བློ་མཐུན་ཉེན་རྟོག་པ་ལགས ངའི་ཚོང་ཟོག་རིན་པ་རག་མ་བྱུང་། ཞེས་ཉེ་ཆར་ལྕང་ལོ་ཁང་གསར་སྡེ་ཁུལ་གྱི་དམངས་ཕན་ཉེན་རྟོག་ཞབས་ཞུའི་ས་ཚིགས་ལ་ཁོངས་གཏོགས་ཁུལ་གྱི་ཚོང་པ་ཨ་ཅག་ཀྲང་ལགས་ཀྱིས་སྙན་སེང་ཞུས་ནས་རོགས་སྐྱོར་བྱེད་རོགས་ཞུས། ཁོང་གིས་ཚོང་ཤག་ཅིག་གིས་ཚོང་ཟོག་རིན་པ་ལོ་4འགྱངས་ནས་ད་དུང་སྤྲད་མ་བྱུང་བས་མི་དམངས་ཉེན་རྟོག་པས་རོགས་པ་གནང་རོགས་ཟེར།
རྒྱུས་ལོན་བྱས་པ་བརྒྱུད། ཚོང་པ་ཞུད་ཆེ་གེ་མོས་2020ལོར་ཨ་ཅག་ཀྲང་ལགས་ཀྱི་ཚོང་ཁང་ནས་རིན་གོང་སྒོར12000རི་བའི་ལྕགས་རྩིབས་རྒྱུ་ཆ་ཉོས་པ་མ་ཟད། ཟླ་གཅིག་གི་ནང་དུ་དངུལ་སྤྲད་ཚར་བ་བྱ་རྒྱུའི་ཁས་བླངས། ཡིན་ནའང་དུས་ཚོད་ཀྱི་འགྲོས་དང་བསྟུན་ནས། ཞུད་ཆེ་གེ་མོས་དུས་ཐོག་རིན་པ་དེ་མ་སྤྲད། ཨ་ཅག་ཀྲང་ལགས་ཀྱིས་ཞུད་ཆེ་གེ་མོར་འབྲེལ་གཏུག་ཐེངས་མང་བྱས་ནས་ཚོང་ཟོག་རིན་པའི་སྐོར་ལ་གྲོས་མོལ་བྱས་ཀྱང་འབྲས་བུ་མ་བྱུང་བས། འུ་ཐུག་ནས་ཉེན་རྟོག་པར་རོགས་སྐྱོར་བྱེད་རྒྱུའི་རེ་བ་ཞུས།
འགལ་ཟླ་ཆེ་རུ་མི་འགྲོ་བ་བྱ་ཆེད། ཉེན་རྟོག་ཞབས་ཞུའི་ས་ཚིགས་ཀྱི་ཉེན་རྟོག་པས་འཕྲལ་མར་འདུམ་འགྲིག་གི་ལས་དོན་སྤེལ་ནས། དོ་བདག་ཕྱོགས་གཉིས་པོའི་རེ་ཞུ་ལྟར་དོན་དངོས་ལ་གཞིགས་པ་དང་གནས་ལུགས་ཤོད་པ། བཅའ་ཁྲིམས་དྲིལ་བསྒྲགས་བཅས་ཀྱི་བྱ་ཐབས་བརྒྱུད་ཕྱོགས་གཉིས་པོར་ངང་རྒྱུད་རིང་པོའི་གོ་སྐོན་བློ་འགུག་བྱས། མི་དམངས་ཉེན་རྟོག་པས་བརྩེ་སེམས་དང་གནས་ལུགས་གཉིས་ཀའི་ཐོག་ནས་བར་འདུམ་བྱས་པ་བརྒྱུད། མཇུག་མཐར་ཕྱོགས་གཉིས་ཀྱི་བསམ་འཆར་གཅིག་མཐུན་བྱུང་། ཞུད་ཆེ་གེ་མོས་སྐད་འཕྲིན་གཏོང་སྤྲོད་ཀྱི་ཐོག་ཏུ་དངུལ་སྨར་ཁ་སྣོན་བྱས་ནས་སྒོར་12000དེ་གཙང་འཇལ་བྱས། དངུལ་ལག་འབྱོར་བྱུང་བའི་ཨ་ཅག་ཀྲང་ལགས་ཀྱིས། གནས་ཚུལ་འདིས་ང་ལ་དུས་ཡུན་རིང་པོ་སེམས་ངལ་བཟོས་བྱུང་། བློ་མཐུན་ཉེན་རྟོག་པས་ང་ལ་རོགས་པ་ཆེན་པོ་ཐག་གནང་བར་ཐུགས་རྗེ་ཆེ་ཞུ་རྒྱུ་ཡིན། དངོས་གནས་ཐུགས་རྗེ་ཆེ་བྱུང་། དུས་ཡུན་ལོ་བཞི་འགོར་བའི་རིན་དངུལ་སྐོར་གྱི་རྩོད་གཞི་དེ་བདེ་བླག་ངང་སེལ་ཐུབ་པ་བྱུང་ཞེས་མི་དམངས་ཉེན་རྟོག་པར་ཐུགས་རྗེ་ལན་མང་ཞུས།
བསྐྱར་ཞུས། རྒྱལ་མཚན།
ཞུ་དག ཚེ་རིང་རྒྱ་མཚོ།
རྩོམ་སྒྲིག་པ། བཀྲ་ཤིས་ཚེ་རིང་།
ཡིག་སྒྱུར། བཀྲ་ཤིས་ཚེ་རིང་།
སྒྲ་འཇུག སྐལ་བཟང་རྒྱལ་མཚན།
ཡོང་ཁུངས། གཞིས་ཀ་རྩེའི་ཉེན་རྟོག།
ཡིག་སྒམ་ཨང་གྲངས།
གལ་སྲིད་ཁྱེད་ལ་ཁུངས་བཙན་གྱི་གསར་འགྱུར་རམ་ཆ་འཕྲིན་ཆོབ་ཚ་པོ་དེ་འདྲ་ཡོད་ཚེ་ང་ཚོར་བསྐུར་རོགས་གནང་།
ང་ཚོའི་ཡིག་སྒམ་ནི་1132875981@qq.comཡིན།
རྩོམ་ཡིག་གཞིས་ཀ་རྩེའི་ཚགས་པར་ལས་ཁུངས་ཀྱི་ཡིག་སྒམ་rkzbszw@163.comལ་བསྐུར་རོགས་གནང་།
ང་ཚོའི་བརྙན་ཐུང་རྟགས་ཅན་日喀则广播电视台ཟེར་བར་དོ་ཁུར་གནང་ནས་ངོ་མཚར་ལྟད་མོར་གཟིགས་དང་།
