سىز دائىم باشقىلارنىڭ كۆز-قارىشىغا بەك كۆڭۈل بۆلىسىز، باشقىلارنىڭ مۇنداقلا بىر ئېغىز گېپى كۆڭلىڭىزنى يېرىم قىلىدۇ. ئەگەر سىزدە بۇ باش قېتىنچىلىقلىرى بولسا، مەن كۆپچىلىككە كەيپىياتىڭىزنى تۇراقلاشتۇرىدىغان ئىنسان تەبىئىتىنىڭ ئۆزگەرمەس قانۇنىيىتىدىن ئوننى سۆزلەپ بېرىمەن.
بىرىنچى ئۆزگەرمەس قائىدە شۇكى، باشقىلار بىلەن مەنپەئەت توقۇنۇشمىغاندا، قارشى تەرەپنىڭ گېپىگە ھەرگىز رەددىيە بەرمەڭ. كىشىلەر بىلەن بولغان مۇناسىۋىتى ياخشى، ھېسسىيات بۆلۈنمىسى يۇقىرى كىشىلەرگە قاراڭ، باشقىلارنىڭ گېپى چەكتىن ئېشىپ كەتكەن تەقدىردىمۇ، ئۇلار بەك ئەستايىدىل بولۇپ كەتمەيدۇ. چۈنكى ئىنسان تەبىئىتى مانا مۇشۇنداق، ھەممەيلەن ئۆزىنى تېخىمۇ ئەقىللىق ھېس قىلىدۇ، ئۇنىڭ ئۈستىگە قۇلاققا ياقىدىغان گەپلەرنى ئاڭلاشنى ياخشى كۆرىدۇ. ئەگەر سىز باشقىلارنى تەنقىد قىلسىڭىز، رەددىيە بەرسىڭىز، ناھايىتى ئاسانلا ئادەمنى بىزار قىلىسىز.
ئىككىنچىسى، باشقىلار ئۆزىنى مەسخىرە قىلغاندا، باشقىلارغا ئەگىشىۋالماي، ئەكسىچە ماختاش. ئەمەلىيەتتە، نۇرغۇن ۋاقىتلاردا كىشىلەرنىڭ ئۆزىنى مەسخىرە قىلىشى كەيپىياتنى جانلاندۇرۇش ياكى ماختاشقا ئېرىشىشنى ئۈمىد قىلىشتىن كېلىدۇ. ئەگەر سىز ئۇنىڭغا ئەگەشسىڭىز، قارشى تەرەپنى ئوڭايسىزلاندۇرۇپ قويىسىز ۋە خاپا قىلىسىز. ئېسىڭىزدە بولسۇن، ئادەمنى كۆپ ماختاش ناھايىتى توغرا، قارشى تەرەپ سىزنىڭ قەستەن قىلغانلىقىڭىزنى بىلگەن تەقدىردىمۇ، كۆڭلى يايراپ كېتىدۇ.
ئۈچىنچى ئۆزگەرمەس قائىدە شۇكى، ئەگەر بىرەرسى كەينىڭىزدىن يامان گېپىڭىزنى قىلسا، سىز ئۇنىڭ بىلەن قارشىلاشماي، ئۇنى ماختاپ كۆككە كۆتۈرۈشىڭىز كېرەك. بۇنداق بولغاندا باشقىلار سىزنى كەڭ قورساق، ئۇنى پىخسىق دەپ ئويلايدۇ. ئۇنىڭ ئۈستىگە، ئۇنى دائىم ماختاپ كۆككە كۆتۈرسىڭىز، ئۇ بارغانسېرى مەنمەنچى بولۇپ كېتىدۇ، ھامان بىر كۈنى ئاۋارىچىلىققا ئۇچرايدۇ.
تۆتىنچى ئۆزگەرمەس قائىدە شۇكى، باشقىلارغا ھەرگىز تەشەببۇسكارلىق بىلەن تەكلىپ بەرمەسلىك كېرەك، بولۇپمۇ باشقىلارنىڭ ھاياتىدىكى چوڭ ئىشلار، مەسىلەن، ئۆي سېتىۋېلىش، توي قىلىش قاتارلىقلار. باشقىلار سىزدىن سورىغان تەقدىردىمۇ، بىۋاسىتە دەۋەتمەڭ. چۈنكى ئىنسان تەبىئىتى مۇشۇنداق، مەسىلە چىقسا دائىم باشقىلاردىن ئاغرىنىپلا يۈرىدۇ.
بەشىنچى پولاتتەك قانۇنىيەت شۇكى، «ئاغزى ئىتتىك، باغرى يۇمشاق»ئادەملەردىن بولماڭ، شۇنداقلا بىر ئىشلارنى كېسىپ ئېيتىۋەتمەڭ.
ئالتىنچى ئۆزگەرمەس قائىدە: باشقىلارنىڭ سىزگە بولغان كۆز-قارىشىغا بەك پەرۋا قىلىپ كەتمەڭ، بولمىسا بەك ئازابلىنىسىز. باشقىلار مۇنداقلا ئىككى ئېغىز گەپ قىلىپ قويسا، تاماقمۇ، ئۇيقۇمۇ ياخشى بولمىسا بۇ ئۆزىگە ئۆزى جاپا تاپقانلىق ئەمەسمۇ؟ ئەمەلىيەتتە، كىمنىڭ قارىشىغا قانچە ئېتىبار بەرسىڭىز، شۇ سىزنى شۇنچە كونترول قىلالايدۇ.
يەتتىنچى پولاتتەك قانۇنىيەت خىزمەت مەيدانىدا كەمتەر بولۇش، كۆز-كۆز قىلماسلىق، ياسالمىلىق قىلماسلىق كېرەك. نۇرغۇن كىشىلەر ئەتراپىدىكى ئۆزىدىن كۈچلۈك كىشىلەرگە ھەسەت قىلىدۇ، ئەگەر بەك جار سېلىپ كەتسىڭىز، ھەسەت ۋە ئۆچمەنلىك پەيدا بولۇشى مۇمكىن.
سەككىزىنچى ئۆزگەرمەس قائىدە: سىرتقا چىققاندا بەك ئاجىز بولۇپ قالماڭ، بولمىسا ئاسانلا بوزەك بولىسىز. بەزىلەر ياماننى بوزەك قىلىپ، ياماندىن قورقۇشنى ياخشى كۆرىدۇ، ئەگەر سىز بوزەك بولغاندەك كۆرۈنسىڭىز، ئۇلار كېلىپ سىزگە ئاۋارىچىلىق تېپىپ بېرىشى مۇمكىن.
توققۇزىنچى ئۆزگەرمەس قائىدە شۇكى، ئادەم نامرات چاغدا كىشىلىك مۇناسىۋەتكە بەك ئېسىلىۋالماسلىقى، ئەھمىيىتى يوق زىياپەتلەرگە قاتناشماسلىقى كېرەك. كىشىلىك مۇناسىۋەتنىڭ ماھىيىتى قىممەت ئالماشتۇرۇش، سىزنىڭ قىممىتىڭىز بولمىسا، ھەرقانچە كۆپ ئادەم بىلەن تونۇشسىڭىزمۇ پايدىسى يوق. ئۇنىڭ ئۈستىگە بۇ زىياپەت سىزنىڭ ۋاقتىڭىز ۋە زېھنىڭىزنى ئىسراپ قىلىدۇ.
ئونىنچى ئۆزگەرمەس قائىدە: ئۇرۇق-تۇغقان، دوست-بۇرادەرلىرىڭىزنىمۇ ھەمدە باشقىلارنىمۇ ئۆزگەرتىشكە ئۇرۇنماڭ. ھەممە ئادەم ئۆزىنىڭ قىلغىنىنى توغرا دەپ قارايدۇ، سىز ئۇلارنى ئۆزگەرتمەكچى بولسىڭىز، پەقەت جاپا تارتىپ، ياخشى بولالمايسىز، يەنە تېخى باشقىلارنىڭ ئۆچمەنلىكىنى قوزغايسىز.
بۇ ئۆزگەرمەس قائىدىلەرنىڭ كۆپچىلىكنىڭ كەيپىياتىنى كونترول قىلىپ، ھەر كۈنى خۇشال ئۆتۈشىنى ئۈمىد قىلىمەن. پايدىسى باردەك ھېس قىلغان بولسىڭىز، يۈرەك بېرىشنى ئۇنتۇپ قالماڭ!
