شينجياڭ اۋا رايى ستانسياسىنىڭ الدىن الا مالىمەتىندە كورسەتىلۋىنشە، مەجەمەن 3-ايدىڭ 28-كۇنىنەن 29-كۇنىنە دەيىن، بۇكىل شينجياڭنىڭ باسىم كوپ جەرلەرىندە تەمپەراتۋرا كورنەكتى جوعارىلايدى، سولتۇستىك شينجياڭدا ەڭ جوعارى تەمپەراتۋرا 10~20 سەلتسي گرادۋسقا، شىعىس شينجياڭ، وڭتۇستىك شينجياڭدا ەڭ جوعارى تەمپەراتۋرا 20~25 سەلتسي گرادۋسقا شىعادى. 3-ايدىڭ 30-كۇنى كۇندىزدەن 4-ايدىڭ 1-كۇنى تۇنگە دەيىن، ءبىر شاما كۇشتى سۋىق اعىستىڭ اسەرىنەن، سولتۇستىك شينجياڭنىڭ باسىم كوپ بولەگى، تيانشاننىڭ تاۋلى رايوندارى جانە وڭتۇستىك بەتكەيى، قۇمىل قالاسىنىڭ سولتۇستىگىندە جاڭبىر جانە قار جاۋىپ، بوران سوعىپ، تەمپەراتۋرا تومەندەيدى، وڭتۇستىك شينجياڭ، شىعىس شينجياڭدا قۇمدى بوران سوعادى، تيانشاننىڭ تاۋلى رايوندارى، قۇمىل قالاسىنىڭ سولتۇستىگىندەگى تاۋلى رايونداردىڭ ءبىر ءبولىم وڭىرلەرىندە نوسەر نەمەسە قار جاۋادى، ءىشىنارا وڭىرلەردە قالىڭ قار جاۋادى. جاۋىن-شاشىندى اۋا رايىنىڭ اسەرىنەن بۇكىل شينجياڭدا ەڭ تومەنگى تەمپەراتۋرا 5~8 سەلتسي گرادۋس تومەندەيدى، سولتۇستىك شينجياڭنىڭ جازىق رايوندارىندا ەڭ تومەنگى تەمپەراتۋرا 2~5-سەلتسي گرادۋسقا تۇسەدى، شىعىس شينجياڭنىڭ جازىق جەرلەرىندە 0~10 سەلتسي گرادۋسقا تۇسەدى، ۇقساماعان دارەجەدە ۇسىك جۇرەدى، بۇكىل شينجياڭدا تەمپەراتۋرا الدىمەن جوعارىلاپ سوڭىنان تومەندەيدى، تەمپەراتۋرانىڭ تومەندەۋ سالىستىرماسى ءبىرشاما جوعارى بولادى.
