羅生門算唔算?
如果羅生門算就羅生門第一
如果羅生門唔算就
1.彳亍
2.弱水三千
3.念念不忘
4.勇悍.17
5.濛
佢夾埋都係出咗十幾隻歌咋喔
咁快要揀top5?
等佢出多幾隻先啦
不分先後排名順序
kaho
半天空檔 掉進海的眼淚
逆時車站 黑玻璃 及時行樂
MC
老派 地滑 救命稻草 反對無效 隔墻有耳
佢哋兩個合唱嘅Frenemy都jeng㗎
淚眼煞星
俾人鬧其實都係一種在乎嚟嘅
唔關注就唔會鬧啦
娛樂圈入面 有人鬧總好過冇人理
或者可以係一個了解呢個歌手嘅契機呢
而且 做乜都會有人唔鐘意㗎啦
鐘意嘅繼續鐘意 唔鐘意嘅就唔鐘意咯
鹹魚青菜各有所愛
我愛Nancy 你唔愛Nancy
但我哋都係鐘意宮崎駿喔
咪唔傾Nancy
一齊傾宮崎駿咯
盡量唔好因為某個觀點嘅不同
就將對方拒之千里
就覺得對方冇品味
提醒自己
要慶幸見到各種不同
(but 又真係好難唔鐘意Nancy㗎喔)
呢部音樂劇真係大開我眼界.
每個演員又要跳又要唱又要做戲
仲要每件事都保持咁高質素
真係好鬼勁.
而且.其實其他演員都已經唱得好好
但係陳潔儀真係好誇張.
佢一出聲真係自帶混響咁㗎!!
癡線㗎!!!即刻起雞皮!!
係好聽到癲撚咗啊
不愧「新加坡國寶」
事不宜遲
即刻聽翻首我最愛嘅「早去早回」
唔知你哋覺唔覺
當你真正地喜歡
一個歌手又好演員又好
去真正地追一個星嘅時候
其實唔止喜歡佢哋嘅作品
而係會愛上呢粒星身上發出的光芒
以及佢散發出嘅能量或者磁場
簡單講.就係鐘意呢個"人"
而呢樣嘢其實好虛無縹緲
冇得捉 冇得計算 好直接
唔可以單純用演技或者唱功來評定
可能因為一句話就鐘意
可能因為一次演出就唔鐘意
鐘意就係鐘意
唔鐘意就係唔鐘意
鐘意同唔鐘意
其實真係可以唔使理由
每粒星會散發出唔同光芒
有啲係白光有啲係暖光
有啲係激光有啲係極光
有啲可能係康祈光
有啲可能係尹光
作為觀眾
其實係各取所需
睇你鐘意邊種光芒
自然就會被吸引行去那道光芒底下
心甘命抵被其照耀
進而去追逐呢束光
而理所當然地
每個人都有權利唔喜歡或者唔鐘意每個人
佢哋都一定有自己嘅理由先會唔鐘意
所以 正如表達自己鐘意某樣嘢一樣
不偏激極端地表達自己唔鐘意某樣嘢
我覺得都係冇問題嘅
咁先會聽到更多不同聲音
一個真實立體的人
就會被喜歡或討厭
自己珍而重之的人事物
卻被其他人討厭
其實係再正常不過的事
但我覺得問題係 或者講 底線係
你大可以唔鐘意某個人某樣嘢
但係你唔可以順著網線行過嚟同我講
「你點解要鐘意呢啲人?」
或者喺社交平台陰陽怪氣咁留言道:
「究竟鐘意xxx嘅係咩群體」
呢個舉動
我覺得係無知兼且冇禮貌嘅
冇一樣嘢係永恆
冇一樣嘢可以留喺原地等你
回頭望去 物是人非
連塵封小店都再也找不到
極燦爛時光 一去難再遇上一次
留住嗰晚嘅快樂 慢慢用 用耐小小
多謝金爺錄低咗
可以俾我哋想提取溫暖以後度嚴寒
都可以間唔中開下那間房
都多謝你
在那個可一不可再的時間和場地
同我大聲合唱過
其實我覺得都係社交平台興起之後
當個獨立個體都有具體的發言權的時候
先會出現所謂的輿論
我諗翻十幾年前
未有推特微博臉書IG之前
我上網基本上就係
睇新聞 睇視頻 玩遊戲
同埋download鹹片.
好少機會會喺網上發表自己嘅觀點
但係宜家.無論咩嘢社交平台都好
我哋宜家上網大部分時間
唔係去睇新聞去睇事實
而係要不停地睇每一個觀點
無論嗰個人係明星又好
網紅又好素人都好
佢講嘅嘢無論有冇營養
都會被大數據推入你的腦中
其實之前都有貼吧論壇
但都係因為鐘意某樣嘢或者
同意某個觀點而相聚在一起
這樣的聚合
或多或少大家的價值觀是相近的.
相處在同溫層之中
就自然不容易產生摩擦或爭論
但宜家因為人人都可以上網
人人都有自己的賬號可以發聲留言
每個社交平台都有大量
唔同成長背景、唔同價值觀嘅人
自然就會發出大量不同的言論觀點
而每一個人
其實一開始都好難容納與自己不同的觀點
(特別係自己嘅觀點可以處於道德高地嗰啲)
見到與自己相反的意見
第一時間都係諗
「呢條友咁樣諗嘢真係癡線」
而唔係
「哦 原來呢個世界係有人咁諗嘢㗎喔
其實佢咁諗有冇道理呢?」
人越長大好容易會固化思維
認為自己諗嘅嘢一定係啱
咁樣好容易學少好多嘢
有時真係可以縮細小小自己
唔好著急去反駁
去聽下呢個世界嘅唔同聲音
當然 前提係 那個聲音要係理性的
純粹為咗鬧你而講嗰啲
我覺得係可以唔使聽嘅.
最後我想講一樣發生喺我自己身上嘅事
我有一日叫外賣
叫咗一間新開嘅潮汕牛肉粿條.
打開外賣我發覺呢間店嘅粿條
唔同之前我食過嘅粿條
佢係比較細嘅
我試咗一試 又幾好食喔 我鐘意
然後我就評價話
「原來潮汕除了粗粿條
還有這種細粿條.好吃.下次再點」
大概之類的吧
然後 我就見到另一個一星評價寫:
「這哪是粿條 根本不正宗
不好吃 砸了潮汕粿條這個招牌」
其實喺呢件事上每個人都冇錯
店家賣嘅確實係潮汕粿條
但係嗰位客人確實係想食一碗粗粿條
咁嚟到貨不對板俾差評都理所當然
但係.即使俾咗差評
留言是否可以理性啲改成
「這是我沒見過的細粿條
不知道其他人覺得怎樣
反正我是不太喜歡」
「不好吃 不喜歡」係觀點
「細粿條」係事實
不遮蓋事實且盡量溫柔地表達觀點
除了會讓輿論環境稍微美好一些之外
我覺得仲可以令你的觀點
更容易被別人思考
歌首首都咁鐘意
我揀唔到
揀戲啦不如
《每當變幻時》
《常在我心》
《十二夜》
《慳錢家族》
《豪情》
兩個人嘅感情關係
我覺得外人係冇資格指手畫腳嘅
關埋房門 係好係壞 真係自己先知
可能會旁觀者清當局者迷
但係愛情入面
唔係有錢有鏈有手袋先重要
有得沉迷 有人陪伴 有人依靠
都係勝利
未來嘅嘢邊個知
可能何伯出軌可能真係白頭到老呢
邊有所謂嘅完美戀愛
宜家開心 咪得咯
一定會數漏 盡數
衫褲鞋 耳機 髮夾
手機殼 耳機殼 髮繩 杯
筆 筆袋 口罩 充電線
手柄 小風扇 鬚刨 牙刷
譜架 書籤 保鮮盒 充電寶
........
好難用三言兩語表達
我用語音講啦
"請起筷"
有咩心事 不妨掃碼同我講
