ནམ་མཁར་རྒྱུ་བའི་སྙིང་སྡུག་མ། ▶ སེང་རྡོར་གྱི་སྙན་ངག
文摘
其他
2024-05-20 08:36
西藏
![]()
བོད་ཀྱི་གྱེར་འདོན་སྤྱི་སྟེགས་ཆེན་མོ་ནི་གྱེར་འདོན་སྒྱུ་རྩལ་ལ་ཐུགས་མོས་ཆེ་བའི་མི་བུ་རེ་སྙེག་ཅན་རྣམས་ལ་བསྐྲུན་པའི་སྐད་ངག་གི་ཉམས་སྣང་མངོན་སའི་གར་སྟེགས་ཤིག་དང་། ནང་སེམས་ཀྱི་འགྱུར་བ་བསྙལ་སའི་གནས་མལ་ཞིག་ཡིན་པས། གྱེར་འདོན་སྒྱུ་རྩལ་པ་གང་མང་སྐྱེད་སྲིང་སྒོས་ལོ་རྒྱུས་ཀྱི་ཉམས་སད་ཐེག་ཅིང་དུས་རབས་ཀྱི་སྙིང་སྟོབས་ལྡན་པ་ཞིག་ཏུ་འགྱུར་བར་རེ་བཞག་ཤིན་ཏུ་ཆེ།
བོད་ཀྱི་སྙན་ངག་པ་གྲགས་ཅན་འབྲུག་ལྷ་རྒྱལ་ནས།
藏族朗诵平台是藏区最大的朗诵媒体之一,本公众号主要是分享藏族已出版过的一些诗歌、经典朗诵、朗读，小品、故事等。
ཆོལ་གསུམ་བོད་ཀྱི་གྱེར་འདོན་སྤྱི་སྟེགས་ཆེན་མོར་བྱོན་པ་ལེགས།
ནམ་མཁར་རྒྱུ་བའི་སྙིང་སྡུག་མ།ཁྱོད་རང་མཚན་མོར་སྐར་མའི་ཐོག་ལངས་ཏེ།།ས་ཡི་གོ་ལར་བལྟས་ན་ཐག་རིང་བས།།ང་ཡི་སྡོད་ཁང་རིག་རྒྱུ་མ་རེད་མོད།།རྒྱང་རིང་རྒྱང་རིང་ཞིག་ན་འོད་ཐིག་ཅིག།གཡོ་ཙམ་གཡོ་ཙམ་བྱེད་པ་མཐོང་ངེས་ཡིན།།དེ་ནི་ང་ཡི་ཁང་བའི་སྒེའུ་ཁུང་ཡིན།།སྐབས་དེར་ང་རང་གདན་སྟེང་གན་རྐྱལ་བསྡད།།རྣ་ཉན་རྣ་ནང་བཙུགས་ནས་གླུ་གཞས་མཉན།།གླུ་དེའི་གླུ་ཚིག་སྙན་རྒྱུ་མེད་ན་ཡང་།།དབྱངས་ནི་སྟོང་གསུམ་འོད་ཀྱིས་ཁྱབ་པ་ལྟར།།བཤད་ཀྱང་བཤད་མི་ཤེས་པའི་བྲོ་བ་སྟེར།།ཁྱོད་ཀྱིས་ལོ་ཟླ་མང་པོ་མང་པོའི་རིང་།།སྐར་མ་མང་པོ་མང་པོའི་སྟེང་འཕུར་ནས།།ས་ཡི་གོ་ལའི་ང་ལ་བྱ་ར་བྱེད།།གནས་འདིར་ཁངས་ཆར་འབབ་ཅིང་རླུང་ལྡང་དུས།།ཁྱོད་ཀྱིས་མཐོང་བའི་འོད་ཐིག་མག་མོག་ཡིན།།མག་མོག་དེ་ཡང་ཁྱོད་ཀྱིས་ང་རུ་བསྒོམས།།དེ་ལྟར་ང་ནི་ས་ཆེན་ཐོག་བསྡད་ནས།།ཁྱོད་ཀྱི་ཕྱོགས་སུ་འོད་བརྡ་ཙམ་ཞིག་བརྒྱབ།།ཁྱོད་ནི་བར་སྣང་ཁམས་ཀྱི་སྐར་ཕྲན་སྟེང་།།བསྒོངས་ནས་འོད་ཐིག་ཙམ་དེ་མིག་གིས་འཚོས།།ཞག་ཅིག་ཁྱོད་ཀྱི་རྒྱང་གི་འོད་ཐིག་དེ།།མེད་པར་གྱུར་ཏེ་སླར་ཡང་མཐོང་མ་གྱུར།།དེ་ནི་ང་རང་ཤིན་ཏུ་རྒས་གྱུར་ཏེ།།ཚེ་ཡི་འཕེན་པ་གློ་བུར་བཏང་བས་ཡིན།།དེ་ནས་བཟུང་སྟེ་ཁྱོད་ཀྱང་སྐར་མའི་སྟེང་།།ལ་ལས་ཡོད་ཟེར་ལ་ལས་མེད་ཟེར་ཏོ།།
---བོད་ཀྱི་གྱེར་འདོན་སྤྱི་སྟེགས་ཆེན་མོ།
