ئۈندىدار سالۇنى تەرجىمىسى
چاۋشيەن ئالاھىدە قىسمى ئېغىر تالاپەتكە ئۇچرىدى:ئۇكرائىنا ھېچنېمىگە قارىماي ماخېنوۋكانى تارتىۋالدى!
ئامېرىكا تىرامپ ھۆكۈمىتىنىڭ تەختكە چىقىشى رۇسىيە - ئۇكرائىنا جەڭ مەيدانىغا قانچىلىك تەسىر كۆرسىتىدۇ؟ ھازىر جاۋابى ئېلان قىلىنىشقا ئاز قالدى. خەۋەردە دېيىلىشىچە، ترامپ ۋەزىپىگە ئولتۇرۇش ھارپىسىدا، دۆلەت بىخەتەرلىك مەسلىھەتچىسى ۋورز سىرتقا مۇنۇلارنى ئاشكارىلىدى:زۇڭتۇڭ ترامپ بۇ ئۇرۇشنى چوقۇم ئاخىرلاشتۇرۇش كېرەكلىكىنى ئېنىق بىلدۈردى. ئىشىنىمەنكى، بۇ ھەممە ئادەمنىڭ ئورتاق تونۇشى. زېلېنسكىي تەرەپمۇ ئاكتىپ سىگنال بېرىپ، «بىز زۇڭتۇڭ ترامپ بىلەن قول تۇتۇشۇپ، بۇ ئۇرۇشنى بىرلىكتە ئاخىرلاشتۇرۇشنى خالايمىز» دېدى. بىراق، ئىككى تەرەپنىڭ ئالدىنقى شەرتى بولمىغان ئۇرۇش توختىتىش سۆھبىتىنىڭ ئەمەلىيەتتە
ئىلگىرى سۈرۈش ئەھمىيىتى يوق. ئۇكرائىنانىڭ دەسلەپكى ئۇرۇش توختىتىش سۆھبىتىنىڭ ئالدىنقى شەرتى بويىچە، رۇسىيە ئارمىيەسى ئۇرۇشنىڭ باشلىنىش نۇقتىسىغا قايتىشى ھەمدە قىرىم يېرىم ئارىلىنى قايتۇرۇپ بېرىشى كېرەك ئىدى. لېكىن بۇ شەرتنى ھەتتا ئامېرىكا ۋە ياۋروپا ئىتتىپاقىمۇ ئەمەلگە ئاشۇرۇش تەس دەپ قارايدۇ. ئامېرىكا تاراتقۇلىرى «رۇسىيە ئۇكرائىنانىڭ 20 %زېمىنىنى كونترول قىلىش ھوقۇقىنى ساقلاپ قالىدۇ، بۇ تىرامپ كوللېكتىپى ئوتتۇرىغا قويۇشى مۇمكىن بولغان ئۇرۇشنى توختىتىش پىلانىنىڭ بىر قىسمى» دېدى. بۇ ئەندىزە 1953 - يىلى توختىتىلغان، ئەمما ئاخىرلاشمىغان چاۋشيەن
ئۇرۇشىنى توختىتىش كېلىشىمىگە ئوخشايدۇ. خەۋەردە يەنە ياۋروپا ئەۋەتكەن تىنچلىق ساقلاش قىسمىنىڭ ئۇرۇش توختىتىش كاپالىتى بىلەن تەمىنلەيدىغانلىقى، تىنچلىق ساقلاش قىسمىنىڭ ئەنگلىيە، گېرمانىيە، فىرانسىيە ئارمىيەلىرىدىن تەشكىللىنىشى مۇمكىنلىكى تىلغا ئېلىندى. ھالبۇكى، ئۇكرائىنا زېمىنىدا شىمالىي ئاتلانتىك ئەھدى تەشكىلاتى ئارمىيەسىنىڭ پەيدا بولۇشىغا يول قويماسلىق رۇسىيەنىڭ ئەڭ تۆۋەن چېكى. شۇڭا، «ياۋروپا ئىتتىپاقى تىنچلىق ساقلاش قىسمى» نىڭ ئۇرۇش توختىتىش كاپالىتىگە مەسئۇل بولۇشى رۇسىيە تەرەپنىڭ قوشۇلۇشى مۇمكىن بولمايدىغان سۆھبەت شەرتى. ئەمەلىيەتتە، پات ئارىدا يېتىپ كېلىش ئېھتىمالى بولغان ئۇرۇش توختىتىش سۆھبىتىدىن بۇرۇن، رۇسىيە - ئۇكرائىنا ئىككى تەرەپ ئەڭ زور دەرىجىدە سۆھبەت
فىشكىسىنى قولغا كەلتۈرۈشى كېرەك ئىدى. ئۇكرائىنا ئارمىيەسىگە نىسبەتەن ئېيتقاندا، دونباس يۆنىلىشىدە قىسمەن ئۇرۇش سېپىدە بۇرۇلۇش ھاسىل قىلىش ناھايىتى تەس، كەلگۈسى بىر نەچچە ئايدا ھەربىي جەھەتتە كەڭ كۆلەمدە مەغلۇپ بولۇشتىن ئۈنۈملۈك مۇداپىئەلىنەلىسىلا ياخشى بولاتتى. بىردىنبىر فىشكىنى قولغا كەلتۈرگىلى بولىدىغىنى يەنىلا كۇرسىك. ئۇرۇش توختىتىش سۆھبىتى باشلىنىشتىن بۇرۇن كۇرسك چېگرا رايونىنى ئۈنۈملۈك ئىگىلىگىلى بولسىلا، كەلگۈسىدىكى سۆھبەتتە رۇسىيە بىلەن ئالماشتۇرۇش فىشكىسى قىلغىلى بولىدۇ. ئەلۋەتتە، رۇسىيەنىڭ ئويى ئەكسىچە. بۇنىڭدىن ئىلگىرى ياۋروپا تاراتقۇلىرى تەھلىل قىلىپ، رۇسىيە ئارمىيەسى ترامپ تەختكە چىقىشتىن بۇرۇن ( 1 - ئاينىڭ 20 - كۈنى ) كۇرسىك قولدىن كەتكەن زېمىننى قايتۇرۇۋېلىپ، ئۇرۇش توختىتىش سۆھبىتىدە پۈتۈنلەي
تەشەببۇسكارلىق ھوقۇقىنى قولغا كەلتۈرىدۇ، دېگەن. بۇنىڭ ئۈچۈن رۇسىيە ئارمىيەسى چاۋشيەن ئالاھىدە قىسمىنىڭ ياردىمىدە كۇرسكنىڭ ئۇكرائىناغا تاجاۋۇز قىلىپ كىرگەن ئارمىيەسىگە ھۇجۇم قىلىش سۈرئىتىنى تېزلەتتى. ھەمدە جانجانجا قورغىنىنى قايتۇرۇۋېلىش ئارقىلىق كۇرسك رايونىدىكى نەچچە ئون مىڭ ئۇكرائىنا قوشۇنىنىڭ چېكىنىش يولىنى ئۈزۈپ تاشلاشقا ئۇرۇندى. رۇسىيە ئارمىيەسى ۋە چاۋشيەن ئالاھىدە قىسمى ئالدى بىلەن ئەڭ تېز سۈرئەتتە سۇجيانىڭ شەرقىي جەنۇبىدىكى ماخېنوۋكا بازىرىنى ئېلىپ، سۇجيا قورغىنىغا ھۇجۇم قىلىشتىكى سەكرەش تاختىسى قىلدى.
ئەمما، ئارقىدىنلا سۇجا شەھەر ئەتراپى رايونىغا ھۇجۇم قىلىش ھەرىكىتى ئوڭۇشلۇق بولمىدى، چۈنكى ئۇكرائىنا ھەربىي تەرەپ بۇنىڭ ئىچىدىكى پايدا - زىيان مۇناسىۋىتىنى بىلىپ، ئەتراپتىكى ئۇكرائىنا ئارمىيەسىنى
پۈتۈن كۈچى بىلەن ياردەم بېرىشكە بۇيرۇپ، ھەرقانداق بەدەل تۆلەشتىن باش تارتماي ماخېنوفكانى قايتۇرۇۋالدى. مۇشۇنداق ئارقا كۆرۈنۈش ئاستىدا، چاۋشيەن ئالاھىدە قىسمىنىڭ ئۆلۈش - يارىلىنىشى ناھايىتى ئېغىر بولۇپ، بەرداشلىق بېرەلمەي قالدى. ئەڭ يېڭى ئۇرۇش خەۋىرىدە دېيىلىشىچە، ئۇكرائىنا ئارمىيەسى سۇجا رايونىدىكى ماخېنوۋكا كەنتى بىلەن دېمىترىكوف كەنتىنى قايتۇرۇۋېلىپ، مۇشۇ ئاينىڭ بېشىدىن بۇيان رۇسىيە ئارمىيەسىنىڭ بۇ سەپتە قولغا كەلتۈرگەن بارلىق ئىلگىرىلەشلىرىنى ئۆزگەرتكەن.
