بوتەن قوشقار قىزىقتى اڭگىمە

بوتەن قوشقار قىزىقتى اڭگىمە

( " اق ساماۋرىن" كىتابىنان) 

قايبىر جىلى تامىلجىعان تامىزدا ءبىزدىڭ ۇيدە ءبىر  ۇلكەن توي بولدى.  ول كەزدە بۇگىنگىدەي  قاپتاعان مەيرامحانا جوق،  توي ءوزىمىزدىڭ باۋ- باقشادا وتەتىن.  سول  كۇنى كەشقۇرىم تويدىڭ قامىمەن ءجۇرىپ،  ءىنىم ورىستەن كەلگەن مالدى اسىعىس قوراعا قاماي سالعان عوي.  ءبىزدىڭ قويلاردىڭ ىشىندە ءبىر  بوتەن قوشقاردىڭ دا « قامالىپ»  كەتكەنىن بايقاماي قالىپتى.  

سودان« بوتەن مال بار ما؟» دەگەندەرگە ءبارىمىز ءبىراۋىزدان « جوق»دەيمىز.ەسىكتىڭ الدى ابىر- سابىر ادام بولعاندىقتان شىعار مال يەسى جاقىنىراق كەلىپ قورانى كورۋگە  باتپاعان.  سودان  اۋىلدى ەكى مارتە  اداقتاپ شىققان سوڭ،  قوشقار يەسى امال جوق، سول  كۇنى قوي باققان ۇيگە  بارادى.  ول بالاسىن جىبەرىپ،  كۇندىز قوي جايعان ساي- سالانىڭ ءبارىن ارالاپ شىققان قوشقار جوق.  « ءيتتىڭ  بالاسى،  قويعا دۇرىستاپ باس-كوز بولماعانسىڭ، جۇرتتىڭ مالىن جوعالتتىڭ، ەندى قۇنىن تولەيتىن بولدىق»  دەپ اكەسى بالاسىن اشۋمەن تاياقپەن  جىبەرىپ ۇرعان با؟ وعان قوشقار يەسى اراشا تۇسەدى.  « مال اشۋى- جان اشۋى»  دەگەن،  مۇنداي جاعداي ەكى جاققا دا وڭاي ما ەندى. ايتەۋىر، سول  كۇنى قوشقار  تابىلماي، « نە بولسا دا ەرتەڭ  كورەيىك» دەگەنمەن تاراسادى ەكى جاق.  ءبىرجەڭگەمىزدىڭ قولىنا قالام- قاعاز بەرىپ،تويعا تۇسكەن مال باسىن،  باسقا دا تارتۋلاردى ءتۇرتىپ ءجۇرۋ تاپسىرىلعان بولاتىن.  توي ءبىتتى. تاڭەرتەڭ  مالدى  ورىسكە جىبەرەردە ءىنىم بوتەن قويلاردىڭ  ءبارىن الىپ قالادى دا،  قالعاندارىن قورادان شىعار ىپ جىبەرەدى.  الگى قوشقار قورادا قالعان.  تۇسكە جاقىن سوڭعى قوناقتار قايتىپ،  ادام اياعى  باسىلعان سوڭ  جەڭگەمىز « ەسەپ» بەرەدى.  داپتەردە ءتورت قوي.  قورادا بەس قوي.  « بۇل قالاي بولدى؟»  دەپ ءبارىمىز اڭ-تاڭبىز.  « قايسىسىن جازباي قالدىم ەكەن؟»  دەپ جەڭگەمىز دە ايران- اسىر.  

« مىنا قويدى بولە اكەلدى،  اناۋسىن جيەن  اكەلدى…»  دەپ جەڭگەمىز قويلاردى تۇستەپ شىقتى دا،ء بىراق الگى قوشقاردى جىعا تاني المادى. تەك « وسى ناعاشى اقاب تار قاراڭعىدا  كولىكتەن بىر نارسە ءتۇسىرىپ جاتقان سياقتى ەدى،  سولار ما ەكەن قوشقاردى اكەلگەن…»  دەپ اڭتارىلىپ تۇرىپ قالدى.  

وسى كەزدە اجەم ءسوز  باستادى.  

« اينالايىن،  اقاب-اي،  « جالعىز باۋىرىم  عوي»  دەپ قويدى الىپ كەلگەن سول… اينالايىن  - اي…»  دەپ وزىنەن- ءوزى ەمىرەنىپ كەتسىن.  « وي،  اجە،  قىزىقسىز…  اقاب قالاي قوي الىپ كەلەدى؟  وسىدان ءبىر  اپتا  بۇرىن تويعا دەپ ءبىر  جىلقى اكەپ تاستاعان جوق  پا؟»  دەيمىز  ءبىز.  اقاب — اجەمنىڭ  تۋعان ءىنىسى.  ءبىر جىلقىنىڭ قاسىنا ءبىر  قويدى قوساقتاپ الىپ كەلگەنىن  ەش تۇسىنە الار ەمەسپىز. « قويدى الىپ كەلگەن سول،  باسقا كىم بولادى؟  جىلقىنى الدىن الا بەرىپ جىبەرىپ،  ەندى كەشە تاعى ءبىر قوي اكەلەيىن  دەگەن عوي…»  دەپ اجەم دە قويمايدى.  سونىمەن نە كەرەك،  ۇيدەگى قالىڭ داپتەردى قايتادان اشىپ « اقاب ءبىر  جىلقى»  دەگەننىڭ قاسىنا « ءبىر  قوشقار»  دەگەندى تاعى قوسىپ قويدىق.  

اتامنىڭ كوزى تىرىسىندە ارالاس- قۇرالاس بولعان ءبىر  دوسى بار ەدى. ءبىراز جىلدار ارالاسپاي قالىپ،  سول  دوسى وسى تويعا كەلگەن بولاتىن.  

اجەم:  « قانشاما جىلدان كەيىن ءبىرىنشى مارتە كەلىپ وتىر،  ۇيات  بولار،  ماشينەسىنە ءبىر  قوي سالىپ جىبەرىڭدەر»،  دەدى.  ايتتى، ءبىتتى. 

ءىنىم قوراعا سەكىرىپ  تۇسەدى.  تاعى كوزى بىردەن الگى قوشقارعا تۇسكەن عوي.ءبىراق جانۋار ........

اڭگىمەنىڭ جالعاسىن استىڭعى 阅读原文دەگەن جازۋدى باسىپ وقىڭىز