ابايدىڭ كەلىنى جاۋلىق سالماعان ابايدىڭ سەميا تاربيەسى
ابايدىڭ كەلىنى كاماليانىڭ ەستەلىگىنەن
اباي جايلى ۇلدارىنىڭ، اقىندىق مەكتەبى شاكىرتەرىنىڭ ايتقانى وقىرمان نازارىنا ۇسىنىلىپ ءجۇردى. حاكىم جايىندا 1992-جىلى «اباي» جۋرنالىنىڭ 4-سانىندا جاريالانعان كەلىنى كامالييانىڭ ەستەلىگىن نازارلارىڭىزعا ۇسىنامىز.
مەن ابايدىڭ كەنجە ءىنىسى وسپاننىڭ ۇيىنە، ەركەجان بايبىشەنىڭ قولىنا كەلىن بولىپ ءتۇستىم. ول كەزدە 17جاستا ەدىم. ەركەجان بايبىشەنى اباي ايەلدىككە الىپ، ءىنىسىنىڭ ۇيىنە كىرگەن ەكەن. مەن اباي وتىرعان ۇيگە كەلىن بولىپ تۇسكەنىم ءۇشىن ءوزىمدى باقىتتى سانادىم. مەن قازاقتىڭ باسقا كەلىندەرىندەي قاناعادان قايىرىلا قاشاتىن، ەنەدەن ەڭكەيە قاشاتىن، جاسى ۇلكەنىڭ بارىنەن جاسقاناتىن، ەرتەدەن كەشكە دەيىن كەلىپ جاتقا قاريالاردىڭ بارلىعىنا تىزە بۇگىپ، سالام ەتەتىن كەلىن بولعام جوق.
مەن تۇسكەننەن كەيىن اكەم شاقىرىپ الىپ:«قاراعىم، قاماش، اتا-ەنەڭدى سيلاۋ، ۇلكەندى قادىرلەۋ بەتىڭدى جاۋىپ ۇيالىپ، تىزە بۇگىپ سالەم ەتىپ، جان بىتكەننەن جاسقانشاق بولۋدان باستالمايدى. الدىمەن مەنىڭ ءوز الدىمدا بەتىڭدى اش، سالەم ەتپەي-اق، وسى ءۇيدىڭ ىشىندە ءوزىڭنىڭ وڭ جاقتا جۇرگەنىڭدەي، قايمىقپاي جۇرە بەر. مىنا ەركەجان ەكەۋىمىزگە اتا-ەنە دەپ قاراماي، اكە-اپا دەپ قارا، مەنىڭ باسىمداعى جەلەگىمدى العىزدى. سول كۇننەن باستاپ مەن وڭ جاعىمداعىداي ەركىن جۇرەتىن بولدىم. ءبىزدىڭ اۋلدىڭ ۇلكەن-كىشىسى ابايدى اكە دەپ سانايدى ەكەن، سوندىقتان مەن دە اكە دەپ اتايتىن بولدىم.
تويشىبەك، بەيسەمبى دەيتىن اقساقالدار «اباي كەلىندەرىن بەتىمەن جىبەرىپتى، سالەم ەتپەيدى ەكەن» دەپ ءسوز قىلدى. ءبىر كۇنى سول تويشىبەك پەن بەيسەمبى كەلىپ ەدى، كانە مەنىڭ كەلىندەرىم تۋرالى نە دەپ جۇرسىڭدەر دەپ اكەم دۇرسە قويا بەردى. تويشىبەك تە، بەيسەمبى دە ۇندەي الماي قالدى.«وزدەرىڭ مەنىڭ ۇيىمە كەلىن بولىپ تۇسسەڭدەر مي قايناعان ىستىقتا كيمەشەك شارشىنىڭ سىرتىنان قالىڭ جىبەك شالى جاۋىپ، بەتتەرىڭدى اشپاي ەرتەدەن قارا كەشكە دەيىن كەلىپ جاتقان ەلگە سالەم ىستەتىپ قويسام قايتەر ەدىڭدەر؟ كەلىن ءوزىڭنىڭ بالاڭنىڭ جان جولداسى ەمەس پە؟! ونىڭ بالاڭنان قانشا وزگەشەلىگى بار»،-دەپ ۇيالتتى.
اكەمنىڭ كيىمدەرىن مەن تىگەتىن ەدىم. جاڭا كيىم تىگىپ جاتقانىمىزدا قاسىمىزعا كەلىپ .......
اڭگىمەنىڭ جالعاسىن استىڭعى 阅读原文دەگەن جازۋدى باسىپ وقىڭىز
