ئۈندىدار سالۇنى تەرجىمىسى
يېڭى يىل باشلىنىشى بىلەن ئوتتۇرا شەرق ۋەزىيىتىدە كومېدىيىلىك بۇرۇلۇش بولدى. سۈرىيە ئەسەد ھاكىمىيىتى تۇيۇقسىز ئاغدۇرۇلۇپ، ئەسلىدە مۇرەككەپ بولغان ئوتتۇرا شەرق كۈچ ۋەزىيىتى كۆزنى يۇمۇپ ئاچقۇچە تەڭپۇڭسىزلاشتى. تۇيۇقسىز يۈز بەرگەن بۇ سىياسىي يەر تەۋرەش ئىران باشچىلىقىدىكى «قارشىلىق كۆرسىتىش يايى» نى مۇھىم ئىتتىپاقدىشىدىن مەھرۇم قىلىپلا قالماي، لىۋان ھ پارتىيەسىنىڭ ئىراننىڭ ھەربىي ياردىمىگە ئېرىشىش مۇھىم يولىنى ئۈزۈپ تاشلىدى. ھالبۇكى، ھەر قايسى تەرەپلەر «قارشىلىق كۆرسىتىش يايى» كۈچلىرى شۇنىڭ بىلەن زاۋاللىققا يۈز تۇتىدۇ دەپ قارىغان پەيتتە، يەمەندىكى قۇسەي قوراللىق كۈچلىرى باش كۆتۈرۈپ چىقىپ، ئىسرائىلىيەگە قارشى تۇرۇش بايرىقىنى كۆتۈردى. ئۇلار بىر خىل يېپيېڭى تاكتىكا قوللاندى:ھەر كۈنى يېرىم كېچىدە ئىسرائىلىيەگە ئۇچقۇچىسىز ئايروپىلان ۋە باشقۇرۇلىدىغان بومبا قويۇپ بېرىپ، ئوتتۇرا شەرقتىكى بۇ كۈچلۈك دۆلەتتىكى خەلق ئاممىسىنى داۋاملىق ساراسىمىگە سالدى.
بۇ خىل ۋەزىيەت ئالدىدا، ئىسرائىلىيە ۋە ئۇنىڭ ئىتتىپاقدىشى ئامېرىكا، ئەنگلىيە قاتارلىق دۆلەتلەر گەرچە كۆپ قېتىم ھەربىي زەربە بەرگەن بولسىمۇ، لېكىن ئۈنۈمى ناھايىتى ئاز بولدى. ھەر قايسى تەرەپلەر قۇسەي قوراللىقلىرىنىڭ بۇنداق ئۇزاققا سوزۇلغان ئۇرۇش قىلىش ئىقتىدارىغا زادى قەيەردىن ئېرىشكەنلىكىنى پەرەز قىلىۋاتقاندا، ئىسرائىلىيە ئاخبارات ۋاستىلىرى جۇڭگو قۇسەي قوراللىقلىرىنى يوشۇرۇن قوللاپ، ئۇلارنى قورال - ياراغ زاپچاسلىرى بىلەن تەمىنلەۋاتىدۇ، دېگەن «مۇھىم خەۋەر» نى ئوتتۇرىغا قويدى. بۇ شىكايەت دەرھال خەلقارا جەمىيەتتە چوڭ غۇلغۇلا پەيدا قىلىپ، ئەسلىدىنلا مۇرەككەپ بولغان ئوتتۇرا شەرق ۋەزىيىتىنى يېڭى بىر دولقۇنغا كۆتۈردى. بىز بۇ قىزىل دېڭىزدىن ھالقىغان جۇغراپىيەلىك سىياسىي ئېزىقتۇرۇش ۋەزىيىتىگە كىرەيلى. يۈزەكى جەھەتتىن قارىغاندا، بۇ قۇسەي قوراللىقلىرىنىڭ ئەمەلىي كۈچىنىڭ كېلىش مەنبەسى توغرىسىدىكى گۇمان بولسىمۇ، لېكىن ئەمەلىيەتتە تېخىمۇ مۇرەككەپ بولغان بىر مەيدان خەلقئارا قورشاۋ شاھماتنى ئەكس ئەتتۈردى. بىز ئالدى بىلەن ئامېرىكا-ئىسرائىلىيە بىرلەشمە ئارمىيىسىنىڭ قىيىنچىلىقىدىن باشلايلى. ئامېرىكا ئارمىيەسى ئاۋىياماتكا توپى ئەۋەتىپ،2 - كۆرۈنمەس ئىستراتېگىيەلىك بومباردىمانچى ئايروپىلاننى ئورۇنلاشتۇردى، ئەنگلىيە خان جەمەتى ھاۋا ئارمىيەسىمۇ بومباردىمان قىلىش ھەرىكىتىگە قاتناشتى، شۇنداق دېيىشكە بولىدۇكى،
ئەڭ ئىلغار ھەربىي كۈچ توپلاندى. ئەمما بۇ قۇدرەتلىك قورال - ياراغلار قۇسەي قوراللىقلىرىغا دۇچ كەلگەندە، بىر خىل ئوڭايسىز ئەھۋالغا چۈشۈپ قالدى:ئۇرۇش قىلغان بولسىمۇ، ئۈنۈمى ناھايىتى ئاز بولدى. بەزى غەرب ئاخبارات ۋاستىلىرى چاقچاق قىلىپ «ساپما كەش قوشۇنى» دەپ ئاتىۋالغان بۇ قوراللىق كۈچ دۇنيادىكى ھەربىي جەھەتتە كۈچلۈك دۆلەتلەرنى مىسلى كۆرۈلمىگەن قىيىن ئەھۋالغا چۈشۈرۈپ قويدى. ئىسرائىلىيەنىڭ ئەھۋالى تېخىمۇ ئوسال ئەھۋالغا چۈشۈپ قالدى. ئىسرائىلىيە ھەربىي جەھەتتە كۈچلۈك دۆلەت بولۇش سۈپىتى بىلەن پەخىرلىنىدىغان ھاۋا ئارمىيە كۈچى بۇ قېتىمقى قارشىلىشىشتا ئارمانغا چۇشلۇق دەرمان يوق بولۇپ قالدى. جۇغراپىيەلىك ئورۇن چەكلىمىسى تۈپەيلىدىن، ئىسرائىلىيە ئارمىيىسى يەمەندىكى قۇسەي قۇراللىقلىرىغا ماھىيەتلىك زەربە بېرەلمەيدۇ. ئىسرائىلىيەنى تېخىمۇ ئەندىشىگە سالغىنى، قۇسەي قوراللىقلىرىنىڭ يېرىم كېچىدە ھۇجۇم قىلىش تاكتىكىسىنى تاللىشى ئىسرائىلىيە خەلقىنىڭ كۈندىلىك تۇرمۇشىغا ئېغىر تەسىر يەتكۈزۈپ، «ئوتتۇرا شەرقتىكى ئەڭ بىخەتەر دۆلەت» دەپ نام ئالغان بۇ خەلقنى داۋاملىق ساراسىمىگە سالدى.
دەل مۇشۇنداق قىيىن ئەھۋالدا، ئىسرائىلىيە تاراتقۇلىرىنىڭ 24 - خەۋىرىدە كىشىنى ھەيران قالدۇرىدىغان «مەخسۇس خەۋەر» ئوتتۇرىغا قويۇلۇپ،2024 - يىلىنىڭ ئوتتۇرا ۋە كېيىنكى مەزگىلىدە،
قۇسەي قوراللىقلىرىنىڭ يۇقىرى دەرىجىلىك ئەمەلدارلىرى جۇڭگونى زىيارەت قىلغاندىن كېيىن، جۇڭگو ئۇلارنى قورال - ياراغ زاپچاسلىرى بىلەن تەمىنلەپ، تېخىمۇ كۆپ ئۇچقۇچىسىز ئايروپىلان ۋە باشقۇرۇلىدىغان بومبا ياساپ، قىزىل دېڭىزنىڭ «مۇستەقىل ئۆتۈش ھوقۇقى» غا ئېرىشىدىغانلىقىنى جاكارلىدى. ئامېرىكا يەنە ئىسرائىلىيە بىلەن بىرلىشىپ، جۇڭگو بىلەن قۇسەي قۇراللىقلىرى ئوتتۇرىسىدىكى سودا تورىنى ئۈزۈپ تاشلايمىز دەپ تەھدىت سالدى. ئەمما، قارىماققا «كىشىنى ھەيران قالدۇرىدىغان» بۇ شىكايەت ئاساسىي لوگىكىلىق مۇلاھىزە يۈرگۈزۈشكە بەرداشلىق بېرەلمەيدۇ. ئالدى بىلەن، ئەگەر تاراتقۇلار ئېيتقاندەك، جۇڭگو قورال - ياراغ بىلەن تەمىنلىسە، ئۇنداقتا جۇڭگونىڭ نۆۋەتتىكى سانائەت ياساش ئىقتىدارى، قۇسەي قوراللىقلىرىنىڭ ئوت كۈچى بىلەن يەتكۈزۈش ئىقتىدارى ھەرگىزمۇ نۆۋەتتىكى بۇ سەۋىيەنى ساقلاپ قالالمايدۇ. شۇنى بىلىش كېرەككى، جۇڭگو دۇنيادىكى ئەڭ چوڭ سانائەت دۆلىتى بولۇش سۈپىتى بىلەن، ئۇنىڭ ھەربىي سانائەت ئىشلەپچىقىرىش ئىقتىدارى قۇسەي قوراللىقلىرىنىڭ باشقۇرۇلىدىغان بومبا ۋە ئۇچقۇچىسىز ئايروپىلان سانىنى نەچچە ئون ھەسسە ئاشۇرالايدۇ. ئىككىنچىدىن، جۇڭگو باشقا دۆلەتلەرنىڭ ئىچكى ئىشلىرىغا ئارىلاشماسلىق دىپلوماتىيە پىرىنسىپىنى ئىزچىل يولغا قويۇپ كەلدى، بولۇپمۇ ئوتتۇرا شەرققە ئوخشاش سەزگۈر رايونلاردا. نۆۋەتتىكى مۇرەككەپ خەلقئارا ۋەزىيەتتە، جۇڭگو ئۆزىنىڭ ئوتتۇرا شەرق رايونىدىكى ئىستراتېگىيەلىك مەنپەئەتىنى قوغداشقا تېخىمۇ موھتاج، ھەرقانداق بىر تەرەپنىڭ قوراللىق كۈچىنى قوللاشقا تەۋەككۈل قىلىشقا ئاساسى يوق. بولۇپمۇ بۇ ئەيىبلەشنىڭ پەيتى دەل ئامېرىكا - ئىسرائىلىيە بىرلەشمە ئارمىيەسى قۇسەي قوراللىقلىرىغا ئامالسىز قالغان چاغدا، بۇ «جۇڭگو قوللاش نەزەرىيەسى» تۇيۇقسىز ئاشكارىلاندى. بۇ كىشىگە ئامېرىكىنىڭ ئادەتلەنگەن «قازان تاشلاش» تاكتىكىسىنى ئەسلىتىدۇ، يەنى ھەر قېتىم قىيىن مەسىلىگە دۇچ كەلگەندە، ھەمىشە «بالاغا قالغۇچى» نى تېپىپ ئۆزىنىڭ مەغلۇبىيىتىنى چۈشەندۈرىدۇ.
