མེས་རྒྱལ་དབུ་བརྙེས་ནས་ལོ་75འཁོར་བའི་འཁྲུངས་སྐར་གྱི་རིག་རྩལ་མཉམ་འཁྲབ་དང་དང་མང་ཚོགས་ཀྱིས་སྤྱི་གླིང་སྐོར་བའི་བྱེད་སྒོ།
སྟོབས་ལྡན་རྒྱལ་ཁབ་ལམ་བུར་འབད་འབུངས་ཀྱིས།
རྒྱང་ལམ་གསར་པར་གོམ་ཞེང་ཆེན་པོས་བསྐྱོད་
ཅེས་པའི་རིག་རྩལ་འཁྲབ་སྟོན།
རྒྱལ་རྩེ་རྫོང་དང་། པ་སྣམ་རྫོང་། ཁང་དམར་རྫོང་། རྣམ་གླིང་རྫོང་། བསམ་གྲུབ་རྩེ་ཆུས། བཞད་མཐོང་སྨོན་རྫོང་། ས་སྐྱ་རྫོང་བཅས་རྫོང་ཆུས་བདུན་ནས་ཡོང་བའི་སྒྱུ་རྩལ་ཚོགས་པས་ཉིན་རེའི་ཕྱི་དྲོའི་ཆུ་ཚོད་14:00པ་ནས་འགོ་ཚུགས་ཏེ་ཆུ་ཚོད་1དང་ཕྱེད་ཀ་འཁྲབ་སྟོན་བྱ་རྒྱུ་ཡིན་པ་རེད། ཁོང་ཚོས་གླུ་གར་དང་། ཟློས་གར། རོལ་དབྱངས་སོགས་ཀྱི་རྣམ་པའི་ཐོག་ནས་མ་ཡུམ་མེས་རྒྱལ་ལ་བཅངས་པའི་དགའ་ཞེན་དང་སྨོན་འདུན་ཟབ་མོ་མཚོན་པར་བྱ་རྒྱུ་རེད།
སྟོབས་ལྡན་རྒྱལ་ཁབ་ལམ་བུར་འབད་འབུངས་ཀྱིས།
རྒྱང་ལམ་གསར་པར་གོམ་ཞེང་ཆེན་པོས་བསྐྱོད་
ཅེས་པའི་མང་ཚོགས་ཀྱི་སྒོར་གཞས་འཁྲབ་སྟོན།
མང་ཚོགས་ཀྱི་སྒོར་གཞས་འཁྲབ་སྟོན་བྱེད་སྒོ་དེ་ཟླ་9པའི་ཚེས་25ནས་ཚེས་30ཉིན་བར། གཞིས་ཀ་རྩེ་གྲོང་ཁྱེར་བསམ་གྲུབ་རྩེ་ཆུས་ཀྱི་ཧེ་ལུང་ཅང་སྤྱི་གླིང་དང་མི་དམངས་སྤྱི་གླིང་། དམངས་ཕན་ཞབས་ཞུའི་ཚོམས་ཆེན་གྱི་ཐང་ཆེན། མུ་ཏིག་མཚེའུའི་སྤྱི་གླིང་། ལྗའུ་གྲང་གེ་སར་ལྷ་ཁང་ཐང་ཆེན། བཀྲས་ལྷུན་དགོན་ཐང་ཆེན། སྤྱི་གླིང་བཞི་པ་བཅས་སུ་སྤེལ་རྒྱུ་ཡིན་པ་རེད།
བྱེད་སྒོ་སྤེལ་ཡུལ་དུ་རིག་གནས་དང་བླངས་ཞབས་ཞུ་རུ་ཁག་19ཡིས་དགོང་མོའི་ཆུ་ཚོད་19:00ཐོག གནས་ཡུལ་མི་འདྲ་བའི་སྤྱི་གླིང་སོ་སོར་ཁྱད་ཆོས་མི་འདྲ་བའི་མང་ཚོགས་ཀྱི་སྒོར་གཞས་འཁྲབ་སྟོན་དང་དེ་བཞིན་མང་ཚོགས་སྒྱུ་རྩལ་ཁང་གི་རྒན་རྒོན་རིག་རྩལ་རུ་ཁག་དང་ནང་མ་སྟོད་གཞས་རུ་ཁག མཉམ་གཞས་རུ་ཁག་བཅས་ཀྱིས་མཉམ་དུ་རིག་རྩལ་འཁྲབ་སྟོན་བྱ་རྒྱུ་ཡིན་པ་རེད།
བསྐྱར་ཞུས། རྒྱལ་མཚན།
ཞུ་དག བཀྲ་ཤིས་ཚེ་རིང་།
རྩོམ་སྒྲིག་པ། ཚེ་རིང་སྒྲོལ་མ།
ཡིག་སྒྱུར། ཚེ་རིང་སྒྲོལ་མ།
སྒྲ་འཇུག ཚེ་སྒྲོན།
ཡོང་ཁུངས། ཇོ་རིའི་འཕྲིན་སྟེགས།
ཡིག་སྒམ་ཨང་གྲངས།
གལ་སྲིད་ཁྱེད་ལ་ཁུངས་བཙན་གྱི་གསར་འགྱུར་རམ་ཆ་འཕྲིན་ཆོབ་ཚ་པོ་དེ་འདྲ་ཡོད་ཚེ་ང་ཚོར་བསྐུར་རོགས་གནང་།
ང་ཚོའི་ཡིག་སྒམ་ནི་1132875981@qq.comཡིན།
རྩོམ་ཡིག་གཞིས་ཀ་རྩེའི་ཚགས་པར་ལས་ཁུངས་ཀྱི་ཡིག་སྒམ་rkzbszw@163.comལ་བསྐུར་རོགས་གནང་།
ང་ཚོའི་བརྙན་ཐུང་རྟགས་ཅན་日喀则广播电视台ཟེར་བར་དོ་ཁུར་གནང་ནས་ངོ་མཚར་ལྟད་མོར་གཟིགས་དང་།
