སྤྱི་ཟླ་12ཚེས་20ཉིན་གྱི་དགོང་མོའི་ཆུ་ཚོད་7པའི་ཡས་མས་སུ།
གཞིས་ཀ་རྩེ་གྲོང་ཁྱེར་བསམ་གྲུབ་རྩེ་ཆུས་
ལས་འགྲོ་ཞིབ་བཤེར་ས་ཚིགས་ཀྱི་མི་དམངས་ཉེན་རྟོག་པས་
འཇིབ་ཆུང་ཞིག་ལ་ཞིབ་བཤེར་བྱེད་སྐབས།
མོ་ཊའི་ནང་ཆང་དྲི་ཆེན་པོ་ཡོད་པ་ཤེས་རྟོགས་བྱུང་བ་དང་།
ཉེན་རྟོག་པས་འཕྲལ་དུ་འཇིབ་ཆུང་དེའི་ཁ་ལོ་བར་
དབུགས་གཏོང་བའི་ནང་ཆང་བཅུད་འདུས་ཚད་ཞིབ་དཔྱད་བྱས་པ་རེད།
ཞིབ་དཔྱད་བྱས་འབྲས་ནི་ཁྲག་ཧའོ་ཧྲེང་བརྒྱ་རེའི་ནང་
ཆང་བཅུད་འདུད་ཚད་ཧའོ་ཁེ་136ཟིན་ཡོད་པས།
ར་བཟི་འཁོར་གཏོང་གི་ཚད་གཞིར་སླེབས་ཡོད་པ་རེད།
ཉེན་རྟོག་པས་འདྲི་རྩད་བྱས་པ་བརྒྱུད།
རྡོ་ཆེ་གེ་མོས་ཆང་རག་བཏུང་ནས་འཁོར་རིགས་གཏོང་མི་རུང་བ་གསལ་པོར་ཤེས་ཀྱི་ཡོད་ཀྱང་།
ཁོ་པས་མྱུར་བགྲོད་གཞུང་ལམ་ཐོག་བསྐྱོད་སྐབས་
ཁ་ཏོག་ཙམ་སྐོམ་བྱུང་བས་
ཨོ་ཙམ་མི་ཡོང་ངམ་སྙམ་སྟེ་
ཆང་གིས་ཆུའི་ཚབ་བྱས་ཏེ་བཏུང་བ་ཡིན་ཞེས་བཤད་པ་རེད།
ད་ལྟ་
གྱོད་གཞི་དེ་མྱུར་བགྲོད་རུ་ཆེན་ལ་
ཐག་གཅོད་བྱ་རྒྱུར་རྩིས་སྤྲད་ཡོད་པ་རེད།
བསྐྱར་ཞུས། རྒྱལ་མཚན།
ཞུ་དག ཚེ་རིང་སྒྲོལ་མ།
རྩོམ་སྒྲིག་པ། ཚེ་རིང་རྒྱ་མཚོ།
སྒྲ་འཇུག སྐལ་བཟང་རྒྱལ་མཚན།
ཡོང་ཁུངས། སེམས་ཀྱི་ཞིང་ཁམས།
ཡིག་སྒམ་ཨང་གྲངས།
གལ་སྲིད་ཁྱེད་ལ་ཁུངས་བཙན་གྱི་གསར་འགྱུར་རམ་ཆ་འཕྲིན་ཆོབ་ཚ་པོ་དེ་འདྲ་ཡོད་ཚེ་ང་ཚོར་བསྐུར་རོགས་གནང་།
ང་ཚོའི་ཡིག་སྒམ་ནི་1132875981@qq.comཡིན།
རྩོམ་ཡིག་གཞིས་ཀ་རྩེའི་ཚགས་པར་ལས་ཁུངས་ཀྱི་ཡིག་སྒམ་rkzbszw@163.comལ་བསྐུར་རོགས་གནང་།
ང་ཚོའི་བརྙན་ཐུང་རྟགས་ཅན་日喀则广播电视台ཟེར་བར་དོ་ཁུར་གནང་ནས་ངོ་མཚར་ལྟད་མོར་གཟིགས་དང་།
