༡༩༩༥ལོ་འདིའི་ལོ་སྟོད་དུ་སྒྱུ་འཕྲུལ་དྲྭ་བའི་བློས་བསླངས་ཀྱི་དཀྱིལ་འཁོར་མཐོང་གྲོལ་ཆེན་མོ་འདི་ཉིད་བཞེངས་པའི་དབུ་བརྩམས་པ་ཡིན་ལ། དེ་ཡང་ཆོས་ཀྱི་རྗེ་ཞང་དབོན་གཉིས་ཀྱིས་གསེར་ལྗོངས་བླ་རུང་གི་ནུབ་བྱང་མཚམས་ཀྱི་ས་གནད་ཕུན་སུམ་ཚོགས་པར། སྒྱུ་འཕྲུལ་དྲྭ་བ་ཆེན་པོའི་ལམ་གྱི་རིམ་པ་ཉམས་སུ་ལེན་པར་འདོད་པ་དག་གི་ཀུན་བརྟགས་བཅོས་མའི་བསྐྱེད་རིམ་གྱི་དམིགས་པ་གསལ་འདེབས་ཀྱི་རྟེན་དང་། སྐལ་བཟང་དད་ལྡན་རྣམས་ཀྱི་ཚོགས་གསོག་སྒྲིབ་སྦྱོང་གི་ཞིང་ས་བླ་ན་མེད་པའི་རྒྱུ་རྐྱེན་དམ་པར་དམིགས་ནས། གཞལ་ཡས་ཁང་གྲུ་བཞི་སྒོ་བཞི་པ། ཆོས་འཁོར་རི་དྭགས། ཡ་ཐོག་རྡོ་རྗེའི་ཕྱུར་བུ། ཕྱི་རིམ་དུར་ཁྲོད་རྡོ་ར། མེ་རི་དང་བཅས་པ་བླ་རུང་ཆོས་སྒར་ཆེན་མོའི་མཚོན་རྟགས་ལྟ་བུར་གྱུར་པ་འདི་ཉིད་རྗེ་བཙུན་མ་མཆོག་གིས་དམངས་སྒོར་ས་ཡ་མང་པོའི་འགྲོ་གྲོན་བཏང་སྟེ་གྲུབ་པ་ཞིག་ཡིན་ལ།
1995年的上半年，开始兴建大幻化网见解脱坛城。法王如意宝与门措空行母考虑到修持幻化网道次第的人，决心为他们打造一座明观生起次第的所依，同时成为有缘信众积资净障的无上福田，于是在喇荣西北方核心地段的山上兴建了这座坛城。它的中央是一座无量殿，四方各设一门，顶部装饰有法轮和仁兽，最顶端是金刚宝，外围有八大尸林、金刚圈和火山⋯⋯所有这些都是由门措空行母投入数百万人民币才得以建成的。随后，这座坛城似乎成了喇荣五明佛学院的象征性标志。
དཀྱིལ་འཁོར་རྟེན་བརྟེན་པ་དང་བཅས་པ་རྒྱུད་གསང་བ་སྙིང་པོའི་རྩ་འགྲེལ་རྣམས་དང་སྒྲུབ་དཀྱིལ་གྱི་གཞུང་དང་ཐིག་ཡིག་རྣམས་ལ་ཁུངས་གཏུགས་ཏེ་ཚད་དང་ལྡན་པར་བཟོ་སྐྲུན་གནང་ཡོད་པར་མ་ཟད།
坛城的所依和能依，是依据《密藏续》的根本颂与注释、修坛城的教轨、画像度量经而建成，完全符合标准，而且铸造的圣像都有如理如法的装藏。
ནང་རྟེན་འདག་སྐུ་རྣམས་ལ་གཟུངས་གཞུག་ཚད་ལྡན་ཕུལ་ཡོད་པ་སྨོས་མེད་ཐོག གཞལ་ཡས་ཁང་གི་རྩིག་པའི་གསེབ་ཏུ་ཆོས་རྗེ་ཡིད་བཞིན་ནོར་བུ་སྐུ་དངོས་ཀྱི་ཕྱག་ནས་བྱུང་བའི་ལི་མ་དང་གཏེར་མ་ཡིན་ངེས་པའི་གསེར་སྐུ་བརྒྱ་རྩ་གཅིག་ཙམ་དང་། སྒྲོམ་བུ་ཆེ་ཆུང་དུ་མ་དང་། དམ་རྫས་ཀྱི་རིགས་མང་པོ་བཅས་གཏེར་དུ་སྦས་པར་བསྩལ་ཅིང་།
此外，在无量殿的墙体内，藏有法王如意宝赐予的一百尊响铜像和伏藏像，以及大大小小的许多宝箧和各种圣物。
དུས་ཕྱིས་ལོ་གཉིས་ཙམ་ཐལ་རྗེས་དཀྱིལ་འཁོར་གྱི་འོག་གཞིའི་མཐའ་སྐོར་དུ་ལྷ་ཁང་ཉེར་གསུམ་ཙམ་བསྐྲུན་པའི་ནང་དུ་རིས་སུ་མ་ཆད་པའི་ཆོས་བརྒྱུད་རྣམས་ཀྱི་རྩ་གསུམ་སྲུང་མ་དང་བཅས་པའི་སྐུ་རྟེན་མང་པོ་ཞིག་ཀྱང་དད་ལྡན་རྣམས་ཀྱི་ཚོགས་གསོག་སྒྲིབ་སྦྱོང་དང་ཕྱག་མཆོད་སྨོན་ལམ་གྱི་རྟེན་དམ་པར་བཞུགས་སུ་གསོལ་ཡོད་དོ། །
大约两年后，坛城的底基周围又建造了二十三个殿堂，无偏供奉着所有法脉的三根本及护法神的众多圣像，成为所有信众积资、净障、顶礼、供养、发愿的殊胜对境。
སྒྱུ་འཕྲུལ་དྲྭ་བའི་བློས་བསླངས་ཀྱི་དཀྱིལ་འཁོར་འདི་ཉིད་བཞེངས་གྲུབ་པའི་རྗེས་སུ་ཆོས་ཀྱི་རྗེ་ཉིད་སྐུ་དངོས་ཆེད་ཕེབས་ཀྱིས་རྡོ་རྗེ་སློབ་དཔོན་གྱི་བྱ་བ་རྣམས་མཛད་དེ་རབ་ཏུ་གནས་པའི་མེ་ཏོག་འཐོར་ཅིང་། རྟེན་བརྟེན་པ་དང་བཅས་པ་སྐྱེ་དགུ་རྣམས་ཀྱི་ཚོགས་གསོག་སྒྲིབ་སྦྱོང་གི་ཞིང་ས་བླ་ན་མེད་པ་ཞིག་ཏུ་འགྱུར་བའི་ཐུགས་སྨོན་བཟང་པོས་རྒྱས་བཏབ་སྟེ། ཞལ་བསྲོའི་རིམ་པའང་གཟབ་ལ་རྒྱས་པར་གནང་ངོ་། དུས་དེ་ནས་བཟུང་མཐོང་གྲོལ་དཀྱིལ་འཁོར་ཆེན་པོ་འདིའི་ཕྲིན་ལས་ཀྱི་སྒོ་འཕར་ཡངས་པོར་ཕྱེ་ནས་ཕྱག་སྐོར་མཆོད་པ་སོགས་ལ་བརྩོན་པའི་རྒྱ་བོད་ཧོར་གསུམ་གྱི་མི་ཚོགས་དབྱར་གྱི་སྤྲིན་ཕུང་འཐིབས་པ་བཞིན་ཟམ་མ་ཆད་པར་འདུས་ནས་ཉི་མ་རེ་བཞིན་དད་ལྡན་བརྒྱ་སྟོང་མང་པོས་སྒོ་གསུམ་སོས་དལ་དུ་མི་སྡོད་པར་རྣམ་དཀར་དགེ་བའི་ལས་ལ་ཆིག་སྒྲིལ་དུ་བརྩོན་བཞིན་ཡོད་པ་དེང་སང་ཡང་ཚང་མས་མངོན་སུམ་དུ་བལྟར་ཡོད་པ་འདི་ཡིན་ནོ། །
在幻化网坛城竣工之后，法王亲自莅临现场，以金刚阿阁黎的身份，抛撒鲜花进行开光，并以善愿印持此坛城成为众生积资净障的无上福田。从那时起，“见解脱”坛城的事业大门就此打开，汉、藏、蒙族人群如夏季密云般纷纷涌至，对它进行精进不懈的顶礼、转绕、供养等。每一天都有成百上千的信众，将三门不停地投入到这一善业中，这也是大家有目共睹的事实。
ལར་དམ་པ་རྣམས་ཀྱི་ཐུགས་བསྐྱེད་སྨོན་ལམ་གྱི་མཐུ་ཞེས་པ་ནི་བསམ་གྱིས་མི་ཁྱབ་པ་ཞིག་སྟེ། དུས་ཡུན་ཐུང་ངུ་ཞིག་གི་རིང་ལ་སྒྲོན་མེའི་མེ་ལྕེ་གཅིག་ལས་དུ་མར་མཆེད་པའི་ཚུལ་གྱིས་ཀཿ རྫོགས་ཞེ་ཆེན་སོགས་རྙིང་མའི་གདན་ས་ཆེ་ཁག་རྣམས་སུ་འདི་དང་འདྲ་བའི་སྒྱུ་འཕྲུལ་གྱི་བློས་བསླངས་དཀྱིལ་འཁོར་ཆེ་ལེགས་ཚད་ལྡན་རེ་བཞེངས་སྐྲུན་བགྱིས་འདུག་ལ། དེར་མ་ཟད་མགོ་ལོག་ཤར་འཇིགས་མེད་ཕྲིན་ལས་དར་རྒྱས་གླིང་དང་། དྷཱིཿ མདའ་དགོན། ལུང་སྔོན་དགོན་རྣམས་དང་། སྡེ་དགེ་ཡིད་ལྷུང་གི་བཀྲ་ཤིས་ཁྲི་གླིང་དང་རྩ་ཤུལ་དགོན། ཉག་རོང་གི་ཡོན་ཏན་འབྱུང་ཁུངས་དགོན། བལ་ཡུལ་ཡང་ལེ་ཤོད་ཀྱི་སྒྲུབ་སྡེ་བསམ་གཏན་འོད་གསལ་ཆོས་གླིང་སོགས་སུའང་སྒྱུ་འཕྲུལ་གྱི་དཀྱིལ་འཁོར་རྔམ་ལ་གཟི་འོད་དང་ལྡན་པ་ཆོས་སྡེ་གང་ཡིན་པ་དེ་དང་དེའི་རྒྱན་ལྟ་བུར་གྱུར་པ་རེ་བཟོ་བཞེངས་གནང་ཟིན་འདུག་གོ། །
总的来说，大德的发心和愿力是不可思议的。在短短的时间内，由一盏灯火点燃盏盏明灯，噶陀寺、自玉寺、雪谦寺、佐钦寺等宁玛派各大古寺中，都建起了与此相媲美、庄严精美、符合标准的幻化网坛城。不仅如此，果洛东方的晋美陈列达吉林、德达寺、龙温寺，德格的玉隆札西持林与札熙寺，新龙的云丹炯尼寺，尼泊尔扬列雪的光明禅定法林等，也相继兴建了庄严辉煌的幻化网坛城。
ད་དུང་དགོན་སྡེ་དང་ཡུལ་ཁམས་མང་པོ་ཞིག་ཏུ་དཀྱིལ་འཁོར་འདི་རིགས་ཀྱི་ལས་བཟོའི་འཆར་འགོད་ཀྱི་རི་མོ་དང་འོག་གཞིའི་རྩིག་པ་སོགས་བཟོ་སྐྲུན་བྱེད་བཞིན་པའི་སྐབས་སུ་ཡོད་ཅིང་། མ་འོངས་པ་ན་དེ་དག་ལས་ཀྱང་ལྡབ་དུ་མས་མང་བའི་སྒྱུ་འཕྲུལ་དྲྭ་བའི་བློས་བསླངས་ཀྱི་དཀྱིལ་འཁོར་རྒྱུ་སྤུས་དང་བཀོད་པ་ཁྱད་པར་དུ་འཕགས་པ་དུ་མ་ཞིག་འཛམ་གླིང་ཡུལ་གྲུ་གང་སར་བཞེངས་སྐྲུན་གནང་འོང་བའི་ཚོད་དཔོག་བྱེད་ཀྱིན་ཡོད་དོ།།
如今，许多寺院和地区都依循这种人工设计的图纸建起底基、筑起墙体，可以预计，未来将会有更多庄严宏伟的幻化网坛城在世界各个角落拔地而起。
རྗེ་བཙུན་མ་མུ་མེད་ཡེ་ཤེས་མཚོ་མོའི་རྣམ་པར་ཐར་པ་པདྨ་དཀར་པོའི་ཆུན་པོ་ལས་བཏུས།
来源于门措空行母传白莲花
བླ་རུང་སྒྱུ་འཕྲུལ་མཐོང་གྲོལ་ཆེན་མོའི་བསྐོར་བའི་ཕན་ཡོན།
转绕“见解脱”坛城塔的功德
༧ཆོས་རྗེ་དམ་པ་འཇིགས་མེད་ཕུན་ཚོགས་དཔལ་བཟང་པོས་གསུངས།
法王晋美彭措•传讲
སྒྱུ་འཕྲུལ་བློ་བསླངས་འདི་ནི་རིག་འཛིན་རྒྱལ་བའི་གོ་འཕང་འཐོབ་པར་བྱེད་པའི་ཐབས་ཁྱད་པར་ཞིག་ཡིན་ལ། ནང་རྟེན་ཡང་ཕུན་སུམ་ཚོགས་པ་ཡོད། འདི་འདྲའི་རྟེན་བཞེངས་དེ་འཇིག་རྟེན་ན་ཧ་ཅང་དཀོན་མོ་རེད།
这座坛城塔，是能获得持明佛果的一大殊胜方便，里面的佛像等无不齐全。建造这样的所依，在世界上真的非常少见。
དཀྱིལ་འཁོར་མཐོང་བ་ཙམ་གྱིས་ན་རཀ་ཆེན་པོར་མི་ལྟུང་ཞེས་དྲི་མེད་བཤགས་རྒྱུད་ནང་དུ་གསུངས་འདུག འདི་ལན་གཅིག་མཐོང་ན་ཡང་ངེས་པར་དུ་རྡོ་རྗེ་དམྱལ་བ་ལ་སོགས་པའི་གནས་སུ་སྐྱེ་མི་དགོས་ཏེ། གང་ཞིག་སྒྱུ་འཕྲུལ་ཞི་ཁྲོ་ཡི། །དཀྱིལ་འཁོར་ལྷ་ལ་ཕྱག་འཚལ་ན། །ཉམས་ཆགས་མ་ལུས་ཀུན་བྱང་ནས། །མཚམས་མེད་ལྔ་ཡི་སྡིག་པ་འདག །ན་རཀ་གནས་ཀྱང་དོང་སྤྲུགས་ཏེ། །རིག་འཛིན་རྒྱལ་བའི་ཞིང་དུ་གྲགས། །ཞེས་གསུངས།
《无垢忏悔续》说：“只要看到坛城，就不会堕人大地狱。”就算你见过一次，也肯定不需要堕人金刚地狱等处。如云：“寂猛之幻化，坛城尊前礼，无余清破誓，净五无间罪，根除阿鼻狱，称持明佛刹。”
དེས་ན་ཞི་བ་བཞི་བཅུ་རྩ་གཉིས་ཀྱི་མཚན་ནས་རེ་རེ་བཞིན་དུ་བརྗོད་ནས་ཕྱག་བརྒྱ་ཐམ་པ་འཚལ་ཐུབ་ན་ངེས་པར་དུ་མཚམས་མེད་ལྔ་ཡི་སྡིག་པ་འདག་གསུངས་པ་རེད། ན་རཀ་གནས་ཀྱང་དོང་སྤྲུགས་ཏེ། །ཞེས་གསུངས་ཡོད་པས་དམྱལ་བ་རུ་སྐྱེ་མི་དགོས་པ་རེད།
如果你逐一持诵四十二位寂静本尊的圣号，同时顶礼一百次，就能清净五无问罪，根除地狱之业，所以不需要转生地狱。“称持明佛刹”是指持明佛，也就是说，你将获得寿自在持明、异热持明、大手印持明、任运持明的任意一种果位。
སྐོར་ཚད་ལ་རྣམ་གྲངས་བཞི་སྟེ། ཆུང་སྐོར་ལ་གྲངས་བརྒྱ། འབྲིང་སྐོར་ལ་གྲངས་སྟོང༌། ཆེ་སྐོར་ལ་གྲངས་ཁྲི། ཆེས་ཆེ་སྐོར་ལ་གྲངས་འབུམ་དུ་ལོངས་བ་དགོས།
转绕（坛城塔）的数量有四种差别：下等者转绕一百圈，中等者转绕一千圈，上等者转绕一万圈，最上等者需要达到十万圈。
སོ་སོའི་ཕན་ཡོན་ནི། སྐོར་ཚད་ཆུང་བས་ངན་འགྲོའི་སྒོ་ཁེགས་ཤིང་མཐོ་རིས་ཀྱི་གོ་འཕང་འཐོབ་པ་དང་། འབྲིང་གིས་ཁམས་གསུམ་འཁོར་བའི་གནས་ལས་གྲོལ་ཏེ་ཐར་པའི་གོ་འཕང་འཐོབ་པ་དང་། ཆེ་བས་བདེ་བ་ཅན་ལ་སོགས་པའི་དག་པའི་ཞིང་དུ་བྱང་ཆུབ་སེམས་དཔའི་གོ་འཕང་འཐོབ་པ་དང་། ཆེས་ཆེ་བས་ནི་མྱུར་བ་ཉིད་དུ་རྫོགས་པའི་སངས་རྒྱས་ཀྱི་གོ་འཕང་བླ་ན་མེད་པ་འཐོབ་པར་འགྱུར།
各自的功德：转绕数量是下等者，会阻塞恶趣门，获得善趣果；中等者，解脱三界轮回，获得解脱果位；上等者，在极乐世界等净土获得菩萨果位；最上等者，迅速获得圆满佛陀的无上果位。
སྐོར་ཚད་ཆེ་ཆུང་གང་ཡིན་ཡང་། ཕྱག་དང་ཡིག་བརྒྱ་གཉིས་དང་སྦྲེལ་ནས་བྱེད་དགོས་ཏེ། དཔེར་ན་སྐོར་བ་བརྒྱ་བྱེད་པའི་དབང་དུ་བཏང་ན། ཕྱག་བརྒྱ་འཚལ་བ་དང་། ཡི་གེ་བརྒྱ་པ་བརྒྱ་འདོན་དགོས་པ་སོགས་རིགས་འགྲེ། འདི་ལྟ་བུའི་ཕན་ཡོན་ཆེ་བ་དང་བྱིན་རླབས་ཆེ་བ་དངོས་གྲུབ་མྱུར་བ་ཞིག་ཧ་ཅང་དཀོན་པོ་རེད། ང་ཚོ་ཚང་མས་རྒྱུན་དུ་ཕྱག་འཚལ་མཆོད་འབུལ་སོགས་གང་ཐུབ་ཅི་ཐུབ་བྱེད་དགོས།
无论转绕多少圈，都需要结合顶礼和念诵百字明。比如，转一百圈，需要一百次顶礼、念涌一百遍百字明……依此类推。它有如此大的功德和加持，是非常难得的快速成就法。平时，我们应该尽最大努力顶礼、供养等。
༼དྲན་ངོགས་ཀྱི་གསེར་བྱ༽ལས་ཚན་བཤུས་བྱས་ཏེ་སྤེལ་བ་དགེ་ལེགས་འཕེལ།
来源于不凡
ཡེ་ཤེས་དྲི་མེད་ཀྱིས་བསྒྲིགས། 益西智麦 编
