شۇعىل جاعدايلارعا توتەپ بەرۋدى باسقارۋ مينيسترلىگى حاۋىپسىزدىك جانە ساقتىق جاعىنداعى ءتۇيىندى قىزمەتتەر جونىندە زەرتتەۋ جۇرگىزىپ، ورنالاستىرۋ جاسادى
ساقتانۋدى نەگىز ەتۋگە تاباندى بولىپ، ورمان مەن جايىلىمعا ءورت كەتۋ سىندى اپاتتاردان ساقتانۋ جانە ونى جونگە سالۋدى مىقتى ۇستاۋ قاجەت
حالىق گازەتىنىڭ ءتىلشىسى ليۋ ۋىنشين 3 – ايدىڭ 26 – كۇنى بەيجيڭنەن حابارلايدى. 3 – ايدىڭ 25 – كۇنى شۇعىل جاعدايلارعا توتەپ بەرۋدى باسقارۋ مينيسترلىگى ءماجىلىس اشىپ، قازىرگى تاڭداعى حاۋىپسىزدىك پەن ساقتىق جاعىنداعى ءتۇيىندى قىزمەتتەر جونىندە زەرتتەۋ جۇرگىزىپ، ورنالاستىرۋ جاسادى. ماجىلىستە بىلاي دەپ باسا دارىپتەدى: كوكتەم مەزگىلى — اپات پەن شىرعالاڭ ءجيى تۋىلاتىن كەزەڭ، كوكشىبىق مەرەكەسى كەلىپ جەتتى، ساقتانۋدى نەگىز ەتۋگە تاباندى بولىپ، ورمان مەن جايىلىمعا ءورت كەتۋ قاتارلى اپاتتاردان ساقتانۋ جانە ونى جونگە سالۋدى مىقتى ۇستاۋ كەرەك.
ماجىلىستە مىنالار تالاپ ەتىلدى: نەگىزگى ساتىداعى كۇشتەردى ”قىستاققا كىرە بەرىستى، جول تورابىن، تاۋ ساعاسىن“ ءجىتى قاداعالاۋعا، جاقسى كۇزەتۋگە اتتانىسقا كەلتىرىپ، تۇرعىندار رايونى، ماي قۇيۋ پۋنكتى، حيميالىق ونەركاسىپ كاسىپورىندارى قاتارلى ءتۇيىندى جەرلەردە ورتتەن ساقتانۋ جانە ءورت ءوشىرۋ قۇرىلعىلارى مەن زاتتارىن الدىن الا ورنالاستىرىپ، ورمان مەن جايىلىمعا ءورت كەتۋدەن ساقتانۋ جونىندەگى ۇگىتتى كۇشەيتىپ، بۇقارانى ناشار سالتتاردى وزگەرتۋگە، وركەنيەتتى تۇردە تاساتتىق بەرۋگە جەتەلەۋ كەرەك. سولتۇستىكتەگى وڭىرلەردى مۇز ەرۋدەن تۋىلاتىن تاسقىن مەزگىلىندە حاۋىپتى قۇرىلىستار مەن حاۋىپتى بولىكتەر قاتارلى ءتۇيىندى ورىنداردى شارلاپ تەكسەرۋگە قۋزاپ، قاتىستى وڭىرلەردىڭ قۋاڭشىلىققا قارسى اتتانىپ، اپاتتىڭ زيانىن ازايتۋىنا جەتەكشىلىك ەتۋ جانە كومەكتەسۋ، جەر سىلكىنىسى جانە گەولوگيالىق اپاتتار، تاسقىن قاتارلى اپاتتاردان ساقتانۋ قىزمەتىن ۇزدىكسىز ويداعىداي ىستەۋ كەرەك.
监审：库兰别克
