اتاقتى پاتشانىڭ جۇزىگىنە جازىلعان سيقىرلى ءسوز سۋ جاڭا اڭگىمە
ىلگەرى وتكەن زاماندا ارقا جەرىندە ءبىر ءداۋرىش ءومىر ءسۇرىپتى. سول ديۋانا ءداۋرىش ءبىر كۇنى جولاۋشىلاپ كەلە جاتىپ ءبىر اۋىلعا كەز بولادى. ول كەزىككەنگە " قۇدايى قوناقپىن" دەسە دە ەشكىم ۇيىنە قوناق ەتە قويمايدى. ولار بار بولعانى ءجون سىلتەپ: « وسى اۋىلدىڭ جوعارعى جاعىندا ءبىر شاكىر دەگەن باي بار سوعان بار. سول كىسى باي بولسا دا وتە قوناق جاي» دەپ شىعارىپ سالادى. الگى ءبىزدىڭ ءداۋرىش سول بايعا بارسا راسىندا باي دەسە باي ەكەن. ات شاپتىرىم ەگىستىك جەرى، تۇستىك جەردەي مال جايىلىم جايلاۋى بار ەكەن. قورا- قورا مال، بايلاعانى ءبىر باسقا، بايلاماعانى ءبىر باسقا ساناۋعا يكەمى ارەڭ كەلىپ تۇر ەكەن.
دەسەك تە سول شاكىر باي وسى ءداۋرىشتى قۇشاق جايا قارسى الىپ، مال سويىپ قوناق ەتىپ، ابدەن كۇتەدى. كەتەرىندە الگى ءداۋرىش ءناسيحاتىن ايتا كەلە: « ە، بايەكە، قوناق جايلىلىعىڭا راقمەت، بەرگەن باق تا بايلىق تا بارەكەن.وسى ىرىس- نەسىبەسىنە شۇكىرشىلىك قىلعايسىڭ» دەيدى. سوندا الگى پالەن دەمەي بار بولعانى: « بۇل دا وتەر» دەپ قالىپتى. ءداۋرىش ونىڭ وسى ءسوزىنىڭ بايىبىنا بارا الماي قوشتاسسا دا كوپ ويلانىپتى. ءالقيسسا سودان بىرنەشە جىلدان سوڭ ات باسقان جەرىن قايتا باسار بولىپ سول ءداۋرىش ءبىر كۇنى سول اۋىلعا قايتا سوعىپتى. بۇل جولى ول «قوناقپىن» دەمەي-اق بىردەن الگى شاكىر بايدى سۇرايدى عوي. كەزىككەن ەل-جۇرت: « ە، الگى جومارت شاكىر مە؟ ول قازىر بۇرىنعىداي باي ەمەس، ءسىڭىرى شىققان قۋ كەدەي. وزىمەن تۇيدەي قۇرداس ءشاددا دەگەن باي دوسىنىڭ ۇيىندە بالا - شاعاسىمەن جالشىلىق قىلىپ، ولمەس كۇنىن كورىپ ءجۇر، قايتەرسىڭ، ە، باي ءبىر جۇتتىق دەگەن وسى.
قاي ءبىر جىلى قىس قاتتى بولىپ، ءبىر قىستا مالى تۇگەك قىرىلسا بولار ما؟! كوكتەم دە ەرتە كەلىپ كۇن اياق استىنان جىلىنىپ ونىڭ اقىرى تاۋدان اققان سەل سول بايدىڭ جايلاۋىن دا ەگىستىك القابىن دا شايىپ كەتىپ مال جايىلماس سورتاڭعا ەگىن شىقپاس تاقىرعا اينالىپ شىعا كەلدى عوي» دەپ قايعىرعانداي شىراي تانىتادى.
ءداۋرىش ءۇيىن ىزدەپ بارسا راسىندا بۇرىنعى ون ەكى قاناتتاي تىگىلگەن ءۇيى جوق نە كۇيى جوق ءبىر قورجىن تامدا بارعا قاناعات ەتىپ وتىر ەكەن. ايتسە دە ءداۋرىشتى تانىپ قوناق قىلىپ، ءسۇر ەتتەن قارا سورپاسىن قايناتىپ، قۇرت ەزىپ، داستارقانىن جايىپ بايەك بولادى. كەتەرىندە ءداۋرىش تاعى دا قاراپ قالماي ءسىڭىرى شىعىپ، جىلىگى كورىنگەن الگى شاكىر تانىسىنا:« ە، شاكىر بارعا قاناعات قىلعايسىڭ» دەيدى. شاكىر بار جوعى: ........
اڭگىمەنىڭ جالعاسىن استىڭعى 阅读原文دەگەن جازۋدى باسىپ وقىڭىز
