قوعام حاۋىپسىزدىگى مينيسترلىگىنىڭ قاتىناس باسقارۋ مەكەمەسى، الداعى قوس مەرەكە دەمالىسى كەزىندەگى ساپار حاۋىپسىزدىگى جونىندە ەسكەرتۋ جاريالادى
جۇڭچيۋ مەرەكەسى، مەملەكەت مەرەكەسى دەمالىسى تاياپ قالدى، وسى مەزگىلدە بۇكىل ەل بويىنشا ساپارعا شىعۋداعى قاتىناستىڭ قاۋىرت مەزگىلى جارىققا شىعادى، قوعام حاۋىپسىزدىگى مينيسترلىگىنىڭ قاتىناس باسقارۋ مەكەمەسى، دەمالىس كەزىندەگى ساپار جاعدايى جونىندە، ساپار حاۋىپسىزدىگى ساقتىق ەسكەرتۋىن جاريالادى.
مەجەلەۋگە قاراعاندا، بيىل جۇڭچيۋ مەرەكەسى، مەملەكەت مەرەكەسى دەمالىسىندا جول قاتىناس حاۋىپسىزدىگىندە نەگىزىنەن مىناداي كورنەكتى حاۋىپ-قاتەرلەر بولۋى مۇمكىن: ساياحاتقا شىعۋ قاجەتى ارتىپ، تاس جول جولاۋشى تاسىمالى، ساياحات جولاۋشى تاسىمالى، ٴوز كولىگىمەن ٴجۇرۋ قاتىناس حاۋىپسىزدىگى قاتەرى كورنەكتى بولادى. بيىل قوس مەركە دەمالىسىندا جوعارى قارقىندى تاس جولدا شاعىن جولاۋشىلار اۆتوموبيلىن اقىسىز قاتىناتۋ ساياساتى جالعاستى اتقارىلعاندىقتان، جوعارى قارقىندى تاس جول تورابىندا كەڭ كولەمدى، ۇزاق ۋاقىتتىق قاتىناس كەپتەلىسى جارىققا شىعىپ، قاتىناس شىرعالاڭى وڭاي تۋىلۋى مۇمكىن.
قوعام حاۋىپسىزدىگى مينيسترلىگى قاتىناس باسقارۋ مەكەمەسى شىرعالاڭنان ساقتانۋ جانە ونى ٴبىر جاقتى ەتۋگە جەتەكشىلىك ەتۋ باسقارماسىنىڭ باستىعى لي جى بىلاي دەدى:
جاقىنعى 5 جىلداعى مەملەكەت مەرەكەسى دەمالىسىنىڭ ساپار زاڭدىلىعىنان قاراعاندا، قالادان شىعۋدىڭ ەڭ جوعارى شەگى ادەتتە دەمالىستان ٴبىر كۇن بۇرىن جانە دەمالىستىڭ ٴبىرىنشى كۇنى بولادى، بيىل 9-ايدىڭ 28-كۇنى جانە 29-كۇنى، ۋاقىت جاعىنان ايتقاندا، تاڭەرتەڭگى ساعات 8 دەن 12 گە دەيىن بولادى. ساپاردان قايتۋدىڭ قاۋىرت مەزگىلى ادەتتە دەمالىستىڭ سوڭعى ەكى كۇنى، بيىل 10-ايدىڭ 5-كۇنى جانە 6-كۇنى، قاۋىرت مەزگىل تۇستەن كەيىنگى ساعات 2 دەن تۇستەن كەيىنگى ساعات 6 عا دەيىن بولادى.
قوعام حاۋىپسىزدىگى مينيسترلىگى قاتىناس باسقارۋ مەكەمەسى بارشا شوفەرلەرگە مىنانى ەسكەرتەدى: دەمالىس كەزىندە ۇزاق جول جۇرگەندە دەمالىستى ۇيلەسىمدى ورنالاستىرىپ، ٴۇرتىس كولىك جۇرگىزۋ ۋاقىتىن 4 ساعاتتان اسىرماۋى، ٴار رەتكى كولىكتى توقتاتىپ دەمالۋ ۋاقىتى 20 مينۋتتان از بولماعانى ٴجون. تۇندە ۇزاق ۋاقىت كولىك جۇرگىزگەندە، ەكى ادام كەزەكپەن ايداپ، الما كەزەك دەمالىپ، ٴار ادامنىڭ كولىك جۇرگىزۋ ۋاقىتى 2 دە 4 ساعات ارالىعىندا بولعانى ٴجون.
监审：库兰别克
