࿑ ལེགས་བཤད་དགའ་ཚལ་གླིང་གི་འཕྲིན་སྟེགས་ནི་བོད་མི་རིགས་ཀྱི་ཆོས་ལུགས་དང་རིག་གནས། ཁ་འདོན་དང་དགེ་སྐུལ། འཚོ་བའི་རྒྱུན་ཤེས། གསར་འགྱུར། ཆོས་ཁྲིད་སོགས་བརྩམས་ཆོས་སྣ་མང་ཞིག་སྤེལ་བཞིན་ཡོད་པས་ཀློག་པ་པོ་ཡོངས་ཀྱིས་རྒྱབ་སྐྱོར་གྱི་ཚུལ་དུ་རང་གི་ཡིད་ལ་འཐད་པའི་བརྩམས་ཆོས་དག་གཞན་ལ་ངོ་སྤྲོད་དམ་བརྒྱུད་སྤེལ་རེ་གནང་བར་ཐུགས་རྗེ་ཆེ། བཀྲ་ཤིས་བདེ་ལེགས།
༧དགེ་བཤེས་ཨར་མའི་དགའ་བ་རྒྱ་མཚོ།
སྤྱི་ཚོགས་དང་འཚོ་བ་ནི་དངོས་གནས་འཇིགས་སུ་རུང་བ་ཞིག་སྟེ། ཁྱོད་ཀྱིས་ནུས་པ་འདོན་པའི་སྐབས་སུ་མདུན་རྒྱབ་དང་གཡས་གཡོན་ཐམས་ཅད་མི་མང་བོས་བསྐོར་ནས་བརྩི་བཀུར་ལ་རྩོད་ལེན་བྱེད་པ་ལྟ་བུར་འདུག་ཀྱང་། ཁྱོད་རང་གིས་ཀྱང་རང་ཉིད་ཀྱི་གྲོགས་ཚོམས་མ་གཞི་ནས་འདི་འདྲའི་དོན་སྙིང་ལྡན་པ་ཞིག་ཡིན་འོས་སྙམ་པ་བྱུང་།
ཁྱོད་ཀྱི་གོ་གནས་དང་ནུས་པ་རིམ་བཞིན་མར་འགྲིབ་བྱུང་རྗེས། གྲོགས་ཚོམས་སུ་ནམ་རྒྱུན་དགའ་མདོག་སྟོན་མཁན་གྱི་ཞེན་མི་དེ་དག་ཀྱང་རེ་རེ་བཞིན་གཅིག་ཤུད་གཉིས་ཤུད་བྱས་ནས་ཡལ་འགྲོ་བ་རེད། རྟོགས་བཏགས་ལྟ་བུའི་ཚོགས་ཚོམས་ཆེན་པོ་དེ་རིགས་མ་གཞི་ནས་ང་ཚོར་མི་དབང་བ་ཞིག་ཡིན་མོད། ཁྱོད་ཀྱིས་བདེན་རྫུན་གྱི་དབྱེ་ཞིབ་མ་བྱས་པར་ནང་སེམས་ཀྱི་མཛའ་བརྩེ་གཙང་མ་ཅི་འདྲ་ཞིག་བློས་བཏང་བྱས་རུང་། མཐའ་མཇུག་ཏུ་ཁྱོད་དང་སྐྱིད་སྡུག་མཉམ་ཁུར་བྱེད་པའི་སྔོན་གྱི་གཉེན་ཉེ་དང་ཆེས་དགའ་བའི་གྲོགས་པོ་དེ་དག་ལས་ཅི་ཡང་ལྷག་མི་འདུག
མིའི་འདོད་ཧམ་ཇི་ལྟར་ཆེ་ན་ཡང་། མི་དང་མིའི་བར་གྱི་བརྩེ་དུང་ཕལ་ཆེར་རྫུན་མ་ཡིན། ཁ་ཁོག་མི་མཐུན་པའི་མི་དག་གི་སྐད་ཆ་དངར་མོ་དག་ལ་བློ་ཐུབ་དང་ཡིད་ཆེས་བྱེད་དྲགས་ན། ཡོད་ཚད་ཐིག་ལེ་ཙམ་ལས་འོང་རྒྱུ་མེད་པའི་མཇུག་འབྲས་དེ་ལ་མི་སུ་ཡིན་ཀྱང་བློ་ཕམ་ཆེན་པོ་སྐྱེ་སྲིད་དོ།།
