昨日（8月20日），《黑神話：悟空》正式登陸各大遊戲平台，並迅速登頂Steam熱門遊戲榜首，實體遊戲一款難求，甚至連聯名周邊都被一搶而空，話題度引爆全網。
作為國產首款高品質單機遊戲，《黑神話：悟空》以《西遊記》為故事背景，講述唐僧師徒取經成功後，孫悟空被封鬥戰勝佛，卻漸漸銷聲匿跡。玩家將扮演一位「天命人」，為了探尋昔日傳說的真相，踏上一條充滿危險與驚奇的西遊之路。
在中國文學的四大名著裡，《西遊記》被改編成其他衍生作品的次數當之無愧的第一，從電視劇到電影，動漫到遊戲......經久不衰，可謂是超強IP！
香港商務印書館出版的《全粵語西遊記》以廣東話廣東字全新演繹《西遊記》。由著名粵語主播李沛聰播講，特邀中國美術學院青年畫家李卓言繪製精美插圖，每一回後附設「粵語知多啲」和「歷史知多啲」，各類典故一書全掌握！
《全粵語西遊記》
原著：吳承恩
改編：李沛聰
繪畫：李卓言
出版社：香港商務印書館
出版時間：2023年11月
這本全用粵語文字改編而成的《西遊記》，從原著中精選四十五回內容，保留了主要的精彩故事和豐富的古代歷史文化內容，也為讀者帶來生動有趣、原汁原味的粵語講古，能讀能聽，方便讀者隨時閱讀。而生動傳神的插畫，也可提升閱讀趣味，幫助理解。
讀者在這本書中，能看到唐僧師徒取經路上不斷升級打怪，又能學到諸如「牙齒當金使」、「照板煮碗」等粵語俗語，更能了解「三皇五帝」、「文殊菩薩」、「打擊佛教」等等歷史文化常識。看經典故事，讀地道粵語，學傳統文化，一本《全粵語西遊記》即可滿足大家！
下文節選自書中內容，可掃描右下方二維碼收聽這隻嗎嘍的故事吧~
第一回 石猴降世稱猴王 （編輯節選）
掃碼試聽第一回！
相傳自從盤古開天，三皇五帝之後，世界分成咗四大部洲。喺東勝神州傲來國對開嘅東海上面，有座花果山，山頂上面有嚿大石頭。
呢嚿大石頭有三丈幾高，旁邊有好多充滿靈氣嘅花草相伴。嚿石頭每日吸收日月精華，久而久之竟然孕育咗個仙胎出嚟。經過漫長嘅歲月，有一日，呢嚿石頭忽然間裂開咗，生出一個圓球咁大嘅石蛋。個石蛋畀風一吹，竟然化成咗一隻石馬騮。呢隻石馬騮有手有腳，識行識走，同普通馬騮一模一樣。只見佢一落地，雙眼就發出兩道金光，直衝天際。呢兩道金光好犀利，竟然一路射到上天庭，驚動咗玉皇大帝。
玉皇大帝以為發生咩大鑊嘢，馬上叫千里眼同順風耳兩名仙將去睇下咩回事。佢兩個去天門外面睇咗一輪，就返嚟回報話：「稟玉帝，原來係東勝神州傲來國花果山上嘅仙石生咗一隻石馬騮。佢啱啱出世係威係勢，眼運金光，等一陣佢飲水食嘢之後就會平息㗎啦。」玉帝聽咗，噉先放落心嚟。
果然，隻石馬騮好快就變翻普通馬騮噉嘅樣，同其他馬騮、野獸一齊喺花果山生活，日子都過得十分逍遙。
過得一排，正值天時暑熱，一大班馬騮喺樹蔭下面玩，玩玩下就玩到一條山澗附近。佢哋一路往上爬，爬到條山澗嘅源頭，發現原來係一股瀑布飛流，從山石之間飛流而下，好似一幅掛簾噉，非常壯觀。班馬騮就商量話：「邊個有本事可以捐入去搵到瀑布嘅源頭，身體又無受傷嘅，我哋就拜佢做大王！」
玩得一陣，石馬騮就對大家話：「各位，大家之前講好咗，邊個搵到瀑布源頭，就拜邊個做大王。我哋馬騮牙齒當金使嘅，而家我搵到個咁好嘅地方，你哋係咪應該拜我做大王啊？」
班馬騮又真係幾有口齒，一聽完石馬騮噉講，就馬上齊齊走過嚟向石馬騮行禮，大叫：「千歲大王！千歲大王！」自此之後，石馬騮就做咗馬騮大王了。佢自稱為「美猴王」，帶住大大細細各種馬騮喺花果山水簾洞生活，樂也遙遙，日子過得十分快活。
呢一日，美猴王嚟到一座風景秀麗、叢林幽深嘅高山。佢喺山入面行行下，遇見咗一個斬柴佬。只聽到個斬柴佬一路行一路唱：「相逢處，非仙非道，靜坐講黃庭。」
美猴王聽到呢段噉嘅歌詞，覺得個斬柴佬一定係神仙了，於是馬上行過去行禮話要拜師。個斬柴佬畀佢嚇咗一跳，耍手兼擰頭話：「我唔係神仙，只係聽過神仙教嘅幾句歌仔而已。嗱，你一路行入山裡面，就會見到個斜月三星洞，裡面有位菩提祖師，嗰個就真係神仙喇。」
美猴王終於搵到神仙嘅蹤跡，高興到飛起，馬上拜謝過斬柴佬，就一路沿住山路前行。行得七八里，佢果然見到一個煙霞滿眼、松柏森森嘅洞府，洞口有個石碑寫住：「靈台方寸山，斜月三星洞」。美猴王知道今次搵啱地方喇，啱啱想上去敲門，就見到洞口忽然間打開，裡面走出個童子，話師父吩咐自己出嚟帶美猴王入去。
美猴王見菩提祖師未卜先知咁厲害，更加佩服。入到去，只見祖師坐喺台上講學，一副仙風道骨嘅樣子，連旁邊企住聽講嘅一個二個小仙都儀表非凡，睇到美猴王倒頭就拜，一連叩咗好多個頭，大聲話：「師父！弟子誠心禮拜，誠心禮拜！」
菩提祖師見佢咁有誠意，就問佢係何方人士，美猴王一一照實回答。祖師聽講美猴王係仙石孕育而生，都十分歡喜，應承收佢做徒弟，仲幫佢起咗個名叫做「孫悟空」。
美猴王好開心，哈哈大笑話：「好啊好啊！從今之後，我就叫孫悟空！」
更有盞鬼（編按：有趣、可愛）粵語表情包等你來下載~
作者介紹
李沛聰
電台主持，作家，喜馬拉雅 APP 粵語頻道主編，曾任廣州大學新聞與傳播學院客座教授。其創作並播講的《西楚霸王》、《大清帝國》、《大明王朝》、《兩宋文明》等音頻作品，在廣東地區多個電台及喜馬拉雅APP播出，出版書籍包括《粵語有段古》、《灣區非遺你玩曬》、《灣區有乜玩》等。
李卓言
中國美術學院在讀研究生、廣州國家青苗畫家培養計劃畫家，曾為《手繪西關》、《粵語有段古》、《全粵語三國演義》等書籍繪畫插圖，本科畢業創作《永遇樂》獲中國美院畢業創作銀獎，由廣州藝術博物院收藏。
（圖文轉載並改編自香港商務印書館微信公眾號）
購買途徑
「中商進口商城」小程序，點擊上方圖書封面可進入購買鏈接。
「一本」官方網站，識別下方二維碼，進入購買頁面。
香港
．全線三聯書店、中華書局及商務印書館門市
．各大書店
．「一本」文化閱讀購物平台
www.mybookone.com.hk
內地
．又日新圖書專營店
．深圳聯合書店本來藝文館
．中華商務圖書專營店
．聯合圖書音像專營店
．廣州聯合書店
．上海香港三聯書店
台灣
．博客來
．誠品書店
．三民網絡書店
．各大書店
微信公眾號不再按照時間順序推送，聯合出版集團不想錯過你，想把最好的推送第一時間分享給你！只需點擊右上角「...」，然後點擊「聯合出版集團」，再點擊右上角「...」，然後設為星標就可以啦！
您還可以讀這些
