༄༅།།དམིགས་མེད་བརྩེ་བའི་གཏེར་ཆེན་སྤྱན་རས་གཟིགས།
无缘慈悲大海观世音
དྲི་མེད་མཁྱེན་པའི་དབང་པོ་འཇམ་པའི་དབྱངས།
无障智慧总主文殊师
བདུད་དཔུང་མ་ལུས་འཇོམས་མཛད་གསང་བའི་བདག
破除一切邪魔密藏主
གངས་ཅན་མཁས་པའི་གཙུག་རྒྱན་ཙོང་ཁ་པ།
雪域圣者之首宗喀巴
བློ་བཟང་གྲགས་པའི་ཞབས་ལ་གསོལ་བ་འདེབས།
加持心事如愿得成就
སང་ཉིན་བོད་ཟླ་བཅུ་པའི་ཚེས་ཉེར་ལྔ་ཡིན་པས་རྗེ་ཙོང་ཁ་པ་ཆེན་མོ་མཆོག་གི་དགོངས་པ་ཆོས་དབྱིངས་སུ་འཐིམས་པའི་དུས་མཆོད་ཀྱི་ཉིན་མོ་ཞིག་ཡིན་པ་རེད།རྗེ་ཙོང་ཁ་པ་ཆེན་པོ་བློ་བཟང་གྲགས་པ་ནི་བོད་རབ་བྱུང་དྲུག་པའི་མེ་བྱ་སྟེ་སྤྱི་ལོ༡༣༥༨ལོར་མདོ་སྨད་ཙོང་ཁའི་ཡུལ་དུ་ཡབ་ད་ར་ཁ་ཆེ་ཀླུ་འབུམ་དགེ་དང་།ཡུམ་ཤིང་བཟའ་ཨ་ཆོས་གཉིས་ཀྱི་སྲས་སུ་སྐུ་བལྟམས་ཤིང་།རྗེ་བདག་ཉིད་ཆེན་པོ་འདི་པས་ཆོ་འཕྲུལ་སྨོན་ལམ་ཆེན་མོ་དང་།དགའ་ལྡན་སྒྲུབ་མཆོད་ཆེན་མོ།གཉལ་གྱི་ལུང་ར་ཆེན་མོ།རྫིང་ཕྱིའི་བྱམས་པ་ཞིག་གསོ་བྱས་པ་སོགས་ཀྱི་མཛད་འཕྲིན་བླ་ན་མེད་པ་བགྱིས། ཁོང་ཉིད་རབ་བྱུང་བདུན་པའི་ས་ཕག་ལོ་སྟེ་སྤྱི་ལོ༡༤༡༩ལོའི་ཟླ་བཅུ་བའི་ཚེས་ཉེར་ལྔ་ཉིན་ཏེ་དགུང་གྲངས་རེ་གསུམ་པའི་སྟེང་གཟིམ་ཁང་འོད་གསལ་སྦུག་ཏུ་དགོངས་པ་རྫོགས། དེའི་ཕྱིའི་ལྕགས་བྱི་ལོ་སྟེ་སྤྱི་ལོ༡༤༢༠ལོའི་བོད་ཟླ་བཅུ་པའི་ཚེས་ཉེར་ལྔ་ཉིན་དགའ་ལྡན་དུ་རྡོ་རྗེ་སློབ་དཔོན་བརྒྱ་ཕྲག་དུ་མས་གསང་བདེ་འཇིགས་མེད་གསུམ་དང་།ཀྱེ་རྡོར། དུས་འཁོར། ཚེ་དཔག་མེད།ཀུན་རིགས་སོགས་ཀྱི་དཀྱིལ་འཁོར་ལ་བརྟེན་པའི་སྒྲུབ་མཆོད་དང་དགོངས་རྫོགས་རྒྱ་ཆེ་སྨིན་སྒྲུབ་མཛད་པ་དང་མཉམ་དུ།ཆོས་རྗེ་ཤཱཀྱ་ཡེ་ཤེས་གདན་དྲངས་ཏེ་དགེ་འདུན་མང་པོས་ཆོས་ཀྱི་མཆོད་འབུལ་རྒྱ་ཆེར་མཛད་པ་ནས་བཟུང་། དེང་སང་གི་བར་དུ་དགའ་ལྡན་ལྔ་མཆོད་ཆེན་མོ་ཞེས་བོད་ཡུལ་ཆོལ་ཁ་གསུམ་དུ་དད་ལྡན་མང་ཚོགས་ཀྱིས་མཆོད་པ་འབུལ་བ་དང་།ཕྱག་འཚལ་བ། སྨྱུང་གནས་སྲུང་བ། དམིགས་བརྩེ་མ་ཟློ་བ།དཀར་བའི་ལས་བགྱི་བ་སོགས་ཆོས་ཀྱི་ཆོ་ག་རྒྱ་ཆེན་པོ་བྱེད་པའི་སྲོལ་འདི་བྱུང་ཞིང་།དུས་ད་ལྟའི་བར་དུ་མ་ཉམས་པར་ཡོད་པ་དེའི་ཐོག་ནས་སེར་སྐྱ་ཡོངས་ཀྱིས་རྗེ་བདག་ཉིད་ཆེན་པོར་སྙིང་དབུས་ནས་དད་གུས་ཀྱིས་རྗེས་དྲན་ཞུ་བ་མཚོན་པར་བྱེད་ཀྱིན་ཡོད་པ་རེད།
རྗེ་ཙོང་ཁ་པ་ངོ་སྤྲོད་མདོར་བསྡུས།
宗喀巴大师简介
རྗེ་ཙོང་ཁ་པ་ནི་བོད་བརྒྱུད་ནང་བསྟན་ལ་ཤུགས་རྐྱེན་ཐེབས་ཤོས་ཀྱི་མཁས་དབང་ཞིག་རེད།
ཙོང་ཁ་པའི་མཚན་དངོས་ལ་བློ་བཟང་གྲགས་པ་ཞེས་ཞུ་ཞིང་། ཙོང་ཁ་ཞེས་པ་ནི་ཁོང་གི་འཁྲུངས་ཡུལ་ཏེ་ཨ་མདོའི་ས་ཆ་ཞིག་གི་མིང་ངོ་། །ཙོང་ཁ་པ་ཁོང་ནི་༡༣༥༧ལོར་ཨ་མདོའི་ཙོང་ཁའི་ཡུལ་དུ་སྐུ་བལྟམས།
ཙོང་ཁ་པ་ནི་དགེ་ལུགས་པའི་གྲུབ་མཐའ་འམ་ཞྭ་སེར་བསྟན་པའི་སྲོལ་གཏོད་གནང་མཁན་ཡིན་ནོ། །
ཙོང་ཁ་པ་ཁོང་གི་འཁྲུངས་ཡུལ་དུ་དེང་དུས་སྐུ་འབུམ་དགོན་པ་བཞེངས་ཡོད་དོ།།
དགུང་ལོ་གསུམ་བཞེས་པ་ན་རོལ་པའི་རྡོ་རྗེས་ཡོངས་རྫོགས་དགེ་བསྙེན་དུ་བསྒྲུབས་ཏེ་མཚན་ཀུན་དཀའ་སྙིང་པོ་གསོལ།
ཁོང་དགུང་ལོ་བརྒྱད་ཀྱི་སྐབས་སུ་ཆོས་རྗེ་དོན་འགྲུབ་རིན་ཆེན་གྱི་དྲུང་དུ་རབ་ཏུ་བྱུང་སྟེ། མཚན་ལ་བློ་བཟང་གྲགས་པ་ཞེས་གསོལ།
དགུང་ལོ་བཅུ་དྲུག་གི་སྐབས་སུ་ཁོང་དབུས་སུ་ཕེབས་ཤིང་སྐུ་ཚེ་གང་པོ་འཁྲུངས་ཡུལ་དུ་ཕྱིར་མ་ལོག
ཁོང་དགུང་ལོ་༥༢ཕེབས་སྐབས་ལྷ་སར་སྨོན་ལམ་ཆེན་མོ་འཚོགས་གནང་ཞིང་།༡༤༠༩ལོར་མ་དགོན་དགའ་ལྡན་དགོན་པ་ཕྱག་བཏབ་གནང་།ཁོང་གི་ཐུགས་ཀྱི་བུ་སློབ་ཆེན་པོ་འཇམ་དབྱངས་ཆོས་རྗེ་བཀྲ་ཤིས་དཔལ་ལྡན་དང་ཆོས་རྗེ་ཤཱཀྱ་ཡེ་ཤེས་རྣམ་གཉིས་ཀྱིས་༡༤༡༦ལོར་འབྲས་སྤུངས་དགོན་དང་༡༤༡༩ལོར་སེ་ར་དགོན་པ་ཕྱག་བཏབ་གནང་།
༡༤༡༩ལོར་ཙོང་ཁ་པ་ཁོང་གཟུགས་སྐུ་རེ་ཞིག་ཆོས་དབྱིངས་སུ་བསྡུས་ཤིང་།དེ་ནས་བཟུང་ལོ་ལྟར་བོད་ཟླ་༡༠པའི་ཚེས་༢༥ལ་ཁོང་གི་དགོངས་རྫོགས་སུ་བོད་ཡུལ་དང་སོག་པོ་དག་ཏུ་དགའ་ལྡན་ལྔ་མཆོད་འཚོགས་ཀྱི་ཡོད།
ཁོང་གི་ལྗགས་རྩོམ་བསྟན་བཅོས་༢༡༠ཡོད་ཅིང་ཕྱོགས་སྡོམ་བྱེད་ན་པོད་དུམ་༢༠ཙམ་ཡོད།ཁོང་གིས་མདོ་བརྒྱུད་ཟུང་འབྲེལ་ལ་ཐུགས་གཙིགས་ཆེན་པོ་གནང་།
ཙོང་ཁ་པ་ནི་འཇམ་དཔལ་དབྱངས་དང་གུ་རུ་རིན་པོ་ཆེ་བཅས་ཀྱི་སྤྲུལ་པ་ཡིན་པ་ངོས་འཛིན་བྱེད་ཀྱི་ཡོད།
