བོད་ཀྱི་གྱེར་འདོན་སྤྱི་སྟེགས་ཆེན་མོ་ནི་གྱེར་འདོན་སྒྱུ་རྩལ་ལ་ཐུགས་མོས་ཆེ་བའི་མི་བུ་རེ་སྙེག་ཅན་རྣམས་ལ་བསྐྲུན་པའི་སྐད་ངག་གི་ཉམས་སྣང་མངོན་སའི་གར་སྟེགས་ཤིག་དང་། ནང་སེམས་ཀྱི་འགྱུར་བ་བསྙལ་སའི་གནས་མལ་ཞིག་ཡིན་པས། གྱེར་འདོན་སྒྱུ་རྩལ་པ་གང་མང་སྐྱེད་སྲིང་སྒོས་ལོ་རྒྱུས་ཀྱི་ཉམས་སད་ཐེག་ཅིང་དུས་རབས་ཀྱི་སྙིང་སྟོབས་ལྡན་པ་ཞིག་ཏུ་འགྱུར་བར་རེ་བཞག་ཤིན་ཏུ་ཆེ།
བོད་ཀྱི་སྙན་ངག་པ་གྲགས་ཅན་འབྲུག་ལྷ་རྒྱལ་ནས།
藏族朗诵平台是藏区最大的朗诵媒体之一,本公众号主要是分享藏族已出版过的一些诗歌、经典朗诵、朗读，小品、故事等。
ཕྱིར་ལོག་པའི་ལམ་ཁར།
བྱ་གཞུང་དབྱངས་བྷ།
ཕྱིར་ལོག་པའི་ལམ་ཁར། ཕྱི་མིག་ཡང་ཡང་ཤོར།
ལོ་རྒྱུས་ལས་ཀྱང་རྒྱུན་རིང་བའི་ཁ་འབབ་རྣམ་བཞིའི་སྣོད་དང་བཅུད།
ལོ་རྒྱུས་དང་ལྷན་དུ་ཁྲག་རྩའི་སྦུབས་སུ་རྒྱུག་ཡོང་། མིག་ཀོང་ནང་ལ་འཁྱིལ་ཡོང་།
སྟོད་ཀྱི་མངའ་རིས་སྐོར་གསུམ།
ག་ལེར་བཞུགས། ཡང་ཡང་མཇལ་ཡོང་།
ཕྱིར་ལོག་པའི་ལམ་ཁར། གངས་རི་བྱེ་མ་གཡུང་དྲུང་མཇལ་བྱུང་།
གཡུ་མཚོ་སྔོ་མེར་འཁྱིལ་བའི་གདན་སྟེང་ན།
གཡུང་དྲུང་ཁྲ་ལེར་བཀྲ་བའི་ཁྲི་སྟེང་ན།
གྲུབ་ཐོབ་གཟན་དཀར་མཁའ་ལ་འཕགས་འདྲ་གདའ།
ཏེ་སེ་གངས་ཀྱི་གངས་རྒྱུད། ཡར་ཀླུང་གཙང་པོའི་མ་ཡུམ།
ངའི་རྨི་ལམ་ནང་དུ་རྒྱུན་རིང་བཞུགས་མྱོང་བའི་གངས་དཀར་ལྷ་མོ།
ག་ལེར་བཞུགས། སླར་ཡང་མཇལ་ཡོང་།
ཕྱིར་ལོག་པའི་ལམ་ཁར།
གངས་རིའི་ཕྱི་ནང་གསང་གསུམ་པོ།
མངོན་ལྐོག་བརྒྱུད་གསུམ་ནས་ཞུ་སྟེ།
བཞུར་གྱིན་པའི་ཚུལ་ལ་བྲེད་ཤ་ཡང་ཡང་ལངས།
གངས་དཀར་ཤེལ་གྱི་མུ་ཁྱུད། ངའི་མེས་པོའི་བླ་རི།
ག་ལེར་བཞུགས། ཡང་ཡང་མཇལ་བར་སྨོན།
༢༠༡༨.༨.༡༢ཉིན་འབྲོང་པ་རུ།
---བོད་ཀྱི་གྱེར་འདོན་སྤྱི་སྟེགས་ཆེན་མོ།
