ཞུའན་ཞ་ཧྥུ།（1899-1938）
ལོ་ཟླ་ཡི་ཆུ་རྒྱུན་རིང་མོ་ཉིན་མཚན་ཁོར་ཡུག་ཏུ་འབབ། གཡུ་ཡི་མནྜལ་ལྟ་བུའི་སྤང་ལྗོངས་སྔོན་མོ་འདི་རུ་དལ་གྱིས་བསྐྱོད་པའི་ཚེ། ལོ་ཟླའི་ཁ་ཚུབ་ཀྱི་གསེང་ནས་ལོ་རྒྱུས་ཀྱི་འོད་ཟེར་ཉག་གཅིག་གསལ་ལེར་མཐོང་ཐུབ་སྟེ། གུང་ཁྲན་ཏང་མི་ཡི་ཕུགས་འདུན་བརྟན་པོ་ལ་གཞར་ཡང་བདེན་དོན་གྱི་འོད་སྣང་འཚེར་ཞིང་འབར། གུང་ཁྲན་ཏང་མི་ཡིས་མི་དམངས་ལ་བཅངས་པའི་བརྩེ་སེམས་ཀྱིས་དུས་རྣམ་ཀུན་ཏུ་ཡུལ་གྲུ་འདི་ལ་དྲོད་ཁོལ་སྦྱིན་ཏེ་ཡོད།
ནུབ་བྱང་ས་ཁུལ་གྱི་གསར་བརྗེའི་ལས་དོན་དུ་ཞུགས་པ།
སྤྱི་ལོ1926ལོའི་སྟོན་ཟླ་ཞིག་ལ། རྨ་ཁུག་དང་པོའི་དངུལ་རྭ་རྩྭ་ཐང་དུ། ཞུའན་ཞ་ཧྥུ（1899-1938）ཞེས་པའི་ཀྲུང་གོ་གུང་ཁྲན་ཏང་གི་སྔ་རབས་ཀྱི་གསར་བརྗེ་ལས་འགུལ་པ་དེས། ཀན་ལྷོའི་རྩྭ་ཐང་ཆེན་མོ་རུ་གསར་བརྗེ་ཡི་མེ་སོན་དང་པོ་བཏབ།
ཁོང་གིས་རྩྭ་སྤར་བ་གང་བཟུང་སྟེ། ཆེས་གོ་བདེ་བའི་གཏམ་དང་ཆེས་གསོན་ཉམས་ལྡན་པའི་དཔེ་ཡིས། མཐུན་སྒྲིལ་བྱས་ཏེ་གསར་བརྗེ་བྱ་དགོས་པའི་གནས་ལུགས་བསྟན། ཁོང་ཉིད་རྩྭ་ཐང་གི་བུ་རྒྱུད་དང་དཔུང་པ་མཉམ་གཤིབ་ཏུ་འགྲེང་སྟེ། རེ་སྒུག་དང་ཡིད་ཆེས་ཀྱི་མིག་མདངས་གངས་ལྗོངས་ཀྱི་རི་ལུང་ཐང་གསུམ་བརྒྱུད་དེ་མ་འོངས་པའི་ཕྱོགས་སུ་མཆེད། ཉིན་མོ་དེར། རྩྭ་ཐང་གི་སྟོན་ལྗོངས་རབ་ཏུ་མཛེས། འབྲུ་དྲུག་གི་འབྲས་བུ་ཁུར་དུ་ལྕི། སྣོད་བཅུད་ཀུན་ལ་གསོན་ཤུགས་རྒྱས།
རྗེས་དྲན་དུ་བཞེངས་པའི་འཇིམ་སྐུ།（རྨ་ཆུ།）
སྐར་ཚོགས་བཞིན་བཀྲ་བའི་གསར་བརྗེའི་དྲན་ཤིང་རིང་མོའི་ཁྲོད་དུ། སྙན་ངག་མཁན་པོའི་བརྩེ་བས་ཕྱུག་པའི་ངག་གི་རོལ་མོ་མཆིས།
གྱེར་འདོན་པ། ཡུམ་ཚེ་རིང་།
