གུས་པར་འོས་པའི་དབུ་འཁྲིད་རྣམས་པ་དང་བརྩེ་བའི་རྒན་ལགས་རྣམས་པ།  སྙིང་ཉེ་བའི་སློབ་ཕྲུག་རྣམས་པ།    དེ་བཞིན་འདིར་ཕེབས་པའི་སྐུ་མགྲོན་རྣམས་པ་ལྷན་རྒྱས་སྐུ་ཁམས་བཟང་། 

ཟླ་དྲུག་པ།

  ཟླ་དྲུག་པ་ནི་མཛེས་སྡུག་གིས་ཕྱུག་པའི་ནམ་དུས་ཤིག་རེད། སྔོ་སངས་ནམ་མཁའི་དཀྱིལ་འཁོར་གྱི་དབུས་སུ་ཉི་འོད་རབ་ཏུ་གསལ་ཞིང་ཆུ་འཛིན་དཀར་པོའི་འདབ་མས་ཕྱོགས་ཕྱོགས་སུ་ཚོམ་བུར་བཀོད་པའི་མཛེས་པ་མིག་མདུན་དུ་མངོན་གྱིན་ཡོད། །  གང་སར་གཡུ་ལོ་འཐག་སུ་བཀྲ་བའི་ལྗོན་པའི་འདབ་ལག་（ཡང་）ལྷུག་པོར་རྒྱས་ཡོད་ཅིང་མེ་ཏོག་ཕྲ་ཚོམ་སྤང་ཐང་གི་མཛེས་པར་འགྱུར་བ་སྐྱེ་འགྲོ་ཀུན་གྱི་མཐོང་ཆོས་སུ་འགྱུར་ཡོད། །

ཟླ་དྲུག་པ།

 ཟླ་དྲུག་པ་ནི་ཞིང་འབྲོག་པས་ཡུན་རིང་རེ་སྒུག་བྱེད་སའི་ནམ་དུས་ཤིག་ཀྱང་རེད།

  ཟླ་འདིར་དྭངས་གཙང་ཆུ་མོ་ཡན་ལག་རྒྱས་ལྡན་རི་སུལ་ཀུན་ནས་འབབ་ཤིང་ཡངས་ཤིང་རྒྱ་ཆེ་བའི་གསིང་མའི་ངོས་སུ་རྩ་རྩི་ཏོག་སྔོ་སྨན་རིགས་འདྲ་མིན་སྣ་ཚོགས་（པ་）དང་ཞིང་ནང་གི་འབྲུ་རིགས་སྣ་སྔ་སྐྱེ་འགོ་ཚུགས་པའི་བཀྲ་ཤིས་དུས་བཟང་ཤིག་རེད་ལགས། 

ཟླ་དྲུག་པ།

  ཡང་ཟླ་དྲུག་པ་ནི་ན་ཆུང་བྱིས་པས་ཉིན་མཚན་གཏོལ་མེད་ངག་ནས་གླེང་བའི་ནམ་དུས་ཤིག་རེད། །

   མདོར་ན་ཟླ་དྲུག་པ་ནི་ཞིང་གྲོང་ཁུ་བྱུག་བུ་མོས་གསུངས་སྙན་སྒྲོག་པའི་དུས་བཟང་རེད་ལ་རྩ་ཐང་བྱེེའུ་ཅོ་ཀས་གཤོག་འགྱུར་ངོམས་པའི་དུས་བཟང་ཡང་རེད། ། ལྷག་དོན་ཟླ་དྲུག་པ་ནི་ན་ཆུང་བྱིས་པ་ཚོས་དགའ་ཤོས་བྱེད་པའི་ནམ་དུས་ཤིག་ཀྱང་རེད། ། ། 

ཉེ་འཆར་དུས་ཀྱི་མཛེས་པ་སྤང་ནས་འཁྲུངས་བཞིན་ཡོད། ། 

ཁུ་བྱུག་མོན་ནས་ཕེབས་ཏེ་འབྱུང་བའི་རྩ་བཅུད་འཕེལ། ། 

ཨ་སྔོན་འབྲུག་སྒྲས་ས་འོག་འབུ་སྲིན་གཉིད་ལས་སླང། ། 

ཞིང་འབྲོག་ཕོ་མོ་དགའ་བའི་གླུ་དབྱངས་ལེན་བཞིན་མཆིས། ། 

ཆུ་གཞུང་གསིང་མར་མེ་ཏོག་འདབ་རྒྱ་ཡོངས་སུ་བཞད། ། 

དུས་ཀྱི་མཛེས་པ་སྤང་ནས་འཁྲུངས་པའི་དུས་བཟང་ལ། ། 

བི་སས་（ཁ་སྐད་）ཉིན་སྒུག་མཚན་སྒུག་བྱེད་པའི་དུས་ཆེན་ཏེ། ། 

   བཀྲ་ཤིས་དྲུག་གཅིག་བྱིས་པའི་དུས་ཆེན་ངང་གིས་འཆར། ། 

   དེ་རིང་ང་ཚོ་མཉམ་འཛོམས་བྱས་ཏེ་ན་ཆུང་བྱིས་པར་དབང་བའི་དུས་ཆེན་སྟེ་སྐབས་74པའི་རྒྱལ་སྤྱིའི་དྲུག་གཅིག་བྱིས་པའི་དུས་ཆེན་ལ་རྟེན་འབྲེལ་ཞུ་ཡས་ཡིན། 

    ཤར་དཀའ་བ་དང་བརྗེད་དཀའ་བའི་དྲུག་གཅིག་གྱི་རྟེན་འབྲེལ་ཉིན་མོར་ངས་XXཤང་སློབ་ཆུང་གི་ཚབ་ཞུས་ནས་སྤྲོ་སེམས་འཁོལ་པོས་རང་སློབ་གྲྭའི་ན་ཆུང་བྱིས་པ་ཚང་མར་དུས་ཆེན་ལ་བཀྲ་ཤིས་བདེ་ལེགས་ཞུ། ། 

  སློབ་ཕྲུག་ཚོ། ཁྱེད་ཚོ་ནི་མེས་རྒྱལ་གྱི་འབྱུང་འགྱུར་དང་མི་རིགས་ཀྱི་རེ་བ་ཡིན། ཁྱེད་ཚོ་ནི་རེ་བས་ཁེངས་པའི་དུས་རབས་འདི་ལ་ལང་ཚོའི་ཁོ་ལག་（རྒྱས་ཀྱིན་རྒྱས་ཀྱིན་）ཡོད་ལ་འགྲན་རྩོད་ཆེ་བའི་དུས་རབས་ཤིག་ཏུ་ཤེས་བྱར་སྦྱང་བརྩོན་（བྱེད་བཞིན་བྱེད་བཞིན་）མཆིས། ། དུས་རབས་འདིའི་ནང་ཁྱེད་ཚོར་གདམ་ག་དང་འགྲན་རྩོད་མང་པོ་འཕྲད་ངེས་ཡིན།། འོན་ཀྱང་ཁྱེད་ཚོས་བྱ་དངོས་གང་ལའང་ཡ་མཚན་དང་དོ་སྣང་བྱེད་དགོས་པ་མ་ཟད་ད་དུང་བློ་ཁོག་ཆེན་པོས་འཚོལ་ཞིབ་དང་ཚོད་ལྟ་（བྱེད་ཀྱིན་བྱེད་ཀྱིན་）  ཕྱིས་སུ་རང་ཉིད་བློ་ལྡན་གྱི་སྐྱེ་བོ་ཞིག་ཏུ་འགྱུར་ཐུབ་པའི་རེ་བ་རྡོ་ལ་རི་མོ་བཀོད་པ་（ཇི་བཞིན་）སེམས་གཏིང་དུ་ཉར་དགོས། 

དེ་རིང་བཀྲིས་ཉིན་མོར་ངས་ཁྱོད་ཚོར་སྐད་ཆ་འགའ་བཤད་ཀྱི་ཡིན། ། 

  ཐོག་མར།    ངའི་རེ་བར་ཁྱོད་ཚོས་ནམ་རྒྱུན་གཏན་དུ་དུས་ཚོད་ལ་གཅེས་འཛིན་བྱས་ཏེ་ཤེས་བྱ་རིག་པའི་གནས་ལ་ལྷོད་པ་མེད་པའི་འབད་བརྩོན་་་  གནང་དགོས། །      གང་ཡིན་ཟེར་ན་ （རང་）སློབ་སྦྱོང་ཧུར་ཐག་བྱས་ན་（རང་）སློབ་གྲྭར་ཡོང་བའི་དགོས་དོན་སྒྲུབ་པ་རེད། །  

      མ་གཞི་བྱས་ན་རོལ་རྩེད་དང་བརྙན་འཕྲིན་ལ་སོགས་ཚང་མ་སློབ་གྲྭའི་འཚོ་བའི་ཆ་ཤས་ཡིན་རུང་གལ་ཆེ་ཤོས་དེ་ནི་སློབ་སྦྱོང་བྱེད་རྒྱུ་དེ་རེད་ལ་     འགངས་ཆེ་ཤོས་ནང་གི་ཆེ་ཤོས་ནི་མ་འོངས་པའི་མདུན་ལམ་རེད། །   དེར་བརྟེན་ད་ལྟ་ཕ་མ་སྤུན་མཆེད་དགའ་པོ། མགུ་པོ་ཡོང་ཆེད་ཙམ་མིན་པར་སླད་ཕྱིན་ཆད་ཕྱོགས་གང་ཅིའི་ཐོག་ཡག་ཐོག་ཡག་བརྩེགས་ཡོང་ཆེད་སློབ་སྦྱང་སྦྱང་འབྲས་ཐད་ལ་རྩོད་ལེན་བྱེད་དགོས། །  

     དེ་མིན།   ངའི་རེ་བར་ཁྱེད་ཚོས་ཕ་མ་དང་དགེ་རྒན་མེས་རྒྱལ་བཅས་རྩ་བའི་བརྩེ་ལ་བཀུར་ཏེ་བཀའ་དྲིན་ལ་བསམ་ཤེས་བྱེད་དགོས་པ་གང་ཞིག་ལ་ཕ་མ་དགེ་རྒན་གྱི་བཀའ་ལ་བརྩི་སྲུང་བྱེད་པ་ལས་ཁོང་རྣམས་པའི་ཐུགས་རེ་ཆུད་གཟོས་སུ་བཏང་མི་ཉན། ། 

    མཇུག་མཐར། ཁྱེད་ཚོས་འབྱུང་འགྱུར་རང་ཉིད་ཀྱི་ཕུགས་བསམ་མ་བརྗེད་སེམས་ལ་བརྟན་པོར་ངེས་ཏེ་རང་ཕྱིས་སུ་མི་གང་འདྲ་ཞིག་བྱེད་བསམ་པ་་་   དང་། །      རང་ཉིད་འཚོ་བ་གང་འདྲ་ཞིག་སྐྱེལ་བསམ་པ་བཅས་གནད་དོན་གཉིས་ལ་བསམ་གཞིགས་ཡང་ཡང་བྱས་ཏེ་གང་ས་སྤྱི་ཐད་ནས་འབད་་་ བརྩོན་ཧུར་ཐག་བྱས་ཏེ་མ་འོངས་མི་ཚེའི་ནང་ནོངས་འགྱོད་མི་ཡོང་བ་བྱེད་་་དགོས། ། 

   སློབ་གྲོགས་ཚོ། སློབ་གྲྭའི་ནང་དུ་ང་ཚོ་དགེ་སློབ་ལག་གདང་དཔུང་གདང་སྦྲེལ་ནས་མི་ཚེའི་མདུན་ལམ་འཚོལ་དགོས། ། 

གཅེས་ཕྲུག་ཚོ། སློབ་གྲྭའི་ནང་དུ་ང་ཚོ་དགེ་སློབ་ཁ་ཞེ་མཐུན་ནས་མ་འོངས་ཀྱི་རེ་བ་འཚོལ་དགོས། ། 

   ཨོ་ལོ་སླབ་གྲགས་（ཁ་སྐད་）ཚོ།      སློབ་གྲྭའི་ནང་དུ་ང་ཚོ་དགེ་སློབ་（དམིགས་རེ་གཅིག་ལ་འཛིན་ནས）་མ་འོངས་མེས་རྒྱལ་ལ་ཞབས་འདེགས་དང་བོད་གསར་འཛུགས་སྐྲུན་བྱེད་དགོས། ། 

ལྷན་རྒྱས་དྲུག་གཅིག་ལ་བཀྲ་ཤིས་བདེ་ལེགས། ། （站起来大声祝福）

ཚང་མ་ཐུགས་རྗེ་ཆེ།（鞠躬）