རྣམ་ཐར་མཛོད།
ཀུན་མཁྱེན་འཇམ་དབྱངས་བཞད་པའི་ཐུགས་དམ་མཛད་ཚུལ་གྱི་རིམ་པ་ནི།
ཞོགས་ཀ་སྔ་མོ་བཞེངས་ནས་ལྟུང་བཤགས་ཚར་ལྔ་རེའི་རིང་ལ་ཕྱག་མཛད། སྤྱན་འདྲེན་ཁྲུས་གསོལ་རྒྱས་པ། མཎྜལ་གང་མང་། ལམ་རིམ་གྱི་ཁྲིད་རྒྱས་བསྡུས་གང་ལྕོགས་རེ། བདེ་གསང་འཇིགས་གསུམ་གྱི་བསྐྱེད་རྫོགས་སོགས་ཁྲིད་དམིགས་དུ་མ་སྐྱོང་བར་མཛད། ཕྱི་དྲོའི་ཆ་ལ་འཇིགས་བྱེད། མགོན་པོ། ཆོས་རྒྱལ། རྣམ་སྲས་སོགས་ལྷག་པའི་ལྷ་དང་། ཆོས་སྐྱོང་གི་གཏོར་འབུལ་གང་རྒྱས་མཛད། མགོན་པོའི་སྤོས་སྦྱོར་སྔ་དྲོ་དང་ཕྱི་དྲོའི་དུས་གཉིས་ཀར་ཆག་མེད་དུ་གནང་། མཚན་མོ་གཟིམས་པའི་སྐབས་སུ་ཕྱག་ཕྲེང་དང་ཕྱག་འཁོར་བསྣམས་ནས་ཙོག་པུར་བཞུགས་པ་མ་གཏོགས་ཕལ་པའི་ཉལ་ལུགས་གཏན་ནས་མི་མཛད་པར་མཚན་གྱི་རིང་ལ་ཕྲེང་བ་ཤག་ཤག་འདྲེན་ཞིང་། ཕྱག་འཁོར་བསྐོར་ནས། ཡི་དམ་གྱི་ལྷ་དུ་མའི་བཟླས་བརྗོད་དང་བསྙེན་བསྒྲུབ་གནང་ཞིང་། ཞོགས་ཀ་ནམ་ལང་བ་ན་ཕྱག་ཕྲེང་ཐམས་ཅད་ལ་གྲངས་གསོག་པ་ཡིན་ཞེས་རྗེ་ཉིད་ཀྱི་གསོལ་དཔོན་དབྱིག་ཀྱ་རབ་འབྱམས་པ་འཇམ་དབྱངས་ལས་དངོས་སུ་ཐོས།
མཁས་ཤིང་གྲུབ་པའི་དབང་ཕྱུག་ཀུན་མཁྱེན་འཇམ་དབྱངས་བཞད་པའི་རྡོ་རྗེའི་རྣམ་པར་ཐར་བ་ངོ་མཚར་
སྐལ་བཟང་འཇུག་ངོགས་ཞེས་བྱ་བ་བཞུགས་སོ། །
ཀུན་མཁྱེན་འཇིགས་མེད་དབང་བོས་མཛད་པའི་ཤོག་ངོས་༼171༽ན་གསལ།
ཙ་ཡུས་བསོད་ནམས་རྒྱ་མཚོ་ཟེར་བའི་ཁོང་གི་རྣམ་ཐར་ལས་བཤུས།
ཡོང་ཁུངས། ཐོན་མི་རྩོམ་རིག་སྒྱུ་རྩལ་གླིང་།
ཀུན་ཁྱབ་འོད་སྣང་འཕྲིན་སྟེགས།
གཞན་ལ་སྐུར།
ཉར་ཚགས།
མཐེ་བོང་ནོན།
མེ་ཏོག་ནོན།
