ཤ་རིའི་བུ་དང་འོད་སྲུངས་སོགས་དགྲ་བཅོམ་པ་བརྒྱད་སྟོང་གི་འཁོར་གྱི་དབུས་སུ་དབྱར་གནས་མཛད་པར་མ་ཟད་ཡུམ་སྒྱུ་མ་ལྷ་མཛེས་ཀྱི་སྐུ་སྐྱེ་སོགས་ལྷ་ཡི་རིས་ཀྱི་གདུལ་བྱ་རྣམས་ལ་ཆོས་སྟོན་བཞིན་བཞུགས།
དེའི་དུས་སུ་རྒྱ་གར་གྱི་ཡུལ་མཉན་ཡོད་ཅེས་པར། རྫུ་འཕྲུལ་ཅན་གྱི་མཆོག་གྱུར་འཕགས་པ་མོའུ་འགལ་གྱི་བུ་ལ་སོགས་པའི་ཚངས་པར་སྤྱོད་པའི་དགེ་སློང་དུ་མ་ཐབས་གཅིག་ཏུ་དབྱར་གནས་མཛད་བཞིན་བཞུགས་པ་ན། རྒྱ་གར་ཡུལ་དབུས་ཀྱི་རྒྱལ་པོ་གཟུགས་ཅན་སྙིང་པོས་གཙོས་རྒྱལ་པོ་གསལ་རྒྱལ་ལ་སོགས་པའི་མི་རྣམས་ཀྱིས་བཅོམ་ལྡན་འདས་གང་དུ་བཞུགས་པ་མ་ཤེས་པས།འཕགས་པ་མོའུ་འགལ་གྱི་བུའི་དྲུང་དུ་སོང་ནས་དྲི་བ་ཞུས་པའི་ལན་དུ། མོའུ་འགལ་གྱི་བུས་བཅོམ་ལྡན་འདས་ལྷ་ཡི་གནས་སུ་བཞུགས་ཡོད་ཅེས་གསུངས། དེ་ནས་ཞག་དགུ་བཅུ་འདས་པའི་དུས་སུ་གོང་གསལ་རྒྱལ་པོས་དབུས་པའི་མི་རྣམས་ཀྱིས་ཡང་བསྐྱར་མོའུ་འགལ་གྱི་བུ་ལ། འོ་ཅག་གིས་སྟོན་པ་ཐུགས་རྗེ་ཅན་གྱི་སྐུ་མ་མཐོང་ཞིང་། གསུང་ཡང་མ་ཐོས་པར་ཡུན་རིང་སོང་བས། འཕགས་པ་རྫུ་འཕྲུལ་ཅན་ཁྱེད་ཀྱིས་བཅོམ་ལྡན་འདས་ལ་ཞུས་ལ་འཛམ་གླིང་དུ་སྤྱན་དྲོངས་རོགས་ཞེས་གསོལ་བས། འཕགས་པ་མོའུ་འགལ་གྱི་བུས་ཀྱང་སྐད་ཅིག་དེ་ཉིད་དུ་ལྷའི་གནས་སུ་བྱོན་ཏེ་སངས་རྒྱས་ལ། མིའི་འགྲོ་བ་རྣམས་ལྷའི་ཡུལ་ལ་འོང་བར་དཀའ་ཡང་། ལྷ་རྣམས་ནི་འཛམ་བུའི་གླིང་དུ་འོང་བར་དཀའ་བ་མེད་ན། སྟོན་པ་ཐུགས་རྗེ་ཅན། མིའི་རིགས་ཀྱི་འགྲོ་བ་རྣམས་ལ་བརྩེ་བས་དགོངས་ནས་འཛམ་བུ་གླིང་དུ་བྱོན་རོགས་ཞེས་གསོལ་བ་བཏབ་པ་ལྟར། སྟོན་པ་མཆོག་གིས་ཀྱང་། བདུན་ཕྲག་གཅིག་ནས་གསལ་ལྡན་གྱི་གྲོང་གི་ལ་བ་ཛ་རའི་ནགས་སུ་ཨུ་དུམ་ཝ་རའི་ཤིང་དྲུང་དུ་བྱོན་པར་ཞལ་གྱིས་བཞེས། མོའུ་འགལ་གྱི་བུས་སྐད་ཅིག་ཉིད་ལ་སླར་མི་ཡུལ་དུ་བྱོན་ནས་མི་རྣམས་ལ་གསུངས་པས་མི་རྣམས་ཡིད་རབ་ཏུ་མགུ་ནས་ས་ཕྱོགས་གང་དེར་བྱི་དོར་དང་། མཆོད་པའི་ཚོགས་རྒྱ་ཆེན་པོ་བཤམས་ཏེ་ཕེབས་སྒུག་ཞུས།
སངས་རྒྱས་ལྷ་ཡུལ་ནས་མི་ཡུལ་དུ་ཕེབས་པའི་ཉིན་མོར། ལྷ་ཡི་དབང་པོ་བརྒྱ་བྱིན་གྱིས་ལྷའི་བཟོ་བོ་བིཤྭ་ཀརྨ་ལ་བཀའ་གནང་སྟེ་རི་རབ་ཀྱི་རྩེ་མོ་སུམ་ཅུ་རྩ་གསུམ་ནས་མི་ཡུལ་བར་དུ་དཀྱིལ་ལ་རིན་ཆེན་བེཌཱུརྱའི་ཐེམ་སྐས་དང་། དེའི་གཡས་ཕྱོགས་སུ་གསེར་དང་། གཡོན་དུ་ཤེལ་ལས་གྲུབ་པའི་ཐེམ་སྐད་བཙུགས། ལྷ་ཚངས་པས་རིན་པོ་ཆེའི་རྔ་གཡབ་སངས་རྒྱས་ཀྱི་སྐུ་ལ་གཡོབ་བཞིན་སྐུའི་གཡས་ཕྱོགས་ཀྱི་གསེར་གྱི་ཐེམ་སྐས་ནས་འོངས་ཤིང་། ལྷ་དབང་བརྒྱ་བྱིན་གྱིས་ལྷ་ཡི་གདུགས་རྩིབས་སྟོང་ཅན་ལག་ཏུ་བཟུང་སྟེ་སངས་རྒྱས་ཀྱི་སྐུའི་གཡོན་ཕྱོགས་ཤེལ་གྱི་ཐེམ་སྐས་སྟེང་ནས་འོངས། སངས་རྒྱས་འཁོར་དང་བཅས་པ་རྣམས་བེཌཱུ་རྱའི་ཐེམ་སྐས་ནས་ཕེབས། དེ་ཡང་བཅོམ་ལྡན་འདས་ཀྱི་ཞབས་ས་ལ་རེག་ཏེ་ཕེབས་ན། ཕྱི་རོལ་བ་ལ་སོགས་པའི་སྐྱེ་བོ་ངན་རྟོགས་ཅན་རྣམས་ཀྱིས། ད་དགེ་སྦྱོང་གོ་ཏ་མ། མཐུ་དང་རྫུ་འཕྲུལ་ཉམས་སོ་ཞེས་ལོག་རྟོག་ངན་པ་སྐྱེ་བར་གྱུར་བ་དང་། ཆོ་འཕྲུལ་ཁོ་ནས་ཕེབས་ན། ལྷའི་བཟོ་བོ་རྣམས་ཀྱི་བསོད་ནམས་འཕེལ་བར་མི་འགྱུར་བ་མཁྱེན་ནས་སྐབས་རེ་རྫུ་འཕྲུལ་དང་། སྐབས་རེ་ཞབས་ས་ལ་རེག་པའི་ཚུལ་གྱིས་བྱོན།
མིའི་དྲི་མི་ཞིམ་པ་དེས་ལྷ་རྣམས་ཉེ་འཁོར་དུ་འོང་མི་བཟོད་པ་དང་། མིས་ལྷ་དངོས་སུ་མཐོང་ན་དེ་དག་ལ་གཡེང་ནས་ཆོས་ཀྱི་དོན་ལ་སེམས་མི་གཏོད་པ་མཁྱེན་ནས་སངས་རྒྱས་ཀྱིས་མིའི་དྲི་རྣམས་ཙན་དན་གྱི་དྲི་དང་། མི་རྣམས་ལ་ལྷའི་བུ་དང་བུ་མོ་མི་མཐོང་བར་བྱིན་གྱིས་བརླབས་ནས་ཡུལ་གསལ་ལྡན་གྱི་གྲོང་ཁྱེར་དུ་བྱོན་ཏེ་སེང་གེའི་ཁྲིའི་སྟེང་དུ་བཞུགས་ནས་འགྲོ་བ་མཐའ་ཡས་པ་ལ་སྐལ་བ་དང་འཚམ་པའི་ཆོས་ཚུལ་དུ་མ་བསྟན་པར་མཛད།
སུམ་ཅུ་རྩ་གསུམ་གནས་སུ་དབྱར་གནས་མཛད།།
仙人三十三界夏安居
སྐལ་ལྡན་སྨིན་གྲོལ་ལམ་ལ་ལེགས་བཀོད་དེ།།
因缘成熟弟子引解脱
སྨིན་དྲུག་ཅན་ལ་ཚངས་དབང་ཚོགས་འཁོར་བཅས།།
昴宿六星梵天众神之
སླར་ཡང་གླིང་འདིར་བྱོན་ལ་ཕྱག་འཚལ་ལོ།།
返回人间佛陀顶敬礼
