باس شۋجي شي جينپيڭنىڭ ماڭىزدى ٴسوزى جۇرتتى جىگەرلەندىردى

ٴوز حابارىمىز. باس شۋجي شي جينپيڭ 9-ايدىڭ 28-كۇنى جۇڭحۋا حالىق رەسپۋبليكاسى قۇرىلعاندىعىنىڭ 74 جىلدىعىن قۇتتىقتاۋ قوناعاسىندا ماڭىزدى ٴسوز سويلەپ، جاڭا جۇڭگو قۇرىلعان 74 جىلدان بەرگى قولعا كەلگەن تەڭدەسسىز شۇعىلالى تابىستاردى قورىتىندىلاپ، جاڭا ساپاردا بولاشاعىمىزدىڭ نۇرلى ەكەندىگىن باسا دارىپتەدى. بۇكىل ەلدىڭ جەر-جەرىندەگى كادرلار مەن بۇقارا بىلاي دەستى: باس شۋجي شي جينپيڭنىڭ ماڭىزدى ٴسوزى جۇرتتى جەلپىندىرىپ، العا باسۋعا جىگەرلەندىردى. جاڭا ٴداۋىر، جاڭا ساپاردا قۇلشىنا جاۋاپكەرشىلىك ارقالاپ، ىسكەرلىك كورسەتىپ، ۇمتىلا العا باسىپ، مەملەكەتتى قۇدىرەتتەندىرۋ، ۇلتتى گۇلدەندىرۋ ۇلى نىساناسىنا قاراي ەرلىكپەن العا باسۋىمىز كەرەك. 

باس شۋجي شي جينپيڭ بىلاي دەپ اتاپ كورسەتتى: ٴبىز جوعارى دەڭگەيدە سىرتقا ەسىك اشۋدى جەبەۋدى كوزدە ۇستاي وتىرىپ، رەفورمانى ۇزدىكسىز جاپپاي تەرەڭدەتىپ، ”ٴبىر بەلدەۋ، ٴبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتىپ، ەل ٴىشى جانە حالىقارا سىندى قوس اينالىمدى ىركىلىسسىزدەندىرىپ، ەكونوميكالىق دامۋدىڭ سەرپىنىن كۇشەيتىپ، ومىرشەڭدىگىن ارتتىرۋىمىز كەرەك. 

جۇڭگو تەمىر جول قۇرىلىس توبى پاكيستان داسۋ سۋ ەلەكتر-تاسجول نىسانىنىڭ باس ينجەنەرى شىن چي بىلاي دەدى: شەتەلدەگى ٴبىر قىزمەتكەر بولۋ سالاۋاتىممەن داڭىق پەن جاۋاپكەرشىلىكتى سەزىندىم، سونىمەن بىرگە مەنى شەتەلدەگى ”ٴبىر بەلدەۋ، ٴبىر جول“ قۇرىلىسىندا اناعۇرلىم قۇلشىنا ٴوز ۇلەسىمدى قوسۋعا شابىتتاندىردى.

جياڭشي ولكەسى نانچاڭ قالاسى نانچاڭ اۋدانى شەكارا وتكەلىن دامىتۋ ورتالىعىنىڭ ورىنباسار مەڭگەرۋشىسى گو رۇي بىلاي دەدى: ” ٴبىز سىرتقى ساۋدا كەزەكشى پويەز لەنيالارىن ۇزدىكسىز كوبەيتىپ، سىرتقى تاسىمال ارناسىن كەڭەيتىپ، ”جۇڭگودا جاسالعان“ ونىمدەردىڭ شەتەلدەرگە كوپتەپ تاسىلۋىنا، دۇنيە جۇزىنە بەت الۋىنا جىلدام ۇلكەن ارنا ازىرلەيمىز. 

 گۋاڭجوۋ كەدەنىنە قاراستى گۋاڭجوۋ باييۇن اۋەجايى كەدەن مەكەمەسى جولاۋشىلاردى تەكسەرۋ 2-باسقارماسى جولاۋشىلاردى تەكسەرۋ 1-ٴبولىمىنىڭ ورىنباسار باستىعى دۋ زىچياڭ بىلاي دەدى: ”كەدەن ەل ٴىشى مەن حالىقارا سىندى قوس اينالىمدى توعىستىراتىن جول سورابى، مەن باستان-اياق ”مەملەكەتتىڭ ماڭىزدى ٴىسىن“ جادىمدا ساقتاپ، پارتيانى الاڭسىز ەتەتىن، حالىقتى رازى ەتەتىن مەملەكەت قاقپاسى قورعاۋشىسى بولامىن.

باس شۋجي شي جينپيڭ بىلاي دەپ اتاپ كورسەتتى: حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك. مەملەكەتتىك حالىق قۇرىلتايىنىڭ ۋاكىلى يۇي چيڭچيڭ اۋىلىنا قايتىپ كاسىپ جاراتقان ستۋدەنت. ول بىلاي دەدى: باس شۋجيدىڭ ماڭىزدى ٴسوزى اۋىل-قىستاققا بارىپ كاسىپتى كوركەيتۋ ىستەرىنە ات سالىسۋ سەنىمىمدى بەكەمدەي ٴتۇستى. باس شۋجي: كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ-كەڭەيتىپ، اۋىل-قىستاقتاردى كوركەيتۋ اياق الىسىن جاپپاي ىلگەرىلەتۋ كەرەك،-دەدى. اۋىل شارۋاشىلىق ەگىمشىلىگىمەن شۇعىلداناتىن جاڭا ديقان رەتىندە بۇدان تەرەڭ شابىت الدىم، ەرەكشە جەلپىندىم. ٴتىپتى دە كوپ جاستار ٴۇشىن باستاماشىلدىق، ۇلگىلىك رولىمدى ويداعىداي ساۋلەلەندىرىپ، اۋىل-قىستاقتىڭ دامۋىنا ٴوز قۇلشىنىسىمدى ارنايمىن. 

جيلين ولكەسى چاڭچۇن قالاسى نانگۋان رايونى شيڭفۋ اۋىلى قوعامدىق ىستەر ءبولىمىنىڭ باستىعى لي يۋە بىلاي دەدى: ءبىز قاراستى اۋماقتاعى قيىنشىلىعى بار بۇقارانى قۇتقارۋ-ولارعا كومەك بەرۋ، قامتاماسىز ەتۋ قىزمەتىنىڭ دالدىگىن، ونىمدىلىگىن شىنايى جوعارىلاتىپ، نازاردى بۇقارانىڭ قاجەتىنە شوعىرلاندىرىپ، حالىق تۇرمىسىن قامتاماسىز ەتۋ تورىن بەكەمدەپ، بۇقارانىڭ باقىت سەزىمىن كۇشەيتەمىز. جاڭا ساپاردا ٴبىزدىڭ بولاشاعىمىز نۇرلى، الايدا الداعى جول داڭعىل بولا قويۋى ەكىتالاي. 

باس شۋجي شي جينپيڭ بىلاي دەپ باسا دارىپتەدى: ٴبىز سەنىمدى بەكەمدەپ، رۋحتى سەرپىلتىپ، ىنتىماقتاسا كۇرەس جۇرگىزىپ، ۇزدىكسىز تار جول، تايعاق كەشۋلەردەن ٴوتىپ، قيىنشىلىقتاردى جەڭىپ، مەملەكەتتى قۇدىرەتتەندىرۋ، ۇلتتى گۇلدەندىرۋ ۇلى نىساناسىنا قاراي ەرلىكپەن العا باسۋىمىز كەرەك.

حاڭجوۋ ازيا سپورت جارىسىنىڭ ەرىكتىسى حۋ ميڭفەي بىلاي دەدى: باس شۋجي ەلىمىزدىڭ دەنە تاربيە ساڭلاقتارىنىڭ چىڭدۋ دۇنيە جۇزىلىك ستۋدەنتتەر جازعى سپورت جارىسىندا، حاڭجوۋ ازيا سپورت جارىسىندا تاماشا ناتيجەلەردى قولعا كەلتىرگەندىكتەرىن اتاپ ٴوتتى. ازيا سپورت جارىسى سياقتى حالىقارالىق جارىسقا قىزمەت وتەگەنىمدى ەرەكشە ماقتانىش سەزىنەمىن. ٴبىز، ٴسوز جوق، ٴوز جۇمىسىمىزدى دەن قويا جاقسى ىستەپ، دۇنيەگە جۇڭگو جاستارىنىڭ كەلبەتىن ايگىلەيمىز. 

ىشكى موڭعۇل اۆتونوميالى رايونى چىفىڭ قالاسى لينشي اۋدانى رۇڭشىڭدا ەگىمشىلىك شارۋالار كاسىپتىك سەلبەستىك كووپەراتيۆىنىڭ باس القاسى جاۋ ليجيە بىلاي دەدى: ٴبىز سەنىمىمىزدى بەكەمدەپ، اۋىل-قىستاقتى كوركەيتۋ نىساناسىنا قاراي تاباندىلىقپەن ۇمتىلىپ، ماشينالاندىرۋ، كولەمدەندىرۋ، ماركالاندىرۋ، ولشەمدەندىرۋ سىندى اۋىل شارۋاشىلىق كاسىپ تىزبەگىن دامىتۋعا بەت بۇرۋىمىز كەرەك، مىنە بۇل دا باس شۋجي اتاپ وتكەن جوعارى ساپالى دامۋ.

شي-ان قاتىناس داشۋەسى ەلەكتر ينجەنەرياسى شۋەيۋانىنىڭ پروفەسسورى جاڭ جين يىڭ بىلاي دەدى: ٴبىز باس شۋجي اتاپ كورسەتكەن ”عىلىم-تەحنيكادا جاڭالىق اشۋدى، جاسىل دامۋدى“ مىقتاپ ارقاۋ ەتىپ، قاتتى كۇيدەگى سۋتەگى ساقتاۋ ماتەريالدارىمىزعا مەڭزەس، عىلىم-تەحنيكا جەتىستىكتەرىن كاسىپ سالالاندىرىپ كادەگە جاراتۋدى جۇزەگە اسىردىق. ۇزدىكسىز ورگە ۇمتىلىپ، كەدەرگىلەردى بۇزىپ ٴوتىپ، قيىنشىلىقتاردى جەڭەمىز، تاباندىلىقتىڭ ارتىنان توسىن قۋانىش كەلەتىندىگىنە سەنەمىز.