མིག་དམར་ཚེ་རིང་། མངའ་རིས་ས་ཨུད་དྲིལ་བསྒྲགས་པུའི་དེ་སྔའི་པུའུ་ཀྲང་གཞོན་པ།“ཞང་ཞུང་གི་དྲན་ཤེས”པར་རིས་གླེང་སྟེགས་ཀྱི་གསར་གཏོད་པ། ཀྲུང་གོ་པར་རྒྱག་མཁས་ཅན་མཐུན་ཚོགས་ཀྱི་ཚོགས་མི་དང་། ཀྲུང་གོ་པར་རྒྱག་བརྩམས་ཆོས་བདག་དབང་མཐུན་ཚོགས་མངའ་རིས་ཀྱི་དབུ་བཞུགས་འཐུས་མི། བོད་ལྗོངས་པར་རྒྱག་མཁས་ཅན་མཐུན་ཚོགས་ཀྱི་ཀྲུའུ་ཞི་གཞོན་པ། མངའ་རིས་ས་ཁུལ་གྱི་ས་གནས་དོ་དམ་གྱི་རིགས་གཅིག་མཁས་ཅན་བཅས་རེད།
ཁོང་གི་པར་ལེན་དང་སྒྱུ་རྩལ། འཇིམ་བརྐོས་སོགས་ཀྱི་བརྩམས་ཆོས།
སྔ་རྗེས་སུ《ངོ་མཚར་ཆེ་བའི་མངའ་རིས》སོགས་ཀྱི་པར་དེབ་6དཔེ་སྐྲུན་བྱས་པ་དང་། ཀྲུང་གོ་མི་དམངས་སློབ་ཆེན་དང་ཀྲུང་གོ་དེང་གི་མཛེས་རྩལ་ཁང་དུ་ལོ་བཞི་བསྟུད་མར་མངའ་རིས་ཀྱི་ཡུལ་སྐོར་འོས་སྦྱོར་གྱི་མི་སྒེར་གྱི་པར་རིས་བརྩམས་ཆོས་འགྲེམས་སྟོན་གཉེར་བ་དང་། ཧྲན་ཤིས་ཕིང་ཡའོ་རྒྱལ་སྤྱིའི་པར་རྒྱག་གྲོང་དུ《མངའ་རིས་ཀྱི་དྲན་ཤེས》ཞེས་པའི་པར་རིས་བརྩམས་ཆོས་འགྲེམས་སྟོན་གཉེར་བ་རེད།
རྒན་ཡོལ་ཞུས་རྗེས་མིག་དམར་ཚེ་རིང་གིས་སྔར་རྒྱུན་བཞིན་གཞི་རིམ་དུ་བསྐྱོད་དེ་གསར་བརྗེའི་རྒྱལ་གཅེས་རིང་ལུགས་ཀྱི་སློབ་གསོའི་རྟེན་གཞི་འཛུགས་སྐྲུན་ནང་ཧུར་ཐག་ཞུགས་ནས་སྔ་རྗེས་སུ་མངའ་རིས་ཡན་ལག་ལས་དོན་ཨུ་ལྷན་གྱི་གནས་རྙིང་དྲན་གསོ་ཁང་དང་། སྒར་རྫོང་གི་སློབ་གསོ་ལོ་རྒྱུས་འགྲེམས་སྟོན་ཁང་། མངའ་རིས་ཐད་གཏོགས་མཛོད་ཀྱི་གསར་བརྗེའི་རྒྱལ་གཅེས་རིང་ལུགས་ཀྱི་སློབ་གསོའི་རྟེན་གཞི་སོགས་ཀྱི་ཇུས་འགོད་དང་འཛུགས་སྐྲུན་གྱི་ལས་དོན་གཙོ་སྐྱོང་བྱས་གནང་ཡོད།
ཁྱེད་ཀྱིས་དོ་ཁུར་དང་རྒྱབ་སྐྱོར་གནང་བར་ཐུགས་རྗེ་ཆེ།
