སྲིད་འཛིན་ཆད་གཅོད་ཀྱི་གྱོད་གཞི་ཡོངས་བསྒྲགས། གཅིག
2024ལོའི་ཟླ་7ཚེས་29ཉིན། གཞིས་ཀ་རྩེ་གྲོང་ཁྱེར་ཁྲོམ་ར་ལྟ་སྐུལ་དོ་དམ་ཅུས་ལ་ཧའེ་ལན་ཤིན་རྒྱ་སེ་མེ་ཏོག་གི་འཁྲུད་ཆུའི་（ཐོན་སྐྱེད་དུས་ཚོད་2023ལོའི་ཟླ་9ཚེས་16ཉིན）ཚད་གཞི་མ་ལོན་པའི་ཞིབ་བཤེར་སྙན་ཞུ་འབྱོར་ཞིང་། དེ་རྗེས་ཁྲིམས་འཛིན་མི་སྣ་སྒྲིག་འཛུགས་བྱས་ནས་འཐེན་བཤེར་བྱ་ཡུལ་ཚན་པ་སུའེ་ཤིང་སོའོ་ཡུད་ཁྲུས་ཁང་ལ་ཞིབ་བཤེར་སྙན་ཞུ་བསྐྱལ་བ་དང་འབྲེལ་ས་གནས་ས་ཐོག་ཏུ་ཞིབ་བཤེར་ཡང་བྱས་པས། དོ་བདག་གིས་ཚོང་ཟོག་མཁོ་འདོན་བྱེད་མཁན་གྱི་ཐོབ་ཐང་ལག་ཁྱེར་དང་ཚད་གཞི་མ་ལོན་པའི་མཛེས་འཆོས་བྱུག་རྫས་ཀྱི་ཞིབ་བཤེར་སྙན་ཞུ། ཚོང་ཟོག་འཐེན་ཉོའི་འཛིན་ཤོག་བཅས་མཁོ་འདོན་བྱེད་ཐབས་མེད་པས། ཟླ་8ཚེས་8ཉིན་གཞིས་ཀ་རྩེ་གྲོང་ཁྱེར་ཁྲོམ་རའི་ལྟ་སྐུལ་དོ་དམ་ཅུས་ཀྱིས་ཁྲིམས་ལྟར་གྱོད་དོན་ཐོ་འགོད་བྱས་པ་རེད།
ཞིབ་བཤེར་བྱས་པ་བརྒྱུད། དོ་བདག་གིས་ ཚད་ལྡན་ལག་རྩལ་དང་མི་མཐུན་པའི་མཛེས་འཆོས་བྱུག་རྫས་ཚོང་གཉེར་བྱས་པ་མ་ཟད། མཛེས་འཆོས་བྱུག་རྫས་ཉོ་འདྲེན་ཞིབ་བཤེར་ཐོ་འགོད་ལམ་ལུགས་ཀྱང་བཟོས་མེད་ལ་ལག་བསྟར་ཡང་བྱས་མེད། གོང་སྨོས་བྱ་སྤྱོད་རིགས་གཉིས་དེ་《མཛེས་འཆོས་བྱུག་རྫས་ཀྱི་ལྟ་སྐུལ་དོ་དམ་སྲོལ་ཡིག་》གི་དོན་ཚན་དྲུག་པའི་ཚན་པ་གཉིས་པ་དང་དོན་ཚན་སོ་བརྒྱད་པའི་ཚན་པ་དང་པོའི་གཏན་འབེབས་དང་འགལ་ཡོད། 《མཛེས་འཆོས་བྱུག་རྫས་ཀྱི་ལྟ་སྐུལ་དོ་དམ་སྲོལ་ཡིག་》གི་དོན་ཚན་དྲུག་ཅུ་པའི་ཚན་པ་གཉིས་པ་དང་། དོན་ཚན་རེ་གཉིས་པའི་ནང་ཚན་གཉིས་པའི་གཏན་འབེབས་ལྟར། གཞིས་ཀ་རྩེ་གྲོང་ཁྱེར་ཁྲོམ་རའི་ལྟ་སྐུལ་དོ་དམ་ཅུད་ཀྱིས་དོ་བདག་ལ་གཤམ་གསལ་གྱི་ཆད་པ་བཅད་པ་སྟེ།
1.ཐ་ཚིག་བསྒྲགས་པ།
2.ཧེ་ལན་ཤིན་གྱི་HINESUNརྒྱ་སེའི་འཁྲུད་ཆུ་འགྱིག་ཁུག་53གཞུང་བཞེས་བཏང་བ།
3.མི་དམངས་ཤོག་སྒོར་10000（སྒོར་ཁྲི་གཅིག）གི་དངུལ་ཆད་བཅད་པ།
སྲིད་འཛིན་ཆད་གཅོད་ཀྱི་གྱོད་གཞི་ཡོངས་བསྒྲགས། གཉིས།
2024ལོའི་ཟླ་8ཚེས་1ཉིན། གཞིས་ཀ་རྩེ་གྲོང་ཁྱེར་ཁྲོམ་རའི་ལྟ་སྐུལ་དོ་དམ་ཅུས་ལ་ཁོའོ་ཡན་ཧྲི་ཡཱ་མ་ཤུན་གྱི་ངོ་སྦྱར་དཀར་པོའི་(ཆོག་མཆན་ཨང་གྲངས་18X806)ཚད་མི་ལོན་པའི་ཞིབ་བཤེར་སྙན་ཞུ་འབྱོར། དེ་རྗེས་ཁྲིམས་འཛིན་མི་སྣ་སྒྲིག་འཛུགས་བྱས་ཏེ་འཐེན་བཤེར་བྱ་ཡུལ་ཚན་པ་གཡོད་ཀྲོང་ཧུའེ་མཛེས་འཆོས་བྱུག་རྫས་ཧྲེན་ལིད་དུས་རབས་ཐང་ཆེན་ཚོང་ཁང་(ཁེར་རྐྱང་བཟོ་ཚོང་དུད་ཚང་)དུ་ཞིབ་བཤེར་སྙན་ཞུ་བསྐྱལ་བ་དང་འབྲེལ་ས་གནས་ས་ཐོག་ཏུ་ཞིབ་བཤེར་ཡང་བྱས། ཟླ་8ཚེས་8ཉིན་གཞིས་ཀ་རྩེ་གྲོང་ཁྱེར་ཁྲོམ་རའི་ལྟ་སྐུལ་དོ་དམ་ཅུས་ཀྱིས་ཁྲིམས་ལྟར་གྱོད་དོན་ཐོ་འགོད་བྱས་པ་རེད།
ཞིབ་བཤེར་བྱས་པ་བརྒྱུད། དོ་བདག་གིས་ཚད་ལྡན་ལག་རྩལ་དང་མི་མཐུན་པའི་མཛེས་འཆོས་བྱུག་རྫས་གཉེར་སྐྱོང་བྱེད་པའི་བྱ་སྤྱོད་དེ་《མཛེས་འཆོས་བྱུག་རྫས་ཀྱི་ ལྟ་སྐུལ་དོ་དམ་སྲོལ་ཡིག》གི་དོན་ཚན་དྲུག་པའི་ནང་གསེས་དོན་ཚན་གཉིས་པ་དང་འགལ་ཡོད། དོ་བདག་གིས་གྱོད་དོན་དང་འབྲེལ་བའི་ཐོན་རྫས་ཉོ་འདྲེན་བྱེད་པའི་ཐབས་ལམ་གསལ་བཤད་བྱེད་ཐུབ་པར་གཞིགས་ནས་ཚོང་ཟོག་མཁོ་འདོན་བྱེད་མཁན་གྱི་ཐོབ་ཐང་དཔང་ཡིག་དང་ཚོང་ཟོག་ཉོ་འདྲེན་བྱེད་པའི་གསལ་ཐོ། གྱོད་འབྲེལ་མཛེས་འཆོས་བྱུག་རྫས་ཀྱི་ཞིབ་བཤེར་དཔང་ཡིག སྒོ་ཁྲལ་གནས་ཞུའི་འཛིན་ཤོག་བཅས་མཁོ་འདོན་བྱས་པ་མ་ཟད། མཛེས་འཆོས་བྱུག་རྫས་ཉོ་འདྲེན་བྱེད་པར་ཞིབ་བཤེར་བྱེད་པའི་འོས་འགན་ཡང་བསྒྲུབས་ཡོད་པས། 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྲིད་འཛིན་ཆད་གཅོད་བཅའ་ཁྲིམས་》ཀྱི་དོན་ཚན་ཉེར་བརྒྱད་པའི་ཚན་པ་གཉིས་པ་དང་《མཛེས་འཆོས་བྱུག་རྫས་ཀྱི་ལྟ་སྐུལ་དོ་དམ་སྲོལ་ཡིག་》གི་དོན་ཚན་རེ་བརྒྱད་པའི་གཏན་འབེབས་ལྟར་ན། གཞིས་ཀ་རྩེ་གྲོང་ཁྱེར་ཁྲོམ་རའི་ལྟ་སྐུལ་དོ་དམ་ཅུད་ཀྱིས་ཚད་གཞི་མ་ལོན་པའི་མཛེས་འཆོས་བྱུག་རྫས་ལྕགས་ཀྲིན་གཅིག་རྩིས་ལེན་བྱས་པ་མ་ཟད། དོ་བདག་ལ་ཁྲིམས་འགལ་གྱི་ཡོང་འབབ་སྒོར་235（སྒོར་ཉིས་བརྒྱའི་བསླུ་མེད་ལྔ་བཅུ）ཡི་སྲིད་འཛིན་ཆད་པ་བཅད་པ་རེད།
བསྐྱར་ཞུས། རྒྱལ་མཚན།
ཞུ་དག ཚེ་རིང་རྒྱ་མཚོ།
རྩོམ་སྒྲིག་པ། བཀྲ་ཤིས་ཚེ་རིང་།
ཡིག་སྒྱུར། བཀྲ་ཤིས་ཚེ་རིང་།
སྒྲ་འཇུག སྐལ་སྒྲོན།
ཡོང་ཁུངས། གཞིས་ཀ་རྩེ་ཁྲོམ་ར་ལྟ་སྐུལ་དོ་དམ་ཅུད་འཕྲིན་སྟེགས།
ཡིག་སྒམ་ཨང་གྲངས།
གལ་སྲིད་ཁྱེད་ལ་ཁུངས་བཙན་གྱི་གསར་འགྱུར་རམ་ཆ་འཕྲིན་ཆོབ་ཚ་པོ་དེ་འདྲ་ཡོད་ཚེ་ང་ཚོར་བསྐུར་རོགས་གནང་།
ང་ཚོའི་ཡིག་སྒམ་ནི་1132875981@qq.comཡིན།
རྩོམ་ཡིག་གཞིས་ཀ་རྩེའི་ཚགས་པར་ལས་ཁུངས་ཀྱི་ཡིག་སྒམ་rkzbszw@163.comལ་བསྐུར་རོགས་གནང་།
ང་ཚོའི་བརྙན་ཐུང་རྟགས་ཅན་日喀则广播电视台ཟེར་བར་དོ་ཁུར་གནང་ནས་ངོ་མཚར་ལྟད་མོར་གཟིགས་དང་།
