ཧོ་མོའུ་པའོ་དང་དབྱང་ཝུའུ་གཉིས་ཞིང་ཆེན་རྩིས་བཤེར་ཐིང་དུ་སོང་ནས་བྱ་བར་འབྲེལ་མཐུད་བྱས།
ཟླ11པའི་ཚེས11ཉིན། ཁུལ་ཨུའི་ཧྲུའུ་ཅི་ཧོ་མོའུ་པའོ་དང་ཁུལ་ཨུའི་ཧྲུའུ་ཅི་གཞོན་པའམ་ཁུལ་དཔོན་དབྱང་ཝུའུ་གཉིས་ཞིང་ཆེན་རྩིས་བཤེར་ཐིང་དུ་སོང་ནས་བྱ་བར་འབྲེལ་མཐུད་བྱས་པར་མ་ཟད་བཞུགས་མོལ་སྤེལ་རེས་བྱས། ཞིང་ཆེན་རྩིས་བཤེར་ཐིང་གི་ཏང་ཙུའུ་ཧྲུའུ་ཅིའམ་ཐིང་ཀྲང་ཧའོ་ཝུན་ཅེ་ཡིས་བཞུགས་མོལ་གྲོས་ཚོགས་ལ་མགོ་འཛིན་བྱས། ཏང་ཙུའུ་ཁོངས་མིའམ་ཐིང་ཀྲང་གཞོན་པ་ཀྲང་ཕིང་ཕིང་དང་ཏང་ཙུའུ་ཁོངས་མིའམ་ཐིང་ཀྲང་གཞོན་པ་ཏུའུ་མེང་ཧྲི། ཞིང་ཆེན་དཔལ་འབྱོར་འགན་ལེན་རྩིས་བཤེར་བྱ་བའི་མཉམ་འབྲེལ་ཚོགས་འདུའི་གཞུང་སྒྲུབ་ཁང་གི་ཀྲུའུ་རེན་ཝུའུ་ཀིན་ཡོན་བཅས་གྲོས་ཚོགས་སུ་ཞུགས།
ཧོ་མོའུ་པའོ་ཡིས་ཞིང་ཆེན་རྩིས་བཤེར་ཐིང་གིས་སྔར་བཞིན་ཀན་ལྷོའི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་ཐུགས་ཁུར་དང་རྩིས་བཤེར་ལས་སྒོའི་བྱ་བར་མཛུབ་ཁྲིད་བྱེད་ཤུགས་སྔར་བས་ཆེ་རུ་གཏོང་བ་དང་། གོང་ནས་བཀོད་སྒྲིག་བྱས་ཏེ་ལས་ཐོག་སྦྱོང་བརྡར་བྱེད་པ་སོགས་ཀྱི་བྱེད་ཐབས་བརྒྱུད་ནས་ལས་བྱེད་པའི་དཔུང་ཁག་འཛུགས་སྐྱོང་ལ་ཤུགས་སྣོན་པ་བཅས་བྱས་ཏེ། ཀན་ལྷོའི་རྩིས་བཤེར་གྱི་སྤུས་ཚད་རྒྱུན་མཐུད་ངང་ཇེ་མཐོར་གཏོང་བ་དང་རྩིས་བཤེར་གྱི་གྲུབ་འབྲས་བེད་སྤྱོད་ནུས་ལྡན་བྱེད་པ། རྩིས་བཤེར་གྱི་ནུས་པ་འདོན་སྤེལ་ནུས་ལྡན་བཅས་བྱ་རྒྱུར་སྐུལ་འདེད་གཏོང་བའི་རེ་བ་ཡོད་པ་དང་། རྗེས་ཕྱོགས་ང་ཚོས་རིགས་་སོ་སོའི་རྩིས་བཤེར་དག་ཐེར་བྱ་བ་ནན་ཏན་གྱིས་ལེགས་པོར་བསྒྲུབ་སྟེ་སྤུས་ཚད་མཐོ་བའི་རྩིས་བཤེར་ལ་བརྟེན་ནས་སྤུས་ཚད་མཐོ་བའི་འཕེལ་རྒྱས་འགན་ལེན་བྱ་རྒྱུ་ཡིན་ཞེས་ནན་གྱིས་བསྟན།
དབྱང་ཝུའུ་ཡིས་ཀན་ལྷོ་ཁུལ་གྱི་རྩིས་བཤེར་བྱ་བའི་གནས་ཚུལ་སྙན་ཞུ་ཕུལ་བ་དང་འབྲེལ་རྩིས་བཤེར་མི་སྣ་གསོ་སྦྱོང་དང་ལག་རྩལ་རྒྱབ་སྐྱོར་སོགས་ཀྱི་དོན་ཚན་ཁག་ཞིང་ཆེན་རྩིས་བཤེར་ཐིང་ལ་འབྲེལ་མཐུད་སྙན་ཞུ་བྱས།
ཧའོ་ཝུན་ཅེ་ཡིས་ཀན་ལྷོ་ཁུལ་གྱིས་རྩིས་བཤེར་དོ་དམ་སྒྲིག་སྲོལ་སྒྱུར་བཅོས་ལ་སྔར་བས་སྐུལ་འདེད་གཏོང་བ་དང་རྩིས་བཤེར་ལས་ཤེས་རྟོགས་བྱུང་བའི་གནད་དོན་དག་ཐེར་བྱེད་ཤུགས་སྔར་བས་ཆེ་རུ་གཏོང་བ། རྩིས་བཤེར་ལས་བྱེད་པར་ཐུགས་ཁུར་དང་གཅེས་སྐྱོང་བྱ་བའི་ཐད་སྔར་བས་ཤུགས་སྣོན་པ་བཅས་བྱ་རྒྱུའི་རེ་བ་ཡོད་ཅེས་བསྟན།
ཁུལ་ཨུའི་རྒྱུན་ཨུའམ་རྒྱུན་ལས་ཁུལ་དཔོན་གཞོན་པ་དབྱང་ཀོང་ལུང་དང་ཁུལ་ཨུའི་རྒྱུན་ཨུའམ་ཁུལ་ཨུའི་དྲུང་ཡིག་ཆེན་མོ་ཝང་གོ་ཅུན། དེ་མིན་ཁུལ་ཐད་གཏོགས་འབྲེལ་ཡོད་སྡེ་ཁག་གི་འགན་འཁུར་བ་གཙོ་བོ་བཅས་གྲོས་ཚོགས་སུ་ཞུགས།།
ལོ་ཙཱ་བ། འབུམ་མཚོ་རྒྱལ།
རྩོམ་སྒྲིག་པ། ཚེ་རིང་རྣམ་རྒྱལ།
རྩོམ་སྒྲིག་འགན་འཁུར་པ། སངས་རྒྱས་སྐྱབས།
ཞུ་དག་པ། རྡོ་རྗེ་ཚེ་རིང་།
ལྟ་སྐུལ་བ། ལི་པའེ་ཡུན། གཡུང་དྲུང་སྐྱབས།
