مەجەگە قاراعاندا، 11 – ايدىڭ 6 - كۇنى تۇننەن 8 – كۇنى كۇندىزگە دەيىن ىلە اڭعارىنىڭ كوپ بولەگىندە از جانە ورتاشا مولشەردە قار ارالاس جاڭبىر نەمەسە قار جاۋادى، قورعاس قالاسىنىڭ، قورعاس اۋدانىنىڭ، قۇلجا قالاسىنىڭ، قۇلجا اۋدانىنىڭ سولتۇستىگىندە، نىلقى، كۇنەس اۋدانى سياقتى جەرلەردىڭ ٴىشىنارا وڭىرلەرىندە قالىڭ قار جاۋادى، قورعاس اۋدانىنىڭ كەڭساي تاۋلى رايونىنىڭ، نىلقى اۋدانىنىڭ شىعىس بولەگىندەگى تاۋلى رايونداردىڭ ٴىشىنارا جەرلەرىندە قالىڭ قار جاۋادى.
11 - ايدىڭ 6 - كۇنى ٴتۇن ورتاسىنان 7 – كۇنى تۇستەن بۇرىنعا دەيىن ىلە اڭعارىنىڭ كوپ بولەگىندە قيىس باتىستان 6 دا 8 بال ۇيىتقىمالى جەل سوعادى، ٴىشىنارا جەرلەردە جەل كۇشى 9 بالعا دەيىن بولادى.
11 - ايدىڭ 8 - كۇنى تۇننەن 10 - كۇنى كۇندىزگە دەيىن ىلە اڭعارىنىڭ كوپ بولەگى بۇلتتى بولادى، باتىس بولەگى مەن شىعىس بولەگىندەگى ٴىشىنارا وڭىرلەردە از مولشەردە جاڭبىر ارالاس قار نەمەسە قار جاۋادى، تاۋلى وڭىرلەردىڭ ٴىشىنارا جەرلەرىندە ورتاشا قار جاۋادى، 3 بال جەل سوعادى.
ىلە اڭعارىنىڭ جالپى جاۋىن - شاشىن مولشەرى 5 - 40 ميلليمەترگە، قار ءتۇسۋ مولشەرى 5 - 30 ميلليمەترگە، جازىق رايونعا تۇسەتىن قاردىڭ قالىڭدىعى 1- 3 سانتيمەترگە، تاۋلى رايوندا 10- 25 سانتيمەترگە دەيىن بولادى.
سۋىق اعىستىڭ ىقپالىنان ىلە اڭعارىنىڭ جەر - جەرىندە تەمپەراتۋرا ٴۇرتىس تومەندەۋ جاعدايى كورىلەدى، جاپپاي 8 سەلتسي گرادۋس اينالاسىندا تومەندەيدى. 8 - كۇنى تۇندە ىلە اڭعارىنىڭ جازىق رايوندارىندا ەڭ تومەن تەمپەراتۋرا 1- دە 3 - سەلتسي گرادۋىسقا دەيىن تومەندەيدى، تەكەس اۋدانى، نىلقى اۋدانى، موڭعۇلكۇرە اۋدانى قاتارلى تاۋلى رايونداردا 4 – تە 7 - سەلتسي گرادۋىسقا دەيىن تومەندەيدى، شۋرما قاتارلى تاۋلى رايونداردا تەمپەراتۋرا 10 - سەلتسي گرادۋىسقا دەيىن تومەندەيدى.
(ىلە وبلىستىق اۋا رايى ستانسياسىنىڭ 2024 - جىلى 11 – ايدىڭ 5 - كۇنى ساعات 17 دە جاريالاعان مالىمەتىنەن)
监审：库兰别克·阿不别克
