阿拉老底子每天呈送精彩文章一组
打开尘封的记忆，寻觅往昔的岁月
叙老底子事 忆老底子人
诉老底子情
来源：海上文苑
作者：王建运
沪语改写：朱枫
诵读：王维杰
文字、语音审核：丁迪蒙
编辑：王乙其
第三十三届巴黎奥运会开得热火朝天，中国运动员已经有了廿多块金牌，看来到运动会结束，中国大有赶超个可能，搿也是大家心里向巴望个目标，齐心协力为中国运动员加油！
观赛兴奋之余，我勿由得想起自家珍藏个一只1936年第11届奥林匹克运会纪念盘，迭只盘子已经整整88年了。近90年世界格局风云变幻，几经变化，但奥林匹克精神始终没变，伊促进人类相互了解，增进友谊、团结搭公平竞争个理念，将永远伴随、激励世界各国人民。
纪念盘是茶色透明车花玻璃个，直径18公分，正面凹刻英文“奥林匹克·1936柏林”，盘中央凸刻柏林城市标记图案“柏林树”，盘背面则凹刻奥运会标记“五环”。查有关资料获悉：1936年第十一届奥林匹克运动会勒德国柏林举行。按照惯例，举办国要发行搿一届运动会个纪念品，于是，搿只由德国设计发行“第11届奥运会纪念盘”就应运而生了。据有关资料介绍，当年迭个纪念盘只生产发行了500只横里，主要送拨各国运动队领队搭仔应邀来德国参加开幕式个各国嘉宾及政要。葛咾，迭只纪念盘是勿可多得、邪气珍贵个纪念品。
车花刻纹玻璃工艺，勒上世纪30年代还是新兴个工艺技术。第11届奥运会举办辰光，是德国经济高速发展，国力强盛时期。照奥运会惯例，当时个德国元首阿道夫· 希特勒主持了搿届奥运会开幕式，搿也是历史记载希特勒执政辰光，唯一主持个全球性大型和平活动。第11届奥运会结束后个2年多，1939年，希特勒就发动了第二次世界大战，妄想称霸全世界，结果败得一天世界，伊本人也拨永远钉勒历史个耻辱柱浪。真可谓是奥林匹克精神仍旧勒发扬光大，法西斯主义独裁却拨人类扫进了历史垃圾堆。
讲起迭只奥运会纪念盘收藏，还有段勿平常个来历。大约摸三十年前，我有幸为一位老先生刻方印章，老先生邪气欢喜，讲“侬虽然勿是名家，但刻个搿种字体款式对我个路子，我欢喜个。”讲要拨我件礼品谢我，伊拿了迭只纪念盘要送拨我。我看迭只盘有来头、有纪念意义个，豪燥讲“搿物事忒珍贵，万万要勿得！”但老先生硬劲要送拨我，我看推勿脱，情急之下就拿手里个一把名家落款个折扇送拨老先生，因为我曾经听老先生讲过搿把扇子勿错。一开始，老先生勿肯收，我坚决要求伊再笑纳，乃末两家头侪老开心个。
听老先生介绍，迭只盘子勒伊屋里已经近半个世纪，伊个爷是上海实业家“鹅牌”针织品个创始人，当年接济帮助了一位流浪到上海个德国犹太人，搿位洋人最后离开上海个辰光为表谢意，讲呒啥物事好送，迭只纪念盘伴随伊一路颠沛流离逃亡，就送拨伊了。搿能看来，迭只盘子勒伊心里是几化重要个。我想想也是，1945年德国战败，柏林城拨炮火夷为平地，各类馆藏搭私人收藏品绝大多数毁于炮火或者流落失散，迭只盘子逃过战火、人祸，历经八十八年没拨毁脱，完整保存到现在，的确勿容易，伊见证反映了伟大个奥林匹克精神，也是中德两国人民传递个一段友谊。
作者：王建运
诵读：王维杰
丁迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。
沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。
沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年出版社
《实用沪语》复旦大学出版社
《上海话绕口令》少儿出版社
《上海方言词语使用手册》上海教育出版社
《上海话读成语故事》少儿出版社
《囡囡学童谣》，少儿出版社。
转自：“海上梦叠”公众号
我知道你在看哟~
