شي جينپيڭ 10-رەتكى مەملەكەتتىك نەگىزگى زاڭ كۇنى قارساڭىندا ماڭىزدى نۇسقاۋ بەرىپ، نەگىزگى زاڭنىڭ بەدەلى مەن نامىسىن باتىل قورعاپ، نەگىزگى زاڭنىڭ كەمەلدەنۋى مەن دامۋىن ىلگەرىلەتىپ، نەگىزگى زاڭنىڭ ەل باسقارۋداعى ماڭىزدى رولىن اناعۇرلىم ويداعىداي ساۋلەلەندىرۋدى باسا دارىپتەدى
شي جينپيڭ مىنالاردى باسا دارىپتەدى: جاڭا جورىقتا نەگىزگى زاڭنىڭ بەدەلى مەن نامىسىن باتىل قورعاپ، نەگىزگى زاڭنىڭ كەمەلدەنۋى مەن دامۋىن ىلگەرىلەتىپ، نەگىزگى زاڭنىڭ ەل باسقارۋداعى ماڭىزدى رولىن اناعۇرلىم ويداعىداي ساۋلەلەندىرىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋدى بەرىك كەپىلدەندىرۋ كەرەك. ساياسي ٴتۇزىم سەنىمىن بەكەمدەپ، نەگىزگى زاڭدا بەلگىلەنگەن جۇڭگو كوممۋنيستىك پارتياسىنىڭ باسشىلىق ورنىنان اۋىتقىماۋعا، نەگىزگى زاڭدا بەلگىلەنگەن حالىق دەموكراتياسى ديكتاتۋراسىندىق مەملەكەت تۇلعاسى مەن حالىق قۇرىلتايى تۇزىمىندىك ساياسي قۇرىلىمىنان اۋىتقىماۋعا تاباندى بولۋ كەرەك. جاڭا داۋىردەگى جۇڭگوشا سوتسياليستىك زاڭمەن باسقارۋ يدەياسىن دايەكتىلەندىرىپ، نەگىزگى زاڭ بەلگىلەمەلەرىن، نەگىزگى زاڭ پرينسيبىن، نەگىزگى زاڭ رۋحىن جاپپاي دايەكتىلەندىرۋگە تاباندى بولىپ، نەگىزگى زاڭدى اتقارۋدى، نەگىزگى زاڭدى ٴتۇسىندىرۋدى، نەگىزگى زاڭدى باقىلاۋدى جۇيەلى ىلگەرىلەتۋگە تاباندى بولىپ، نەگىزگى زاڭدى وزەك ەتكەن جۇڭگوشا سوتسياليستىك زاڭ جۇيەسىن جەدەل كەمەلدەندىرىپ، نەگىزگى زاڭدى اتقارۋ جانە باقىلاۋ دەڭگەيىن ۇزدىكسىز جوعارىلاتۋ كەرەك. نەگىزگى زاڭ جونىندەگى نازاريالىق زەرتتەۋ مەن ۇگىت-تاربيەنى كۇشەيتىپ، ٴبىلىمدى جالپىلاستىرۋعا، نازاريالىق تۇسىنىك جاساۋعا، كوزقاراس ارقىلى جەتەكتەۋگە جاپپاي كۇش سالۋعا تاباندى بولىپ، تۇتاس قوعامدا نەگىزگى زاڭ رۋحىن، سوتسياليستىك زاڭمەن باسقارۋ رۋحىن بارىنشا ساۋلەلەندىرىپ، نەگىزگى زاڭنىڭ اتقارىلۋىن جالپى حالىقتىڭ سانالى ارەكەتىنە اينالدىرۋ كەرەك.
مەملەكەتتىك حالىق قۇرىلتايى تۇراقتى كوميتەتىنىڭ كەڭسەسى 12-ايدىڭ 4-كۇنى ورتالىق كوميتەتتىڭ ۇگىت بولىمىمەن، ٴادىليا مينيسترلىگىمەن بىرگە بەيجيڭدە «نەگىزگى زاڭ رۋحىن اسقاقتاتىپ، نەگىزگى زاڭنىڭ اتقارىلۋىن كۇشەيتىپ، مەملەكەتتى قۇدىرەتتەندىرۋ قۇرىلىسىن، ۇلتتىڭ گۇلدەنۋىن نەگىزگى زاڭمەن قامتاماسىز ەتۋ» اڭگىمە ٴماجىلىسىن وتكىزدى. ماجىلىستە شي جينپيڭنىڭ ماڭىزدى نۇسقاۋى جەتكىزىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي اڭگىمە ماجىلىسكە قاتىناستى ٴارى ٴسوز سويلەدى.
جاۋ لىجي سوزىندە مىنالاردى باسا دارىپتەدى: شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ ماڭىزدى نۇسقاۋىنىڭ رۋحىن ۇيرەنىپ، دايەكتىلەندىرىپ، نەگىزگى زاڭدى اتقارۋ جانە ۇگىت-تاربيە قىزمەتىن جاپپاي ىلگەرىلەتىپ، مەملەكەتتىڭ ٴتۇبىرلى زاڭىنىڭ ابزالدىلىعى مەن رولىن تولىق ساۋلەلەندىرۋ كەرەك. جاۋ لىجي مىنالاردى اتاپ كورسەتتى: پارتيا 18-قۇرىلتايىنان بەرى، باس شۋجي شي جينپيڭ نەگىزگى زاڭ مەن نەگىزگى زاڭنىڭ اتقارىلۋى جونىندە ٴبىر قىدىرۋ ماڭىزدى سوزدەر مەن ماقالالار جاريالاپ، ٴبىر قىدىرۋ ماڭىزدى نۇسقاۋلار بەرىپ، جۇڭگوشا سوتسياليستىك نەگىزگى زاڭ نازارياسىن بايىتىپ جانە دامىتىپ، جاڭا داۋىردەگى جۇڭگونىڭ نەگىزگى زاڭ امالياتىنىڭ جاڭا تاراۋىن جازۋعا ٴتۇبىرلى ولشەم جانە ارەكەت باعدارناماسىن ازىرلەدى. جۇڭگو كوممۋنيستىك پارتياسىنىڭ باسشىلىعىنا تاباندى بولۋ ەلىمىزدىڭ نەگىزگى زاڭىنىڭ ەڭ ايقىن ەرەكشەلىگى، ەڭ ٴتۇبىرلى تالابى ەكەنىن جەتە تانىپ، "ەكىنى تۇراقتاندىرۋ"دىڭ شەشۋشى ٴمانىن تەرەڭ ٴتۇسىنىپ، "ەكىنى قورعاۋ"دى ورىنداپ، پارتيا باسشىلىعىنىڭ پارتيا مەن مەملەكەت ىستەرىنىڭ ٴار قايسى جاقتارىندا، بارلىق بارىستارىندا جان-جاقتى، جۇيەلى، تۇتاس تۇلعالى تياناقتانۋىنا كەپىلدىك ەتۋ كەرەك. ەلىمىزدىڭ نەگىزگى زاڭىنىڭ ايقىن سوتسياليستىك سيپات الاتىن نەگىزگى زاڭ، شىن مانىندەگى حالىقتىڭ نەگىزگى زاڭى ەكەنىن جەتە تانىپ، جۇڭگو ۇلگىسىندەگى وسىزامانداندىرۋدىڭ ماندىك تالابىن مىقتى يگەرىپ، نەگىزگى زاڭ ارقىلى ورتاق تانىمدى ۇيىستىرىپ، ىنتىماقتاسا كۇرەس جۇرگىزەتىن كۇش توپتاۋ كەرەك. ەلىمىزدىڭ نەگىزگى زاڭىنىڭ بارىنەن جوعارى تۇراتىن زاڭ-ٴتۇزىم ورنى مەن قۇدىرەتتى زاڭ-ٴتۇزىم كۇشىنە يە ەكەنىن جەتە تانۋ كەرەك. نەگىزگى زاڭدى جاپپاي دايەكتى اتقارۋ − مەملەكەتتى جالپى بەتتىك زاڭمەن باسقارۋدىڭ ماڭداي الدى مىندەتى، زاڭمەن باسقارۋ ارناسىندا جاپپاي سوتسياليستىك وسىزاماندانعان مەملەكەت قۇرۋ كەرەك.
جاۋ لىجي مىنالاردى باسا دارىپتەدى: جاڭا جورىقتا جۇڭگوشا سوتسياليستىك نەگىزگى زاڭ نازارياسىن ىشكەرىلەي ۇيرەنىپ، دايەكتىلەندىرىپ، نەگىزگى زاڭدى جاپپاي دايەكتىلەندىرۋدى، اتقارۋدى ۇزدىكسىز ىشكەرلەتۋ كەرەك. جۇڭگوشا سوتسياليستىك زاڭ جۇيەسىن كەمەلدەندىرىپ، نەگىزگى زاڭعا قاتىستى بەلگىلەمەلەردى اتقارۋ مەحانيزمىن كەمەلدەندىرىپ، نەگىزگى زاڭدى باقىلاۋ ٴتۇزىمىن كەمەلدەندىرىپ، عىلمي، ٴونىمدى، جۇيەلى، كەمەلدى ٴتۇزىم جۇيەسى ارقىلى نەگىزگى زاڭنىڭ اتقارىلۋىنا كەپىلدىك ەتۋ كەرەك. جۇڭگونىڭ نەگىزگى زاڭ حيكاياسىن ويداعىداي بايانداپ، نەگىزگى زاڭ رۋحىن ساۋلەلەندىرىپ، نەگىزگى زاڭ نازارياسىن زەرتتەۋدى كۇشەيتىپ، جالپى حالىقتى نەگىزگى زاڭنىڭ ادال قاستەرلەۋشىسىنە، سانالى بويسۇنۋشىسىنا، باتىل قورعاۋشىسىنا اينالدىرۋ كەرەك.
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى لي حۇڭجۇڭ اڭگىمە ٴماجىلىستى باسقاردى. ورتالىق ۇگىت ٴبولىمىنىڭ، مەملەكەتتىك حالىق قۇرىلتايى نەگىزگى زاڭ جانە زاڭ كوميتەتىنىڭ، ٴادىليا مينيستيرلىگىنىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ، وقۋ-اعارتۋ مينيسترلىگىنىڭ، جۇڭگو زاڭ عىلىمى قوعامىنىڭ قاتىستى جاۋاپتى جولداستارى جانە مەملەكەتتىك حالىق قۇرىلتايىنىڭ ۋاكىلدەرى اڭگىمە ماجىلىستە ٴسوز سويلەدى.
监审：库兰别克
