شينجياڭ 3 كۇن ىشىندە قايتالاي تەكسەرىلگەندە اقى الماۋدى سىناق رەتىندە اتقارماقشى
بىرنەشە كۇننىڭ الدىندا «شينجياڭ ۇيعۇر اۆتونوميالى رايونىنىڭ 2 – دارەجەلىدەن جوعارى ەمدەۋ قۇرىلىمدارىنىڭ امبۋلاتوريادا ءنومىر الۋ جانە ەمدەلۋ بارىسىن ساپالىلاندىرۋدى اتقارۋ جوباسى (سىناق رەتىندە اتقارىلادى)» (تومەندە قىسقارتىلىپ «اتقارۋ جوباسى (سىناق رەتىندە اتقارىلادى)» دەپ اتالادى) باسىپ تاراتىلدى، ادەتتەگى امبۋلاتوريادا، ارناۋلى اۋرۋ امبۋلاتورياسىندا، ماماندار امبۋلاتورياسىندا قايتالاي تەكسەرىلۋگە كەلگەن ناۋقاستار (ادەتتەگى امبۋلاتوريادان ماماندار امبۋلاتورياسىنا جوتكەلگەندى قامتىمايدى) العاشقى دياگنوز قويىلعاننان كەيىن 3 كۇن ىشىندە ءبىر رەت امبۋلاتوريادا دياگنوز قويۋ اقىسىن (ءنومىر الۋ اقىسىن) تاپسىرماي، تەگىن كورىنۋ ساياساتىنان يگىلىكتەنۋىنە بولادى، وسى ارقىلى امبۋلاتوريادا ەمدەلگەن ناۋقاستاردىڭ ەمدەلۋىنىڭ ۇلاسپالىلىعىن قامتاماسىزداندىرىپ، بۇقارانىڭ ەمدەۋ، اۋرۋ كورسەتۋىندەگى جاڭا اسەرىن بەلسەنە كۇشەيتەدى.
«اتقارۋ جوباسىنىڭ (سىناق رەتىندە اتقارىلادى)» كولەمى بۇكىل شينجياڭداعى 2 - دارەجەلىدەن جوعارى ۇكىمەت قاراستىلىعىنداعى ەمدەۋ قۇرىلىمدارىن (جۇڭگوشا ەمدەۋ شيپاحانالارىن، انالار مەن بالالاردىڭ دەنساۋلىعىن قورعاۋ شيپاحانالارىن، بالالار شيپاحانالارىن) قامتيدى، قوعامدىق ەمدەۋ قۇرىلىمدارىنىڭ وسى بويىنشا اتقارۋدى ويلاستىرۋىنا بولادى.
بۇل ساياسات ەمدەلگەن كۇنى تەكسەرۋ ناتيجەسىن الا الماعاندىقتان، سوڭىنان تەكسەرۋ ناتيجەسىن الىپ ۇقساس شيپاحانانىڭ ۇقساس بولىمشە شيپاحاناسىنا ۇقساس ەمدەۋ ءبولىمىنىڭ شيپاگەرىنە كەلىپ جالعاستى دياگنوز قويعىزۋ جانە مەديتسينالىق ءبىر جاقتى ەتۋدى قاجەت ەتەتىن ناۋقاستارعا قولدانىلادى، كوپ اۋرۋ ءبولىمى بىرلەسىپ دياگنوز قويۋ - ەمدەۋ امبۋلاتورياسى، ەرەكشە قىزمەت وتەۋ امبۋلاتورياسى، قولايلى امبۋلاتوريا، شۇعىل ەمدەۋ امبۋلاتورياسى، ءبولىم اتتاۋ امبۋلاتورياسىندا دياگنوز قويىپ بولعان، ءبىراق اۋرۋ جاعدايىنىڭ وزگەرىسى سەبەبىنەن تاعى دا كورىنەۋگە تۋرا كەلگەن ناۋقاستاردى قامتىمايدى.
قايتالاي كورىنەتىن ناۋقاس العاشقى دياگنوز قويعانداعى ءنومىر الۋ قاعازى، ەمدەلۋ كۋالىگى (ەمدەلۋ كارتوچكاسى نەمەسە ەمدەۋ قامسىزداندىرۋ كارتوچكاسى قاتارلىلار) ارقىلى تىكەلەي بۇرىنعى ەمدەلگەن ءبولىمىنىڭ دياگنوز قويۋ ورنى نەمەسە امبۋلاتوريا زالى سياقتى شيپاحانا بەلگىلەگەن اۋماققا بارىپ، قىزمەتكەرلەر ارقىلى دياگنوز قويۋ تەكشەسى نەمەسە اۆتوماتتى تەكسەرۋ ماشيناسى ارقىلى ەمدەلۋ رەت ءنومىرىن العاننان كەيىن، قاتىستى بولىمدەردىڭ دياگنوز قويۋ رايونىندا ءنومىر رەتىن شاقىرۋدى توسسا بولدى.
监审：库兰别克
