ئۈندىدار سالۇنى تەرجىمىسى
ترامپ ۋەزىپىگە ئولتۇرۇپ ئىككى كۈن بولمايلا، ئۇكرائىناغا ياردەم بېرىشنى توختىتىش توغرىسىدىكى 200 دىن ئارتۇق مەمۇرىي بۇيرۇققا ئىمزا قويۇپ، ئۈچ يىل داۋاملاشقان بۇ «ئۇرۇش مۇھەببەت ئىزھار قىلىش» ۋەقەلىكىنى ئەڭ تېز نەتىجىگە ئېرىشتۈردى. بۇ دىراماتىك بۇرۇلۇش كىشىگە ئىختىيارسىز خەلقئارا سىياسىي سەھنىدىكى «يۈز ئۆرۈش كىتاب ئۆرۈشتىنمۇ تېز» دېگەن كىلاسسىك بۆلەكنى ئەسلىتىدۇ. پەقەت بۇ قېتىمقى سەھنە ئەسىرى تولىمۇ بىمەنە يېزىلىپتۇ:باش پېرسوناژ زېلېنسكىي داۋوس مۇنبىرىدە ياۋروپا ئىتتىپاقىغا «ئامېرىكىنىڭ ياردىمى يوق» دەپ مۇراجىئەت قىلغاندا، بەلكىم ئۇ ئۆزىمۇ بۇ ئويۇننىڭ ئاخىرلىشىشىنىڭ بۇنداق تۇيۇقسىز بولۇپ قېلىشىنى ئويلاپ باقمىغان بولۇشى مۇمكىن.
سانلىق مەلۇمات گەپ قىلالايدۇ. بىدېن ھۆكۈمىتى نەچچە يىل ۋاقىت سەرپ قىلىپ كۆڭۈل قويۇپ ياسىغان ئۇكرائىناغا ياردەم بېرىش يولى تىرامپنىڭ بىر پارچە بۇيرۇقى بىلەن ئۆرۈلۈپ چۈشتى. ياردەم بېرىشنى ماسلاشتۇرۇشقا مەسئۇل نەچچە مىڭ فېدىراتسىيە خىزمەتچىسى قىسقارتىلدى، ئۈچ ئاي ئىچىدىكى تاشقى ياردەم ئومۇميۈزلۈك توڭلىتىلدى. بۇ سوغۇق سانلارنىڭ كەينىدە بىر كىچىك دۆلەتنىڭ چوڭ دۆلەت رىقابىتىدىكى ئېچىنىشلىق تەقدىرى بار. بۇ ئويۇننى تېخىمۇ كۈلكىلىك يېرى شۇكى، زېلېنسكىي كىسىنگېرنىڭ:«ئامېرىكىنىڭ ئىتتىپاقدىشى بولۇش ئامېرىكىنىڭ دۈشمىنى بولۇشتىنمۇ قورقۇنچلۇق» دېگەن ھېكمەتلىك سۆزىنى ئۇنتۇپ قالغاندەك قىلاتتى. ئۇ خۇددى چۆچەكلەر دۇنياسىغا غەرق بولغان بالىغا ئوخشاش، ساددىلىق بىلەن پەقەت مەن ساداقەتمەنلىكىمنى ئىپادىلىسەملا،
ئامېرىكا ئۇكرائىنانى شىمالىي ئاتلانتىك ئەھدى تەشكىلاتىغا ئەزا قىلىش ۋەدىسىنى چوقۇم ئەمەلگە ئاشۇرالايدۇ، دەپ قارايدۇ. بۇ ئۈچ يىللىق توقۇنۇش مۇساپىسىنى ئەسلىسەك، رۇسىيە ئۇكرائىناغا كۆپ قېتىم سۆھبەت ئېلىپ بارغان. لېكىن زېلېنسكىي تېخىمۇ تەۋەككۈلچىلىك خاراكتېرىگە ئىگە بىر يولنى تاللىدى:رۇسىيە زېمىنىغا پات - پات يىراق مۇساپىلىك زەربە بېرىش، ئالاھىدە خادىم ئەۋەتىپ رۇسىيە چېگراسى ئىچىدە قالايمىقانچىلىق پەيدا قىلىش، ھەتتا ئۇچقۇچىسىز ئايروپىلاننى كرېمل سارىيىغا ھۇجۇم قىلدۇرۇشتىن باش تارتماسلىق. بۇ ھەرىكەتلەر خۇددى ئۆزىنىڭ لاياقەتلىك ئىكەنلىكىنى ئىسپاتلىماقچى بولغان قوغلاشقۇچىغا ئوخشايدۇ،
توختىماي چەكتىن ئېشىپ كەتكەن ئىشلارنى قىلىپ كىشىلەرنىڭ دىققىتىنى تارتىدۇ. لېكىن خەلقئارا سىياسىي ئەزەلدىن بىر مەيدان چۆچەك ئەمەس. تىرامپ ئۇكرائىنادىن ھالقىپ ئۆتۈپ، رۇسىيە ۋە جۇڭگو بىلەن بىۋاسىتە سۆزلىشىشنى قارار قىلغاندا، زېلېنسكىي بىردىنلا ئېسىنى تاپتى:ئەسلىدە ئۆزىنىڭ سۆھبەت ئۈستىلىدە ئولتۇرۇش سالاھىيىتىمۇ يوق ئىدى. بۇ خۇددى بىر مەيدان كۆڭۈل قويۇپ لايىھىلەنگەن سەھنە ئەسىرىگە ئوخشايدۇ، ئۇ پەقەت ئۇنىڭ ئىچىدىكى خالىغان ۋاقىتتا ئالماشتۇرغىلى بولىدىغان يانداش رولچى. ئەڭ قىزىقارلىق يېرى شۇكى، زېلېنسكىي داۋوس مۇنبىرىدە «ياۋروپا ئىتتىپاقى ئۆزىنىڭ ھالىدىن قانداق خەۋەر ئېلىشنى ئۆگىنىۋېلىشى كېرەك» دەپ توۋلىغاندا، ئۇ ئۆزىنىڭ خەلقئارا سىياسىي سەھنىدە ئۈمىدىنى مەڭگۈ باشقا دۆلەتلەرنىڭ ۋەدىسىگە باغلىماسلىقنى جانلىق بىر ساۋاققا ئايلىنىپ قالغانلىقىنى بىلمەسلىكى مۇمكىن.
