就成功概率而言
問 就50/50
唔問 就0
咁仲有乜好猶豫?
言重了
都話咗唔使叫大師
既然潘生問到
小弟就略盡綿力
嗱 老老實實
男仔嚟講 高幾吋總是有著數
無論高嘅係身高又好分數又好血壓都好
所以中間個字我想用「高」字
至於你話想健康.
咁最終追求都係無病無痛長命百歲
所以第三個字我決定用個「壽」字
再加上前面個字就叫「高壽」
一聽個名就係壽星公財神嗰啲level
所以 將名字改成
「潘高壽」
下半世應該都唔使憂
而且我有預感
你嘅喉嚨應該會好舒服
唔會再痰多咳嗽
現役我可以揀三個喔
Ja Morant
Jimmy
Luka
然後退役嘅係我永遠嘅最愛
D.wade
宜家覺得減肥呢家嘢
其實幾有趣
究竟瘦幾多先算瘦咗
對於減肥當中嗰個人嚟講
隔三差五就上秤測體重
瘦兩斤都係瘦咗
但係兩斤喺外人眼中
根本乜都睇唔出
根本唔算瘦咗
所以歸根究底就係
你覺得瘦咗就係瘦咗
你覺得肥咗就係肥咗
而我覺得自己
個腦瘦咗
宜家呢個年代仲使唔使咁樣問?
唔通我喺度打成段說明指南俾你?
我覺得最直接嘅方法就係
搵間相關網店
我肯定個店主會比我有耐性得多
親愛的 講聲唔好意思先
我知你喺微信都搵過我
但係我一直冇復你 唔好意思
因為唔知點復好
其實從上年十一月話從新開始做shall we walk
到宜家一個人都未訪問過我都掙扎咗好耐
中途都有唔少人問過我幾時做翻
有幾個原因嘅
一嚟我覺得自己一直未準備好去聆聽去吸收
二嚟因為宜家天氣咁熱
冇辦法出去外面邊行邊傾
而我屋企宜家又唔方便上嚟
所以一直想搵個有空調
而且又夠安靜嘅私密空間
可以俾我同被訪者安安心心做幾個鐘嘅訪問
但係宜家都未物色到好好嘅地方
(大家知道有咁樣嘅地方不妨私信我)
最後一個原因係我想重新諗過一啲新嘅問題
令到成件事緊湊啲同埋再溫暖啲
我諗我會再做嘅
如果再做你一定會知
如果到時你依然有咁嘅想法的話
please be my guest
好喔 真係有諗過㗎
今個月可以試下
兩邊同時上咯
而且小宇宙嗰邊唔使次次都係電台
間唔中想講嘢又可以吹下水
都幾好喔
等我研究下先
葡萄牙 西班牙
英格蘭 荷蘭
恕我直言
「三觀正」本身就是一個偽命題
三觀一般是指
世界观 人生观 价值观
那什麼才是正確的三觀?
誰來定義?
我覺得這三觀每個人都可以不一樣
因為這取決於他的背景和經歷
根本就沒有所謂絕對「正確」的三觀
你可以說對方的三觀跟自己不一樣
三觀不合沒問題
但說人三觀不正我認為是不太合理的
然後 如果把問題改成
「朋友跟我三觀不合
還要繼續跟他做朋友嗎」
我認為是應該的
這可能可以讓你
多一個角度看這個世界
而且 只是做朋友
又不是選伴侶
別顧忌這麼多啦
(純粹個人意見
如果唔啱你心水
請即管當我癡線就得)
歌
《遊樂場》
《改造人》
《潛龍勿用》
《活著viva》
《末世紀的呼聲》
(最後呢首強推
編曲係劉志遠先生(Beyond前成員)
作曲填詞係霆鋒一手包辦
呢份詞簡直係當年佢青春期嘅內心獨白)
電影
《特警新人類》
《新警察故事》
《男兒本色》
《十月圍城》
《怒火》
p.s未睇海關戰線
睇完唔知會唔會有變動
有兩樣令我印象深刻
(不是廣告 不是廣告 不是廣告)
1.贏鮮大牌檔
(位置:南泰路)
呢間點過好多次
之前都係點炒餸
最近見佢出新品焗飯
就點個「芝士肉醬烤大肉腸焗飯」嚟試下
一試即刻愛上
咁啱有圖:
我對飯本身嘅要求好閹尖
米飯要夠干身要瘦長
特別係炒飯焗飯之類
如果啲飯係軟爛或者黐埋一舊
我會好唔開心
但係呢度個飯就夠干身
提前用蛋絲輕輕炒過
再用肉醬蓋頂
啲肉醬都好好食
最重要
條腸都好好食
(最衰佢好似冇得額外加條腸
如果有 我會加兩條)
係 係熱量炸彈
但係我覺得值得為佢跳一萬下繩
2.梁記粥粉面飯
(位置: 革新路)
又係熱量炸彈哈哈哈哈哈
冇所謂啦 食飽先有力減肥嘛
呢間個炒米粉我覺得好好食
我冇影相 所以搵咗個網圖俾你睇
我每次都係叫外賣 未試過堂食
雖然每次都要出餐後廿分鐘先送到
但依然保持到乾爽嘅口感
而且佢嘅米粉特別細
係我十分鐘意嘅
外賣都咁出色
有機會真係想去堂食試下
係聽一個姓李嘅智者講嘅
佢已經仙逝
我好喜歡佢 好尊敬佢
睇佢啲文字聽佢講嘢
真係會有醍醐灌頂嘅感覺
佢喺一次訪問中嘅一句話
成為我嘅座右銘(之一啦)
佢話:
「我每日都會做嘅嘢
就係推翻尋日某部分嘅自己」
初聽好似話自己冇原則
其實佢想表達嘅係人其實好需要自省
而呢樣嘢我覺得喺當下呢個
每個個體都放得太大嘅時代
係好稀缺嘅
唔好以為改變自己係件錯事
只要你認真思索過
覺得呢件事應該要作出改變
咁就即管大膽去改變
正因為推翻尋日嘅自己
今日嘅你先會繼續向前行
改變係冇對錯之分嘅
你覺得唔妥唔舒服
變翻前日個自己都冇問題
最重要係肯去自省
敢於去發現並承認自己身上嘅問題
呢個思考嘅過程本身就極具意義
上個月睇完西澤保彥嘅「匠千曉」系列
都幾中意 推薦長篇嗰幾本 短篇就麻麻地
東川篤哉嘅「烏賊川市」系列都好鐘意
係幽默搞笑推理風格
三位主角都好可愛又好無厘頭
其中有幾本真係笑到我癡線
最推薦梗係白井智之
每一本都推薦
真.天縱之才
每次睇佢嘅書都會懷疑
白井智之應該係外星人
先會諗得出如此精妙絕倫
且邏輯又嚴絲合縫嘅神級詭計
排名不分先後
《薄情歌》
《家書》
《時日如飛》
《后會無期》
《逾越生死》
好難喔 淨係計TVB㗎啦
盡量試下
emmm...
《難唸的經》
《歲月如歌》
《祝君好》
《藍天》
《連續劇》
恕我直言again
就你文中那句
「我肯定她以後找不到比我更愛她的人」
就足以讓我翻五十次白眼
這是多麼多麼自大的想法.....
推薦你聽兩首歌
林憶蓮《為何他會離開你》
許廷鏗《我們與愛的距離》
聽完可能你會明白乜嘢係愛人
乜嘢係自我感動
老友啊
佢有冇要求過你處處以佢為先?
或者你咁樣做反而令佢覺得係負擔呢?
你覺得你愛佢
但你有冇問過佢真係想要啲乜?
你係咪有足夠空間俾佢做自己?
你係咪令佢感受到自在?
喺你眼中覺得好嘅嘢
真係唔代表佢就要覺得好
如果再有機會
試下唔好攬太緊
試下行遠小小
多啲觀察佢
喺細微處著手
真正地看見眼前這個她
同埋 唔好許下太多諾言
我嘅經驗係好多時候諾言
都係壓垮關係嘅稻草之一
盡力過好今日
已經好足夠
一步一步行
先會行得遠
老實講
因為之前自身嘅經歷
我有段時間好驚回復呢類型問題
我都考慮咗好耐要唔要公開呢條問題
但你既然喺呢度問到 無論電台或者文字
你應該都係想我公開答
呢條留言嘅留言時間係6月尾
唔好意思 今日先睇到
唔知你宜家係咩情況
唔知你仲睇唔睇到我嘅回復
我先想同你分享一個小故事
係嚟自一本叫做《六小時後你會死》嘅書
係一本短篇故事合集
(如果你睇到 回復我
方便的話可以俾個地址我
我想送呢本書俾你)
其中第二個故事《時間魔法師》
令我十分動容
大致內容係:
一個自認為一事無成的女仔
名為朝冈未来
她遠離家鄉 在大城市獨自打拼
事業處處碰壁 生活亦遇到了難關
眼前的景象逐漸變得灰暗
亦逐漸對未來感到絕望
但一次奇遇改變了她
在某個特殊情況之下
1982年童年時的小未來
穿越時空遇上了2002年現在的未來
而她有二十四小時的時間
可以陪伴小時候的「她」
未來曾經想過
用這二十四小時去改變小時候的自己
讓小未來專心讀書 讓她改變興趣
從而令蝴蝶效應起作用
讓今天的自己變得更好
不必再受困眼前
但再三考慮後 未來還是放棄了這個念頭
她決定不要改變小未來
於是 她帶她去吃自己小時候最喜歡吃的東西
她帶她去買小時候夢寐以求卻買不起的可愛裙子
她帶她去遊樂場玩遍各式各樣的遊樂設施
她們經歷了如夢似幻的二十四小時
在故事的最後
二人需要分別
小未來需要返回自己的時間線
在此之前必須為其抹去這兩天的記憶
不然讓她帶著記憶回去 可能會影響過去
從而影響未來
在抹去記憶之前
兩個未來之間有這麼一段對話
「“小未来，你能躺在这里吗？”
“为什么？”
“为了回家。只要躺在这里，妈妈就能找到你了。”
“那……”小未来在昏暗中抬头看向未来，
“我就回二十年前去了。”
未来吃惊地反问：“什么二十年前？”
“现在是二〇〇二年对吧？
我在车站前的商店看到报纸了。”
未来语塞，目不转睛地看着小未来：
“所以，小未来知道阿姨是谁？”
“嗯，知道。”小未来微微一笑，
“和我一样，都是朝冈未来对吧？”
未来点点头，在小未来的带动下，
露出浅浅的笑意：“你都知道了。”」
然後 小未來說
「“嗯，一直都知道。而且，我很开心。」
未來問
「“开心？为什么？”」
小未來回答道:
「“因为我长成了这么温柔的一个人啊。”」
我可以清楚記得當時
我看到這裡我的眼淚就忍不住了
然後就哭到停不下來
那個我眼中一事無成的自己
在童年的自己眼中
卻是一個溫柔無比的存在啊
她不需要妳功成名就
只需要 溫柔 善良 就好了
-
唔想講任何挽回或者勵志嘅說話
因為我唔知你經歷咗啲咩
有啲別人輕易跨過嘅關口
可能對於某些人而言係萬丈高山
過唔到 就係 過唔到
再努力都冇用
但是親愛的
從你的字裡行間
我看見你會自我反省
我看見你會顧及別人的感受
那麼 我猜 很大概率
你也是個溫柔的人吧
所以
離開又好 堅持又好
崩潰又好 振作也好
只要是思量再三後選擇的
我都尊重你的決定
我只想最後跟你說
活得磊落真誠
對人善良溫柔
已經很偉大了
你
才不是一事無成呢
-
"請起筷"
有咩心事 不妨掃碼同我講
