىگەر راكىنىڭ قانچىلىك ئېغىرلىقىنى كۆرۈۋالغىلى بولىدۇ. بىراق، تېخىمۇ چوڭقۇر سەۋەب شۇكى، جىگەر راكى بايقالغاندا، ھەمىشە:ئاخىرقى باسقۇچتا نېمە ئۈچۈن جىگەر راكى شۇنچە ئېغىر بولىدۇ؟ قايسى كىشىلەر ئاسان قوبۇل قىلىنىدۇ؟ بىز قانداق قىلىشىمىز كېرەك؟

دەسلەپكى مەزگىلدىكى جىگەر راكى، كېسەللىك ئالامەتلىرى ناھايىتى روشەن ئەمەس

كۆپچىلىككە مەلۇمكى، راك كېسىلىنى بالدۇر بايقاش ئىنتايىن مۇھىم. توردا ھەر خىل كىچىك ئۇسۇللار تارقىلىپ يۈرگەن بولۇپ، پەقەت بىر - ئىككى خىل كېسەللىك ئالامىتىگە تايىنىپلا جىگەر راكىغا دىئاگنوز قويغىلى بولىدۇ، ئاساسىي جەھەتتىن ئىشەنچىلىك ئەمەس. چۈنكى، جىگەر راكىنىڭ دەسلەپكى ئالامەتلىرى ئانچە روشەن ئەمەس. بۇنى ئىچكى ئەزالارنىڭ ئالاھىدىلىكىدىن باشلاپ سۆزلەشكە توغرا كېلىدۇ. ئادەمنىڭ نۇرغۇن ئىچكى ئەزالىرىنىڭ بىر ئاجايىپ ئىقتىدارى بار:پەقەت بىر قىسمىلا يېتىدۇ. جىگەر مانا مۇشۇنداق، ساغلام جىگەر تەخمىنەن تۆتتىن بىر قىسىم بولسىلا ئادەم بەدىنىنى نورمال خىزمەت قىلدۇرالايدۇ. جىگەر راكىنىڭ دەسلەپكى مەزگىلىدە، جىگەرنىڭ ئىقتىدارى يېتەرلىك بولىدۇ، شۇڭا ئادەم بەدىنىدە روشەن نورمالسىزلىق بولماسلىقى مۇمكىن. نۇرغۇن بىمارلار ئۆسمە چوڭىيىپ قورسىقى چىڭقىلىپ كەتكەندىن كېيىن، ئاندىن جىگەر راكىنىڭ ئاخىرقى باسقۇچى ئىكەنلىكىنى بايقىدى. ئەمما بۇ ۋاقىتتا بىمارنىڭ جىگەر ئىقتىدارى نورمال بولۇشى مۇمكىن. ئومۇمەن، جىگەر راكىنىڭ بار - يوقلۇقىنى بېكىتىش ئۈچۈن، ئادەتتىكى سالامەتلىك تەكشۈرۈش ۋە يەنىمۇ ئىلگىرلىگەن ھالدا تەكشۈرۈشكە توغرا كېلىدۇ. گەرچە كېسەللىك ئالامەتلىرى روشەن بولمىسىمۇ، لېكىن جىگەر راكىنىڭ ئۆزىگە خاس قانۇنىيىتى بار.

جىگەر راكى بۇ بەش خىل كىشىلەر ئامراق

جىگەر راكىغا ئامراق كىشىلەرنىڭ بەدىنىدە كۆپ ھاللاردا مۇنداق بەش خىل ئالاھىدىلىك بولىدۇ:1. ب تىپلىق جىگەر ياللۇغى بولۇپ باققان دۆلىتىمىزدە تەخمىنەن %90 جىگەر راكى بىمارى B تىپلىق جىگەر ياللۇغى ۋىرۇسى بىلەن يۇقۇملانغان. چەتئەللەر بىزگە ئوخشىمايدۇ، غەرب دۆلەتلىرىدە C تىپلىق جىگەر ياللۇغى ۋىرۇسى بىلەن يۇقۇملانغان جىگەر راكى بىمارلىرى تېخىمۇ كۆپ ئۇچرايدۇ. شۇڭا، ناھايىتى ئېھتىياتچانلىق بىلەن ئېيتقاندا، جىگەر ياللۇغى ۋىرۇسى بىلەن يۇقۇملانغان كىشىلەر كۆپرەك دىققەت قىلىشى كېرەك. 2. جىگەر قېتىش بار جىگەر قېتىشنىڭ كېيىنكى قەدىمى جىگەر راكى، بولۇپمۇ جىگەر قېتىش تەكشۈرۈپ ئېنىقلانغان بىمارلار. 3. جەمەت ئىچىدە جىگەر راكى بىمارلىرى بۇ يەردە ئالدى بىلەن شۇنى ئايدىڭلاشتۇرۇۋېلىش كېرەككى، جىگەر راكى كۆپچىلىك ئويلىغاندەك «ئېرسىيەت كېسەللىكى» ئەمەس. ئىرسىيەت كېسەللىكى گېننىڭ تۇيۇقسىز ئۆزگىرىشى ياكى خروموسومانىڭ غەلىتە ئۆزگىرىشى كەلتۈرۈپ چىقارغان كېسەللىكنى كۆرسىتىدۇ، ئاددىي قىلىپ ئېيتقاندا، ئاتا - ئانا بالىغا ئىرسىيەت قالىدۇ، كۆپىنچىسى تۇغما بولىدۇ. جىگەر راكىنىڭ ئىرسىيەتچانلىقى «جەمەت توپلىشىش ھادىسىسى» دەپ ئاتىلىدۇ، ئەڭ كۆپ ئۇچرايدىغان مىسال شۇكى، B تىپلىق جىگەر ياللۇغىغا گىرىپتار بولغان ئانا بالا تۇغقاندا B تىپلىق جىگەر ياللۇغى ۋىرۇسىنىمۇ بالىغا «يەتكۈزۈپ» بېرىدۇ. بىراق، بەك ئەنسىرەپ كەتمەڭ، ئانا Bتىپلىق جىگەر ياللۇغى ۋىرۇسىنى ئېلىپ يۈرگۈچى بولغان تەقدىردىمۇ، بالىغا Bتىپلىق جىگەر ياللۇغى ئىممۇنىتېت شارچە ئاقسىلى ۋە Bتىپلىق جىگەر كېسىلى ۋاكسىنىسىنى ۋاقتىدا ئۇرسىلا، ناھايىتى ياخشى كونترول قىلغىلى بولىدۇ. 4.40 ياشتىن يۇقىرى جىگەر راكىنىڭ كۆپ يۈز بېرىش يېشى 40 ياشتىن كېيىن بولۇپ، ئايرىم - ئايرىم ھالدا 40 ياشتىن يۇقىرى ئەرلەر ۋە 50 ياشتىن يۇقىرى ئاياللار بولىدۇ، بۇنىڭ ئىچىدە ئەرلەرنىڭ كېسەل بولۇش نىسبىتى ئاياللارنىڭكىدىن يۇقىرى بولىدۇ. 5. ھاراققا خۇمار بولماق نۇرغۇن كىشىلەر ئۇزۇن مۇددەت ھاراق ئىچكەن كىشىلەرنىڭ ئاسانلا «ئىسپىرتلىق جىگەر» گە گىرىپتار بولىدىغانلىقىنى، مۇشۇ ئاساستا جىگەر قېتىشقا تەرەققىي قىلىپ، جىگەر راكىغا تەرەققىي قىلىش پۇرسىتىگە ئىگە بولىدىغانلىقىنى بىلىدۇ.

بۇ بەش خىل ئەھۋال بولسا قانداق قىلىش كېرەك؟

ئالدى بىلەن ئەلۋەتتە تەدبىر قوللىنىش كېرەك، مەسىلەن، جىگەر ياللۇغى بارلار جىگەر ياللۇغىنى ياخشى كونترول قىلىشى، ناچار تۇرمۇش ئادىتى بارلار ئاكتىپلىق بىلەن ياخشىلىشى كېرەك. ئوخشاشلا مۇھىمى سالامەتلىك تەكشۈرۈش خىزمىتىنى ياخشى ئىشلەپ، بالدۇر بايقاپ، بالدۇر بىر تەرەپ قىلىش كېرەك. جىگەر راكى بولغان تەقدىردىمۇ، دەسلەپكى مەزگىلدىلا تارتىپ چىقارغىلى بولسا، داۋالاش ئۈنۈمى ياخشى بولاتتى. كونكرېت قىلىپ ئېيتقاندا مۇنداق قىلىش كېرەك:ئەگەر ئالدىنقى ئۈچ خىل كىشىلەر بولسا، ھەر ئالتە ئايدا بىر قېتىم قورساق قىسمىنى B بىچاۋ تەكشۈرۈش + قان زەردابى فېتوپروتېئىن ( AFP ) نى تەكشۈرۈش؛ ئەگەر كېيىنكى ئىككى خىل كىشىلەر بولسا، ھەر يىلى بىر قېتىم سالامەتلىك تەكشۈرتۈپ، نورمالسىزلىق بايقالسا ئاندىن ئۈستىدىكى تەكشۈرۈشنى ئويلىشىش كېرەك. ئادەتتىكى كىشىلەر قانداق ئالدىنى ئېلىشى كېرەك؟ B تىپلىق جىگەر ياللۇغى، C تىپلىق جىگەر ياللۇغى، جىگەر قېتىش قاتارلىق جىگەر كېسىلى بولمىغان ئادەتتىكى كىشىلەرنىڭ جىگەر راكىغا گىرىپتار بولۇش ئېھتىماللىقى بىر قەدەر كىچىك بولىدۇ، شۇڭا بەك ئەنسىرەپ كەتمىسىمۇ بولىدۇ. ئەمما، ناچار تۇرمۇش ئۇسۇلىمۇ جىگەر راكىنى كەلتۈرۈپ چىقىرىدىغان مۇھىم ئامىل، شۇڭا كۆپچىلىك ئىشنى كىچىك ئىشلاردىن باشلىشى كېرەك:1. تاشلاش ئەڭ جىگەرگە زىيانلىق ئادەت ھاراقنى كۆپ ئىچىدىغان، بولۇپمۇ بىر كۈن ئىچمىسە پۈتۈن بەدىنى بىئارام بولىدىغان كىشىلەرنىڭ ئاغزى راھەتلەنسە، جىگىرى بەرداشلىق بېرەلمەيدۇ. بىر جۈملە سۆز:تاماكا چەكمەسلىك، ھاراقنى ئاز ئىچىش ( ئەڭ ياخشىسى ئىچمەسلىك )، يېمەك - ئىچمەكنى تەڭپۇڭلاشتۇرۇش، چېنىقىشنى داۋاملاشتۇرۇش، قايسى خىل راك كېسىلىنىڭ ئالدىنى ئېلىشتا بۇ ئۈچ ماددا كەم بولسا بولمايدۇ. 2. كۆكىرىپ سۈپىتى ئۆزگەرگەن يېمەكلىكلەرنى يېمەسلىك كۆكىرىپ قالغان يېمەكلىكلەرنىڭ تەركىبىدە راك پەيدا قىلغۇچى ماددا «ئافلاتوكسىن» بولۇشى مۇمكىن، بۇ نەرسە جىگەر راكى بىلەن ناھايىتى يېقىن، شۇڭا چوقۇم ئېھتىيات قىلىش كېرەك. 3. قەرەللىك سالامەتلىك تەكشۈرۈش راك كېسىلىنى مۇۋاپىق تەكشۈرۈش جىگەر راكىنى تەكشۈرۈش بەك خەتەرلىك، بالدۇر بايقاپ، بالدۇر بىر تەرەپ قىلىش ئەڭ ياخشى ئۇسۇل، شۇڭا ۋاقىت چىقىرىپ بىر يۈرۈش سالامەتلىك تەكشۈرتۈش كېرەك