རྩོམ་པ་པོ་ངོ་སྤྲོད།
འགྱུར་མེད་ཚེ་དབང་། དུས་རབས་གོང་མའི་ལོ་རབས་བརྒྱད་ཅུའི་ནང་བོད་ལྗོངས་ལྷོ་ཁ་གྲོང་ཁྱེར་གྲ་ནང་རྫོང་གྲ་ཕྱི་སྨོན་འགྲུབ་གྲོང་ཚོར་སྐྱེས། སྤྱི་ལོ་༢༠༠༧ལོར་བོད་ལྗོངས་མི་རིགས་སློབ་གྲྭ་ཆེན་མོ་རྒྱའི་སྐད་ཡིག་ཚན་ཁག་དྲུང་ཡིག་ཆེད་ལས་འཛིན་གྲྭ་ནས་ཐོན། སྔ་རྗེས་སུ་དིང་རི་རྫོང་སློབ་འབྲིང་དང་པོ་དང་གཉིས་པ་སོགས་སུ་བོད་རྒྱ་སྐད་རིགས་གཉིས་ཀྱི་སློབ་ཁྲིད་ལས་ལ་གཞོལ། ༢༠༡༩ལོ་ནས་ད་བར་དིང་རི་རྫོང་སློབ་ཆུང་གཉིས་པའི་འགན་འཁུར་མུས་སུ་མཆིས། ལུའུ་ཞུན་རྩོམ་རིག་སློབ་གླིང་གི་སྐབས་ཉེར་གཅིག་པའི་གྲངས་ཉུང་མི་རིགས་རྩོམ་རིག་གསར་རྩོམ་འཛིན་གྲྭའི་སློབ་མ་དང་། གཞིས་རྩེ་གྲོང་ཁྱེར་རྩོམ་པ་པོའི་མཐུན་ཚོགས་ཀྱི་ཚོགས་མི་ཡིན། སྔ་རྗེས་སུ《བོད་ཀྱི་རྩོམ་རིག་སྒྱུ་རྩལ》དང《ཇོ་མོ་གླང་མ》《གཞིས་རྩེའི་ཚགས་པར》《ལྷོ་ཁའི་ཚགས་པར》སོགས་སུ་ལྷུག་རྩོམ་གཙོ་བྱས་པའི་བརྩམས་ཆོས་མང་དུ་སྤེལ། ལྷུག་རྩོམ་ཁ་ཤས《བོད་ཀྱི་རྩོམ་རིག་སྒྱུ་རྩལ་ལེགས་རྩོམ་གཅེས་བཏུས》དང《ཇོ་མོ་གླང་མའི་དཔེ་ཚོགས》སུ་བདམས། ད་ཆ་ལྷུག་རྩོམ་གཅེས་བཏུས《ཡིད་ཀྱི་མེ་ལོང》དཔར་བསྐྲུན་བྱེད་ལ་ཉེ།
ཁྱེད་ཀྱིས་དོ་ཁུར་དང་རྒྱབ་སྐྱོར་གནང་བར་ཐུགས་རྗེ་ཆེ།
