བཀྲས་ལྷུན་དགོན་ཐང་ཆེན་ཉེན་རྟོག་ཞབས་ཞུའི་ས་ཚིགས་ཀྱིས་ཐོབ་ཐང་ལག་ཁྱེར་འཚོལ་རོགས་བྱས་པ།
ཟླ་10ཚེས་24ཉིན། བསམ་གྲུབ་རྩེ་ཆུས་སྤྱི་བདེ་ཅུས་བཀྲས་ལྷུན་དགོན་ཐང་ཆེན་དམངས་ཕན་ཉེན་རྟོག་ཞབས་ཞུའི་ས་ཚིགས་ལ་རོགས་སྐྱོར་གྱི་རེ་ཞུ་ཞིག་འབྱོར། མི་དམངས་ཉེན་རྟོག་པས་འཕྲལ་དུ་ས་གནས་ས་ཐོག་ཏུ་བསྐྱོད་དེ་ཨ་ཅག་ཡན་ལགས་ཀྱིས་བཀྲས་ལྷུན་དགོན་དུ་ཡུལ་སྐོར་བྱེད་སྐབས་ཡིད་གཟབ་མ་བྱས་པར་ཐོབ་ཐང་ལག་ཁྱེར་བོར་བརླག་སོང་བས་མི་དམངས་ཉེན་རྟོག་པས་འཚོལ་རོགས་བྱེད་རྒྱུའི་རེ་བ་བྱེད་པ་རྟོགས།
མི་དམངས་ཉེན་རྟོག་པས་ཆུ་ཚོད་གཅིག་རིང་འབད་བརྩོན་ལྷོད་མེད་བྱས་པ་བརྒྱུད། བཀྲས་ལྷུན་དགོན་གྱི་རྒྱ་སྒོ་ཆེ་མོའི་སྤ་སེ་འཚོང་ས་ནས་ཐོབ་ཐང་ལག་ཁྱེརདེ་རྙེད། ཆ་འཕྲིན་བསྡུར་བ་བྱས་ནས་འཕྲལ་མར་ལག་ཁྱེར་བརླག་མཁན་ཨ་ཅག་ཡན་ལགས་དང་འབྲེལ་བ་བྱས་པ་རེད། ཨ་ཅག་ཡན་ལགས་ཀྱིས་ཐོབ་ཐང་ལག་ཁྱེར་བླངས་རྗེས་ཐུགས་རྗེ་ཆེ་བསྟུད་མར་ཞུས་པ་དང་འབྲེལ་མི་དམངས་ཉེན་རྟོག་པའི་ལས་ཕྱོད་ཆེ་བའི་ལས་དོན་སྒྲུབ་སྟངས་ལ་བསྔགས་བརྗོད་ཀྱང་བྱས་པ་རེད།
བསྟན་རྒྱས་གླིང་དམངས་ཕན་ཉེན་རྟོག་ཞབས་ཞུའི་ས་ཚིགས་ཀྱིས་བོར་བརླག་སོང་བའི་ལག་ཐོགས་ཁ་པར་བཙལ་བ།
ཟླ་10ཚེས་24ཉིན་གྱི་ཆུ་ཚོད་11དང་སྐར་མ་48ཀྱི་ཐོག བསམ་གྲུབ་རྩེ་ཆུས་སྤྱི་བདེ་ཅུས་བསྟན་རྒྱས་གླིང་དམངས་ཕན་ཉེན་རྟོག་ཞབས་ཞུ་ས་ཚིགས་ཀྱིས་བཀོད་འདོམས་ལྟེ་གནས་ཀྱི་བཀའ་རྒྱ་སྟེ། ཁོངས་གཏོགས་ཁུལ་གྱི་སི་མའེ་ལུས་སྦྱོང་ཁང་གི་རོགས་སྐྱོར་རེ་ཞུ་དང་ལེན་བྱས་པ་རེད།
ས་གནས་ས་ཐོག་ཏུ་སླེབས་རྗེས་ཨ་ཅོ་ལིའུ་ལགས་ཀྱིས་རང་ཉིད་ཀྱི་ལག་ཐོགས་ཁ་པར་（རུང་ཡའོ་Magicvsལྟེབ་བརྩེགས་ཅན་གྱི་ལག་ཐོགས་ཁ་པར་）བོར་བརླག་སོང་ཞིང་རིན་ཐང་སྒོར་7800ཟིན་པ་དང་ལག་ཐོགས་ཁ་པར་ནང་དུ་དཔྱད་གཞི་གལ་ཆེན་མང་པོ་ཡོད་པས། མི་དམངས་ཉེན་རྟོག་པས་འཚོལ་རོགས་བྱ་རྒྱུའི་རེ་བ་བྱེད་པ་ཤེས་རྟོགས་བྱུང་།
གནས་ཚུལ་རྒྱུས་ལོན་བྱས་རྗེས། ཉེན་རྟོག་ཞབས་ཞུའི་ས་ཚིགས་ཀྱི་ཉེན་རྟོག་པས་ཨ་ཅོ་ལིའུ་ལགས་ཀྱིས་བཏོན་པའི་འབྲེལ་ཡོད་ཁུངས་སྣེ་བརྒྱུད་དེ་ཁོ་རང་བསྡད་མྱོང་པའི་གླ་བྱེད་རླངས་འཁོར་གྱི་ཁ་ལོ་བར་འབྲེལ་གཏུག་བྱས། སྐར་མ་ལྔ་ལས་མ་འགོར་བར་བོར་ཟིན་པའི་ལག་ཁྱེར་ཁ་པར་ཉེན་རྟོག་ཞབས་ཞུའི་ས་ཚིགས་སུ་བསྐྱལ་ནས་དོ་བདག་གི་ལག་ཏུ་སྤྲད་པ་རེད།
བསྐྱར་ཞུས། རྒྱལ་མཚན།
ཞུ་དག བཀྲ་ཤིས་ཚེ་རིང་།
རྩོམ་སྒྲིག་པ། ཚེ་རིང་སྒྲོལ་མ།
ཡིག་སྒྱུར། ཚེ་རིང་སྒྲོལ་མ།
སྒྲ་འཇུག སྐལ་བཟང་རྒྱལ་མཚན།
ཡོང་ཁུངས། ཇོ་རིའི་འཕྲིན་སྟེགས།
ཡིག་སྒམ་ཨང་གྲངས།
གལ་སྲིད་ཁྱེད་ལ་ཁུངས་བཙན་གྱི་གསར་འགྱུར་རམ་ཆ་འཕྲིན་ཆོབ་ཚ་པོ་དེ་འདྲ་ཡོད་ཚེ་ང་ཚོར་བསྐུར་རོགས་གནང་།
ང་ཚོའི་ཡིག་སྒམ་ནི་1132875981@qq.comཡིན།
རྩོམ་ཡིག་གཞིས་ཀ་རྩེའི་ཚགས་པར་ལས་ཁུངས་ཀྱི་ཡིག་སྒམ་rkzbszw@163.comལ་བསྐུར་རོགས་གནང་།
ང་ཚོའི་བརྙན་ཐུང་རྟགས་ཅན་日喀则广播电视台ཟེར་བར་དོ་ཁུར་གནང་ནས་ངོ་མཚར་ལྟད་མོར་གཟིགས་དང་།
