ཟླ་10ཚེས་26ཉིན་གྱི་ཆུ་ཚོད་11དང་སྐར་མ་40ཙམ་ལ། ལྷ་ས་གྲོང་ཁྱེར་སྤྱི་བདེ་ཅུས་འགྲིམ་འགྲུལ་ཉེན་རྟོག་ཉིང་ལག་རུ་ཁག་ལྷ་ནག་མྱུར་བགྲོད་གཞུང་ལམ་རུ་ཆེན་གྱིས་ལྷ་ནག་མྱུར་བགྲོད་གཞུང་ལམ་གྱི་སྟོད་ལུང་འབྲོག་མའི་འཛུལ་སྒོར་ཞིབ་བཤེར་བྱེད་སྐབས། འཁོར་རྟགས་བོདA*****ཡིན་པའི་རླངས་འཁོར་ཆུང་གྲས་ཤིག་ལ་མི་ཚད་ལས་བརྒལ་ནས་བླུགས་པའི་དོགས་གཞི་ཡོད་པ་ཤེས་རྟོགས་བྱུང་བ་རེད། ས་ཡུལ་དངོས་སུ་ཞིབ་བཤེར་བྱས་པ་བརྒྱུད། རླངས་འཁོར་དེའི་ནང་མི5ལས་བླུགས་ཆོག་གི་མེད་རུང་། མི་8བླུགས་ཡོད་ཅིང་། མི་བླུགས་ཚད་60%ལས་བརྒལ་བའི་འགྲིམ་འགྲུལ་ཁྲིམས་འགལ་གྱི་དོགས་གཞི་ཡོད་པས།《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་འགྲོ་ལམ་འགྲིམ་འགྲུལ་བདེ་འཇགས་བཅའ་ཁྲིམས》གཞིར་བཟུང་། སྤྱི་བདེ་ལས་ཁུངས་འགྲིམ་འགྲུལ་དོ་དམ་སྡེ་ཚན་གྱིས་ཁ་ལོ་བ་ནོར་ཆེ་གེ་མོར་དེ་མཚུངས་ཀྱི་ཆད་པ་བཅད་པ་རེད།
འབྲེལ་ཡོད་ཀྱི་ཁྲིམས་ལུགས་ཤེས་བྱ།
《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་འགྲོ་ལམ་འགྲིམ་འགྲུལ་བདེ་འཇགས་བཅའ་ཁྲིམས》ཀྱི་དོན་ཚན་ཞེ་དགུ་པའི་ནང་གཏན་འབེབས་བྱས་དོན། འཕྲུལ་སྒུལ་འཁོར་རིགས་སུ་གཏན་འཁེལ་བྱས་པའི་མི་གྲངས་ལས་བརྒལ་ནས་བླུགས་མི་ཆོག་པ་དང་། འགྲུལ་སྐྱེལ་རླངས་འཁོར་གྱིས་གཏན་འབེབས་ལས་འགལ་ནས་དངོས་ཟོག་བླུགས་མི་ཆོག
《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་འགྲོ་ལམ་འགྲིམ་འགྲུལ་བདེ་འཇགས་བཅའ་ཁྲིམས》ཀྱི་དོན་ཚན་དགུ་བཅུ་པའི་ནང་གཏན་འབེབས་བྱས་དོན། འཕྲུལ་སྒུལ་འཁོར་རིགས་ཀྱི་ཁ་ལོ་བས་གཞུང་ལམ་འགྲིམ་འགྲུལ་བདེ་འཇགས་བཅའ་ཁྲིམས་དང་ཁྲིམས་སྲོལ་གྱི་གཏན་འབེབས་ལས་འགལ་ཚེ། ཐ་ཚིག་སྒྲོག་པའམ་ཡང་ན། སྒོར་ཉི་ཤུ་ཡན་ནས་ཉིས་བརྒྱ་མན་གྱི་དངུལ་ཆད་གཅོད་རྒྱུ། བཅའ་ཁྲིམས་འདིའི་ནང་གཏན་འབེབས་གཞན་དག་བྱས་ཡོད་ན། གཏན་འབེབས་ལྟར་ཆད་པ་གཅོད་རྒྱུ།
ཁྱེད་ཀྱིས་དོ་ཁུར་དང་རྒྱབ་སྐྱོར་གནང་བར་ཐུགས་རྗེ་ཆེ།
