རྨ་ཆུ་རྫོང་གིས2024ལོའི་དགུན་དུས་ཀྱི་སྐོར་སྐྱོད་ལས་ཞུགས་གདན་ཞུའི་བྱེད་སྒོ་སྤེལ།
ཏང་གི་ཚོགས་ཆེན་ཐེངས་ཉི་ཤུ་པའི་དགོངས་དོན་ཁྱོན་ཡོངས་ནས་ལག་ལེན་མཐར་ཕྱིན་དང་། ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་ལས་ཞུགས་ཀྱི་ཐབས་ཇུས་དང་བཀོད་སྒྲིག་དོན་འཁྱོལ། ཤར་ནུབ་རོགས་ལས་བྱེད་ཤུགས་ཇེ་ཆེར་བཏང་ནས་ལས་ཞུགས་བྱ་བར་སྐུལ་འདེད་གཏོང་ཆེད། ཟླ11ཚེས19ཉིན། ཐེན་ཅིན་གྲོང་ཁྱེར་ཧུ་པེ་ས་ཁུལ་མི་དོན་དང་སྤྱི་ཚོགས་འགན་སྲུང་ཅུས་དང་། རྨ་ཆུ་རྫོང་མི་དོན་དང་སྤྱི་ཚོགས་འགན་སྲུང་ཅུས་ཀྱིས་མཉམ་འབྲེལ་གྱིས་རྨ་ཆུ་རྫོང་གི2024ལོའི་གྲོང་ཁྱེར་ཆེ་འབྲིང་དང་མཉམ་འབྲེལ་གྱི་མཐོ་རིམ་སློབ་གྲྭའི་མཐར་ཕྱིན་སློབ་མ་ལས་ཞུགས་ཀྱི་ཆེད་དོན་བྱེད་སྒོ་དང་ཤར་ནུབ་རོགས་ལས་ཀྱི་སྐོར་སྐྱོད་ལས་ཞུགས་གདན་ཞུའི་བྱེད་སྒོ་རྨ་ཆུ་རྫོང་དུ་སྤེལ།
བྱེད་སྒོའི་ཐོག ལས་གནས་ཆ་འཕྲིན་དང་སྲིད་ཇུས་འགྲེལ་བཤད། ཐད་གཏོང་སྣེ་ཁྲིད་ལས་གནས་བཙུགས་ཏེ། མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཅུས་ཀྱི་བྱ་བྱེད་མི་སྣས་ལས་ཀ་འཚོལ་མཁན་ལ་སྲིད་ཇུས་དྲིལ་བསྒྲགས་ཡིག་ཆ་བཀྲམས་ཏེ་འབྲེལ་ཡོད་ཞབས་ཞུ་མཁོ་འདོན་བྱས།
ཐེངས་འདིར་རྨ་ཆུ་རྫོང་ཕྱི་ནང་གི་ཁེ་ལས20ཡིས་ལས་གནས300ལྷག་མཁོ་འདོན་བྱས་ཡོད་པ་དང་། ཡུལ་དངོས་ནས་དྲིལ་བསྒྲགས་ཡིག་ཆ་ཚར300ལྷག་དང་དྲིལ་བསྒྲགས་དངོས་རྫས300ལྷག་བཀྲམས་ཏེ། མི130ལྷག་གིས་རང་ཉིད་ཀྱི་འདོད་བློ་དང་མཚམས་པའི་ལས་གནས་རེག་པ་རེད། །
གསར་འགོད་པ། རྟ་མགྲིན་རྡོ་རྗེ།（རྨ་ཆུའི་སྨྱན་སྦྱོར།）
