࿑ ལོ་གཅིག་ཐེངས་གཅིག་གི་དཔལ་ལྷའི་དུས་ཆེན་སླར་ཡང་འགོ་ཚུགས་པས་དཔལ་ལྷའི་དུས་ཆེན་ལ་ཚང་མས་སྣོ་བསམ་ལེགས་པོ་ཞིག་གནང་དགོས། མ་གཞི་དཔལ་ལྷའི་དུས་ཆེན་ནི་དཔལ་ལྷ་མོ་ལ་གསོལ་མཆོད་ཀྱི་དུས་ཆེན་ཞིག་ཡིན་པ་དང་སྦྲགས་ཕ་མ་བུ་ཕྲུག་གྱིས་སྐྱོན་དང་ཉེས་པ་ཁས་བླངས་ཤིང་ཕྱིན་ཆད་མི་བྱེད་པར་དམ་བཅའ་པའི་བྱ་སྤྱོད་སྤེལ་བའི་ཉིན་ཞིག་ཡིན། དེར་བརྟེན་དཔལ་ལྷའི་དུས་ཆེན་ལ་འགྱོད་བཤགས་ཀྱི་ཉིན་ཡང་བརྗོད་ཆོག
白拉姆节，每年的藏历十月十五日是藏民族的传统节日"白拉姆"节，也被称为"仙女节"、"妇女节"，是藏族女性专属的节日。"白拉姆"是藏语，亦翻译为"白扎拉姆"、" 白拉日珠"。
དཔལ་ལྷའི་དུས་ཆེན་བསུ།
࿑ དེ་ཡང་བཤད་སྲོལ་དུ་དཔལ་ལྡན་ལྷ་མོའི་ཨ་མར་བུ་མོ་གསུམ་ཡོད་པ་སྟེ་བུ་མོ་ཆེ་བ་དཔལ་ལྷ་བྲག་མོ། བུ་མོ་འབྲིང་བ་གདོང་བཙན་རྒྱལ་མོ། བུ་མོ་ཆུང་བ་དཔལ་ལྷ་ཤིག་མོ། ཨ་མས་བུ་མོ་ཆུང་བར་ཤིག་སྒྲུག་བཅུག་ཀྱང་ཤིག་མ་བསྒྲུགས་པས་ཤིག་མང་པོ་ཡོད་པར་སྨོན་ལམ་བརྒྱབ་པས་གུང་ཐང་ལྷ་མོར་ཙི་ཙི་མང་པོ་འཁོར་བ། བུ་མོ་འབྲིང་བ་སྤྱོད་པ་ཧ་ཅང་རྩུབ་པ་དང་ཁ་ལ་མི་ཉན་པ་སོགས་ཀྱིས་སློང་མོར་བར་འགྱུར་བའི་སྨོན་ལམ་བརྒྱབ་པས་གདོང་ཆེན་ཟུར་དུ་སློང་མོའི་ཚུལ་དུ་ལམ་ཟུར་དུ་ཡོད་པ། བུ་མོ་རྒན་པས་སྐྱེས་པ་གང་བྱུང་བསྟེན་པ་སོགས་ཀྱིས་ཁྱོ་ག་ལོ་གཅིག་ལ་ཐེངས་གཅིག་ལས་མ་ཐུག་པའི་སྨོན་ལམ་བརྒྱབ་པས་དཔལ་ལྷའི་དུས་ཆེན་བྱུང་བར་བཤད།
གཏམ་རྒྱུད་དེ་ལས་ཕ་མའི་ཁ་ལ་མ་ཉན་ན་ཕ་མའི་སྨོན་ལམ་གྱི་དབང་གིས་ཕྲུ་གུའི་ལས་དབང་ལ་འགྱུར་ལྡོག་འགྲོ་བ་བསྟན་པ་ཞིག་ཡིན།ལྷ་ས་བས་ཕྲུ་གུར་སློབ་གསོ་རྒྱག་སྐབས་ཕ་མའི་ཁ་ལ་མ་ཉན་ན། དཔལ་ལྷ་སྦལ་གདོང་ནང་བཞིན་འོང་ཟེར། གཞན་ཡང་ལས་འབྲས་དང་སྙིང་རྗེ་ཡི་དོན་སྙིང་གསལ་པོ་མངོན།
