ཉེ་ཆར། སྤྱི་བདེ་པུའུ་ཡིས་གསར་དུ་བཟོ་བཅོས་བརྒྱབ་པའི་《འཕྲུལ་སྒུལ་འཁོར་རིགས་ཀྱི་ཁ་ལོ་བའི་ལག་ཁྱེར་རེ་ཞུ་དང་བེད་སྤྱོད་བྱ་རྒྱུའི་སྐོར་གྱི་གཏན་འབེབས་》ཁྱབ་བསྒྲགས་བྱས་པ་རེད། ད་ཐེངས་བཟོ་བཅོས་བརྒྱབ་ནས་འགྲུལ་སྐྱེལ་དང་ཟོག་འདྲེན་རླངས་འཁོར་ཆེ་འབྲིང་གི་ཁ་ལོ་བའི་ལག་ཁྱེར་རེ་ཞུ་བྱེད་པའི་ལོ་ཚོད་དང་རླངས་འཁོར་གཏོང་ཆོག་པའི་ལོ་ཚོད་གཙོ་གནད་ལེགས་སྒྲིག་དང་རིང་དུ་གཏོང་རྒྱུ། དེ་བཞིན་མང་ཚོགས་ཀྱི་ལས་ཞུགས་ཁེ་དབང་འགན་སྲུང་ཧུར་ཐག་བྱ་རྒྱུ་ཡིན་པ་རེད། བཟོ་བཅོས་བརྒྱབ་རྗེས་ཀྱི་《འཕྲུལ་སྒུལ་འཁོར་རིགས་ཀྱི་ཁ་ལོ་བའི་ལག་ཁྱེར་རེ་ཞུ་དང་བེད་སྤྱོད་བྱ་རྒྱུའི་གཏན་འབེབས་》དེ་2025ལོའི་ཟླ་1པོའི་ཚེས་1ཉིན་ནས་བཟུང་ལག་བསྟར་བྱ་རྒྱུ་ཡིན་པ་རེད།
ད་ཐེངས་ཀྱི་བཟོ་བཅོས་ནང་གཙོ་བོ་ཕྱོགས་གཉིས་ཀྱི་ནང་དོན་ཚུད་ཡོད་པ་སྟེ།
གཅིག་ནི་འགྲུལ་སྐྱེལ་དང་ཟོག་འདྲེན་རླངས་འཁོར་ཆེ་འབྲིང་གི་ཁ་ལོ་བའི་ལག་ཁྱེར་རེ་ཞུ་བྱེད་པའི་ལོ་ཚོད་དང་རླངས་འཁོར་གཏོང་ཆོག་པའི་ལོ་ཚད་མཐོ་ཤོས་ཀྱི་གཏན་འབེབས་ལེགས་སྒྲིག་བྱས་པ། འགྲུལ་སྐྱེལ་དང་ཟོག་འདྲེན་རླངས་འཁོར་ཆེ་འབྲིང་གི་ཁ་ལོ་བའི་ལག་ཁྱེར་རེ་ཞུ་བྱེད་པའི་ལོ་ཚད་མཐོ་ཤོས་ལོ་60ནས་ལོ་63བར་རིང་དུ་གཏོང་རྒྱུ་དང་། འགྲུལ་སྐྱེལ་དང་ཟོག་འདྲེན་རླངས་འཁོར་ཆེ་འབྲིང་གི་རླངས་འཁོར་གཏོང་ཆོག་པའི་ལོ་ཚད་མཐོ་ཤོས་ལོ་60ནས་ལོ་63བར་རིང་དུ་གཏོང་རྒྱུ།
གཉིས་ནི་འགྲུལ་སྐྱེལ་དང་ཟོག་འདྲེན་རླངས་འཁོར་ཆེ་འབྲིང་གི་ཁ་ལོ་བ་རྣམས་ཀྱིས་རླངས་འཁོར་གཏོང་བའི་དུས་ཚོད་རིང་དུ་གཏོང་རྒྱུའི་རེ་འདུན་ཞུ་བའི་གཏན་འབེབས་ཁ་གསལ་བཟོས་པ། ལོ་63ཡན་ལ་མུ་མཐུད་དུ་འགྲུལ་སྐྱེལ་ཟོག་འདྲེན་རླངས་འཁོར་ཆེ་འབྲིང་གི་ཁ་ལོ་བ་རྣམས་ལ་གཟུགས་པོའི་བརྟག་དཔྱད་ཚད་ལྡན་ཡིན་པ་དང་། བློ་ལ་ངེས་ནུས་དང་བརྡར་ཤ་གཅོད་ནུས་སོགས་ཚོད་ལྟ་བརྒྱུད་རྗེས། རླངས་འཁོར་དོ་དམ་སོའོ་ལ་དེ་སྔའི་རླངས་འཁོར་གཏོང་ཆོག་པའི་རིགས་ཀྱི་ཁ་ལོ་བའི་ཐོབ་ཐང་གི་དུས་ཡུན་རིང་དུ་གཏོང་རྒྱུའི་རེ་ཞུ་བྱས་ཆོག་པ་དང་། དུས་ཡུན་རིང་ཤོས་ལོ་3ལས་བརྒལ་མི་ཆོག་པ།
བསྐྱར་ཞུས། རྒྱལ་མཚན།
ཞུ་དག ཚེ་རིང་སྒྲོལ་མ།
རྩོམ་སྒྲིག་པ། ཚེ་རིང་རྒྱ་མཚོ།
ཡིག་སྒྱུར། ཚེ་རིང་སྒྲོལ་མ།
སྒྲ་འཇུག སྐལ་བཟང་རྒྱལ་མཚན།
ཡོང་ཁུངས། མི་དམངས་ཉིན་རེའི་ཚགས་པར།
ཡིག་སྒམ་ཨང་གྲངས།
གལ་སྲིད་ཁྱེད་ལ་ཁུངས་བཙན་གྱི་གསར་འགྱུར་རམ་ཆ་འཕྲིན་ཆོབ་ཚ་པོ་དེ་འདྲ་ཡོད་ཚེ་ང་ཚོར་བསྐུར་རོགས་གནང་།
ང་ཚོའི་ཡིག་སྒམ་ནི་1132875981@qq.comཡིན།
རྩོམ་ཡིག་གཞིས་ཀ་རྩེའི་ཚགས་པར་ལས་ཁུངས་ཀྱི་ཡིག་སྒམ་rkzbszw@163.comལ་བསྐུར་རོགས་གནང་།
ང་ཚོའི་བརྙན་ཐུང་རྟགས་ཅན་日喀则广播电视台ཟེར་བར་དོ་ཁུར་གནང་ནས་ངོ་མཚར་ལྟད་མོར་གཟིགས་དང་།
