2025ལོའི་དུས་ཆེན་དང་གུང་གསེང་ཁག་གཅིག་གི་ངལ་གསོ་བཀོད་སྒྲིག་སྐོར་གྱི་རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་གི་བརྡ་ཐོ།
ཞིང་ཆེན་དང་། རང་སྐྱོང་ལྗོངས། ཐད་སྐྱོང་གྲོང་ཁྱེར་ཁག་གི་མི་དམངས་སྲིད་གཞུང་དང་། རྒྱལ་སྲིད་སྤྱི་ཁྱབ་ཁང་གི་པུའུ་ཨུད་ཁག་དང་ཐད་གཏོགས་ལས་ཁུངས་ཁག་ལ།
གནམ་ལོ་གསར་ཚེས། ཟླ1ཚེས1ཉིན（གཟའ་ལྷག་པ）ངལ་གསོ་ཉིན1འཇོག་རྒྱུ།
དཔྱིད་གསར་དུས་ཆེན། ཟླ1ཚེས28ཉིན（ལུགས་རྙིང་ལོའི་གནམ་གང་དང་གཟའ་མིག་དམར）ནས་ཟླ2ཚེས4ཉིན（ལུགས་རྙིང་ལོའི་ཟླ་དང་པོའི་ཚེས7དང་གཟའ་མིག་དམར）བར་ངལ་གསོ་ཉིན8འཇོག་རྒྱུ། ཟླ1ཚེས26ཉིན（གཟའ་ཉི་མ）དང་ཟླ2ཚེས8ཉིན（གཟའ་སྤེན་པ）ལས་ཀར་ཡོང་རྒྱུ།
དྭངས་གསལ་དུས་ཚིགས། ཟླ4ཚེས4ཉིན（གཟའ་པ་སངས）ནས་ཚེས6ཉིན（གཟའ་ཉི་མ）བར་ངལ་གསོ་ཉིན་3འཇོག་རྒྱུ།
ངལ་རྩོལ་དུས་ཆེན། ཟླ5ཚེས1ཉིན（གཟའ་ཕུར་བུ）ནས་ཚེས5ཉིན（གཟའ་ཟླ་བ）བར་ངལ་གསོ་ཉིན་5འཇོག་རྒྱུ། ཟླ4ཚེས27ཉིན（གཟའ་ཉི་མ）ལས་ཀར་ཡོང་རྒྱུ།
ལྔ་པའི་ཚེས་ལྔའི་དུས་ཆེན། ཟླ5ཚེས31ཉིན（གཟའ་སྤེན་པ）ནས་ཟླ6ཚེས2ཉིན（གཟའ་ཟླ་བ）བར་ངལ་གསོ་ཉིན3འཇོག་རྒྱུ།
རྒྱལ་སྟོན་དང་ཟླ་མཆོད་དུས་ཆེན། ཟླ10ཚེས1ཉིན（གཟའ་ལྷག་པ）ནས་ཚེས8ཉིན（གཟའ་ལྷག་པ）བར་ངལ་གསོ་ཉིན8འཇོག་རྒྱུ་དང་། ཟླ9ཚེས28ཉིན（གཟའ་ཉི་མ）དང་ཟླ10ཚེས11ཉིན（གཟའ་སྤེན་པ）ལས་ཀར་ཡོང་རྒྱུ།
དུས་ཆེན་དང་གུང་གསེང་རིང་། ས་ཁུལ་དང་སྡེ་ཚན་ཁག་གིས་སྡོད་བྱ་དང་དེ་བཞིན་བདེ་འཇགས་དང་། བདེ་སྲུང་། རིམས་འགོག་སོགས་ཀྱི་ལས་དོན་བཀོད་སྒྲིག་ཡག་པོ་བྱེད་དགོས་པ་དང་། གལ་ཏེ་ཐོལ་བྱུང་དོན་རྐྱེན་ཆེན་པོ་ཐོན་ཕྱིན་དུས་ཐོག་ཏུ་སྙན་སེང་ཞུ་དགོས་པ་མ་ཟད་ཐག་གཅོད་འོས་འཚམ་བྱས་ནས་མི་དམངས་མང་ཚོགས་བཀྲ་ཤིས་ལ་བདེ་འཇགས་ལྡན་པའི་དུས་ཆེན་དང་གུང་གསེང་གཏོང་རྒྱུ་ཡོང་བའི་འགན་ལེན་བྱེད་དགོས།
རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་གིས།
2024ལོའི་ཟླ11ཚེས12ཉིན།
