近排loop緊呢啲歌
2023.4.10
禮拜三
因為我份人一向習慣寫水蛇春咁長嘅一篇文嚟分享一首歌.咁但係講真唔係每首歌都令我有衝動寫長篇推送.而且就算係寫長篇.我呢啲龜速寫作都唔知幾耐先出到一篇.咁但係有好多歌我都好鐘意喔.寫唔切.咁點辦啊.
於是乎就有咗「近排loop緊呢啲歌」呢個欄目.
唔定時 抽起條筋就出一期
每次用極短嘅篇幅分享幾首
近排我鐘意嘅、循環播放緊嘅廣東歌
(未必全部都係新歌嚟㗎)
講完
去歌
填詞魂
主唱:謝雅兒
作曲:謝雅兒
作詞:黃綺琳
編曲:王建威
有些歌.會隨著時間淡忘.在年尾盤點的時候.才醒覺記得自己曾多麼喜歡.於是將其放入自己的年度最愛榜單之中.
而又有另一些歌.僅第一次聽.便會深深愛上.刻進腦海.忘也忘不掉.即場便成為個人心中年度之歌的有力競爭選手.
《填詞魂》是後者.
諗過點樣用一堆華麗辭藻嚟形容呢首歌.最後都係化繁為簡.借用翻電影嗰個"L".一句"好L好聽"就已經講曬.
上個月去香港因為時間夾唔上所以冇睇《填詞L》.頗為遺憾.等遲啲有機會睇完電影.一定為這首蘊藏夢想的《填詞魂》寫次長篇推送.
「曾經有你的執拗故事才有我
成功太熱血小挫敗沒人說破
集結幾多支持 任你怎麼禁播
夢裡當天我有快樂過」
多真摯的文字
多荒謬的世界
Chosen Family
主唱:Collar
作曲：Goro Wong
填詞：黃偉文
編曲：Goro Wong
雖然沒有去香港看現場.但也買了網上直播門票.看完了Collar首個個人演唱會.
從造星4她們還是素人的時候便開始認識這群女孩子.看著她們成軍出道.不到半年遇到天大難關.成員退隊後重新出發.不經不覺collar已經出道兩年多.歷經無數風波.終於等到一個屬於她們自己的舞台.
當然.即使如我這般某成員的忠實fans(我愛許軼).都要承認這群女孩子在各方面都還有很大的進步空間.
但終歸而言.我還是十分為她們感到驕傲.這群被選中的女孩.才剛剛出發而已.過去的每一天都是序章.接下來.會有更多人愛上她們.進而高呼.「collar世一」
隔墻有耳
主唱:MC張天賦
作曲:齊樂平 / 徐浩
作詞:陳詠謙
編曲:徐浩 / 黃兆銘
《隔墻有耳》幕後班底有齊樂平、徐浩、陳詠謙.旋律入耳(副歌基本聽一次就識哼).咁都冇提前單獨派台我係諗唔明嘅.
陳詠謙對上一次為MC執筆填詞已經是三年前的成名作《反對無效》.上一次寫的是冧歌.這次就寫失戀後的戒斷反應.
最後一句:「再好好過日子」不知詞人是否有意致敬十二年前林若寧寫給連詩雅的大熱名作《到此為止》.因而才用同一句歌詞作結.
回憶半分鐘
主唱:雲浩影
(feat. Gordon Flanders)
作曲:Gordon Flanders
作詞:陳詠謙
編曲:蘇道哲
其實首歌一月份已經推出.拖到宜家阿cloud都出今年第二首派台歌先嚟分享實在唔應該.我諗好多人都已經loop完一輪.咁既然loop完獨唱版.不妨loop埋合唱版.
撞到正
主唱:泳兒
作曲:Nowhere Boys
作詞:小克
Rap词：Nowhere Boys
編曲:Nowhere Boys
好癲嘅一次嘗試.比起上兩年暗黑系嘅泳兒更癲!雖然我一直都好喜歡小克嘅詞.但個人認為呢首歌嘅旋律同編曲實在太出色.霎時間令我覺得唔使明白份詞講乜都已經覺得首歌好正.
最最最正嘅係個MV.導演sheng今次盡顯才華.可以稱得上係一部恐怖微電影.睇MV睇到我要開燈先夠膽睇曬都係第一次.自認大膽嘅朋友.今晚不妨戴上耳機.躲進被窩.打開MV.好好享受這五分鐘的視聽盛宴.
至少做一件離譜的事
主唱:Kiri T
作曲:J. Arie /
Kiri T / Gavin Chan
作詞:黃偉文
編曲:Kiri T / 蘇道哲
最近越來越多聲音話黃偉文「回塘」.各花入各眼.每個人都可以有自己的意見.
但我只是覺得.一個人的文字.就如他穿的衣服.係.著西裝係好型.係每個人都讚不絕口.但冇理由大熱天時你仲煲呔踢死兔吧?有時候著下T恤孖煙通也未嘗不可.
每首歌都有自己的性格.詞人盡力填了認為滿意的詞.最後是否獲得大眾認同.只能靠天意.畢竟當文字脫離筆尖的那一剎那.解讀的權利便全然交到觀眾手中.
自小不是閱讀理解的高手.我不知道不喜歡是不是就代表不好?但我知道.喜歡的.就是好的
《至少做一件離譜的事》.
是黃偉文筆下
近年來其中一份我最喜歡的歌詞.
《瑪莉晚安了
(林家謙分擔合唱曲)》
主唱:林宥嘉/林家謙
作曲:林家謙
作詞:陳銘洋
早在去年四月份yoga的香港演唱會上已經和林家謙率先演唱過現場版.直到今年三月才隨新專輯正式推出.
林宥嘉兩首廣東歌.旋律都出自林家謙.上次《壞與更壞》推出的時候.家謙還未成為歌手.多年後的今天.當年的作曲人成為了廣受歡迎的男歌手.也成為了合唱者.
兩把溫柔的聲音.向全世界的瑪莉、約翰、小明、小紅、查理、淑儀......道句晚安.
有咩心事 不妨掃碼同我講
night night
