ཉེ་ཆར། གཞིས་ཀ་རྩེའི་འགྲིམ་འགྲུལ་ཉེན་རྟོག་པར་མང་ཚོགས་ཀྱི་ཐེར་འདོན་འབྱོར་ནས་གཡག་ཡེ་མྱུར་བགྲོད་གཞུང་ལམ་གྱི་ཐོན་སྒོའི་སྤྱི་ལེ་6གི་སར་འགྲུལ་སྐྱེལ་རླངས་འཁོར་ཆུང་གྲས་ཤིག་གིས་གང་འདོད་བཞིན་ལམ་ཐིག་བརྗེ་བ་དང་རྒྱུན་ཆད་མེད་པར་ཕར་སྐྱོད་ཚུར་སྐྱོད་སྦྲུལ་ལྟར་བྱེད་ཀྱིན་འདུག་པས་རྟག་དཔྱད་གནང་རོགས་ཞེས་བཤད།
གནས་ཚུལ་ཤེས་རྗེས། གཞིས་ཀ་རྩེའི་འགྲིམ་འགྲུལ་ཉེན་རྟོག་མྱུར་བགྲོད་རུ་ཆེན་གྱི་སྐོར་གཡེང་ཉེན་རྟོག་པས་ས་ཡུལ་དངོས་སུ་བསྐྱོད་དེ་གནས་ཚུལ་ལ་རྒྱུས་ལོན་བྱས་པས། མོ་ཊའི་ནང་ཆང་རག་གི་དྲི་མས་ཁེངས་ཡོད་པ་དང་། ཁ་ལོ་བས་ཆང་རག་བཏུང་པའི་དོགས་གཞི་ཡོད་པ་རེད།
ཉེན་རྟོག་པས་ཁ་ལོ་བ་དེར་ཆང་བཅུད་ཚད་ལེན་བྱས་རྗེས། ཁ་ལོ་བ་རྡོ་ཆེ་གེ་མོའི་ཁྲག་ནང་གི་ཆང་བཅུད་འདུས་ཚད་ནི་184.58mg/100mlཡིན་པ་རེད།
རྡོ་ཆེ་གེ་མོས་མྱུར་བགྲོད་གཞུང་ལམ་ཐོག་ཆང་རག་བཏུངས་ནས་འཕྲུལ་སྒུལ་འཁོར་རིགས་བཏང་བས་རྐྱེན་གྱིས་ཁོ་པའི་ཁ་ལོ་བའི་ལག་ཁྱེར་ཕྲོགས་པ་མ་ཟད་ལོ་ལྔའི་ནང་ཁ་ལོ་བའི་ལག་ཁྱེར་བསྐྱར་དུ་ལེན་མི་ཆོག་པ་བཟོས་ཡོད།
བསྐྱར་ཞུས། རྒྱལ་མཚན།
ཞུ་དག ཚེ་རིང་སྒྲོལ་མ།
རྩོམ་སྒྲིག་པ། ཚེ་རིང་རྒྱ་མཚོ།
ཡིག་སྒྱུར། ཚེ་རིང་རྒྱ་མཚོ།
སྒྲ་འཇུག ཚེ་རིང་རྒྱ་མཚོ།
ཡོང་ཁུངས། གཞིས་ཀ་རྩེ་འགྲིམ་འགྲུལ་ཉེན་རྟོག་པའི་འཕྲིན་སྟེགས།
ཡིག་སྒམ་ཨང་གྲངས།
གལ་སྲིད་ཁྱེད་ལ་ཁུངས་བཙན་གྱི་གསར་འགྱུར་རམ་ཆ་འཕྲིན་ཆོབ་ཚ་པོ་དེ་འདྲ་ཡོད་ཚེ་ང་ཚོར་བསྐུར་རོགས་གནང་།
ང་ཚོའི་ཡིག་སྒམ་ནི་1132875981@qq.comཡིན།
རྩོམ་ཡིག་གཞིས་ཀ་རྩེའི་ཚགས་པར་ལས་ཁུངས་ཀྱི་ཡིག་སྒམ་rkzbszw@163.comལ་བསྐུར་རོགས་གནང་།
ང་ཚོའི་བརྙན་ཐུང་རྟགས་ཅན་日喀则广播电视台ཟེར་བར་དོ་ཁུར་གནང་ནས་ངོ་མཚར་ལྟད་མོར་གཟིགས་དང་།
