སྐུ་ཉིད་༼ ཐང་ཁུག་ས་སྨྱོན་བོད་རིག་གནས་ཁྱབ་སྤེལ་ལྟེ་གནས་ ༽ཀྱི་འཕྲིན་སྟེགས་ལ་ཕེབས་པར་དགའ་བསུ་ཞུ།
དང་ཐོག་ཐང་ཁུག་ས་སྨྱོན་བོད་རིག་གནས་ཁྱབ་སྤེལ་ལྟེ་གནས་ཀྱི་ཚབ་ཞུས་ནས་སྙིང་ཉེ་བའི་ཆོལ་གསུམ་བོད་རིགས་སྤུན་ཟླ་ཡོངས་ལ་ཁམས་བདེའི་འཚམས་འདྲི་ཞུ། དེ་ཡང་ངེད་ཐང་ཁུག་ས་སྨྱོན་བོད་རིག་གནས་ཁྱབ་སྤེལ་ལྟེ་གནས་ཀྱི་འཕྲིན་སྟེགས་འདི་ནི་སྤྱི་ལོ་༢༠༡༥ལོར་ཐོ་འགོད་བྱས་ཤིང་ད་བར་ངེད་འཕྲིན་སྟེགས་ལ་དོ་ཁུར་གནང་མཁན་མི་ཁྲི་བཅུ་ལྷག་ཙམ་ཟིན་གྱི་ཡོད། ལོ་འདི་དག་རིང་ངེད་འཕྲིན་སྟེགས་ཀྱིས་བོད་ཀྱི་རིག་གནས། གློག་བརྙན། མུ་འབྲེལ་བརྙན་འཕྲིན། སྒོར་གཞས། ཆང་གཞས། ནང་མ་སྟོད་གཞས། དགོད་བྲོའི་གཏམ་གླེང་། ཁྲབ་མཚན་ཐུང་གྲས། སྒྲུང་གཏམ། ལོ་རབས་བརྒྱ་ཅུའི་གླུ་གཞས། བྱིས་གླུ། རྒྱབ་ལྗོངས་གླུ་གཞས། བོད་ཀྱི་ཁྱད་ཆོས་ལྡན་པའི་སློབ་གྲྭ་ཆུང་འབྲིང་གི་སློབ་རའི་དྲིལ་བརྡ། སྙན་ངག་འགྱེར་འདོན་ལ་སོགས་པའི་ནང་དོན་མི་ཉུང་བ་ཞིག་སྤེལ་བཞིན་མཆིས། དེ་དག་ཚང་མ་ཆ་སྙོམས་ཀློག་གྲངས་སྟོང་ཕྲག་ཁ་ཤས་ལས་འགལ་བ་ཤ་སྟག་ཡིན་ལ་རྒྱ་ཆེའི་གྲོགས་པོ་གྲོགས་མོ་ཚོས་ཀྱང་དགའ་བསུ་གྲངས་མེད་ཐོབ་བཞིན་ཡོད། མ་ཟད་ད་དུང་མུ་མཐུད་མ་འོངས་པའི་བགྲོད་ལམ་རིང་མོའི་ཁྲོད་ནང་དོན་ཐད་ཉིན་རེ་ལས་མ་འདས་པར་ཕུན་གསུམ་ཇེ་ཚོགས་དང་སྤུས་ཚད་ཇེ་ལེགས་སུ་གཏོང་འཆར་ཡོད་པས། གལ་ཏེ་སྐུ་ཉིད་ཐུགས་མཉེས་པོ་བྱུང་སོང་ན་འཕྲིན་སྟེགས་འདི་གཞན་ལའང་འོས་སྦྱོར་མང་ཙམ་གནང་རོགས། ལྷན་རྒྱས་ནས་དུས་དང་རྣམ་པ་ཀུན་དུ་ངེད་འཕྲིན་སྟེགས་འདི་ལ་དོ་ཁུར་དང་རྒྱབ་སྐྱོར་གནང་བར་ཐུགས་རྗེ་ཆེ་ཞུ།
ཐང་ཁུག་ས་སྨྱོན་བོད་རིག་གནས་ཁྱབ་སྤེལ་ལྟེ་གནས་ཀྱི་འཕྲིན་སྟེགས་འདི་ལ་དོ་ཁུར་གནོངས་དང་། འདི་ན་ཕུན་ཚོགས་འདོད་རྒུའི་ལོངས་སྤྱོད་འཛོམས་ཤིང་ཀུན་ལ་མཁོ་བའི་འདོད་ཡོན་བཤམས་ཡོད། གལ་
ཏེ་ཁྱེད་རང་སྣ་མང་ཤེས་རིག་གི་རྩི་བཅུད་རྒུམ་པའི་གཡུ་སྦྲང་ཞིག་ཡིན་ན། འདི་ནི་ངེས་པར་ཁྱེད་ལ་མཁོ་བའི་མེ་ཏོག་སྐྱེད་ཚལ་ལོས་ཡིན།
点
击
播
放
器
收
听
སྙན་སྒྲོན་པ། བསྟན་འཛིན་ཆོས་དབྱིངས།
སྐད་རིགས། དབུས་སྐད།
ཀོང་པོའི་ལོ་གསར་གྱི་བྱུང་བ།
ཀོང་པོའི་ལོ་གསར་དེ་ནི་ཉིང་ཁྲི་ས་ཁུལ་ཉིང་ཁྲི་རྫོང་དང་། སྨན་གླིང་རྫོང་། ཀོང་པོ་རྒྱ་མདའ་རྫོང་སོགས་ས་ཁུལ་གྱི་མང་ཚོགས་ཀྱིས་སར་བའི་ལོ་གསར་ཞིག་ཡིན། བོད་ལུགས་ཀྱི་ཟླ་བཅུ་བའི་ཚེས་གཅིག་ཡིན། བཤད་རྒྱུན་ཞིག་ལ། སྔོན་ཀོང་པོ་ས་ཁུལ་ཡང་བོད་ཁུལ་གཞན་དག་དང་འདྲ་བར་བོད་ལུགས་ཀྱི་ཟླ་དང་པོའི་ཚེས་གཅིག་ཉིན་ནས་བཟུང་ལོ་གསར་གཏོང་བ་ཡིན། བོད་བཙན་པོའི་རྒྱལ་རབས་ཀྱི་དུས་སུ། ལོ་ཞིག་གི་སྟོན་དུས་ཤིག་ལ། ཀོང་པོ་ས་ཁུལ་ལ་བྱང་ཕྱོགས་ཧོར་གྱིས་ཚུར་རྒོལ་བྱས་ཙ་ན། ཀོང་པོ་རྒྱལ་བོས་ལམ་སང་སྐྱེས་པ་རྣམས་དམག་ཏུ་བསྡུས་ནས་དམག་འཐབ་དུ་བསྐྱོད་འགོ་བརྩམས་པ་ཚེ། རྒྱལ་པོས་དམག་དཔོན་དང་འཐབ་འཛིང་བ་རྣམས་ཀྱི་སེམས་གསོ་ཆེད་དུ་ལོ་གསར་སྔོན་ལ་གཏོང་རྒྱུ་བཀའ་བཏང་ནས་འཐབ་མོ་བ་རྣམས་ལ་ཟས་རིགས་ཅི་དགར་ལོངས་སུ་སྤྱོད་དུ་བཅུག་རྗེས་ད་གཟོད་ལམ་ལ་ཆས་རྒྱུ་བྱས། མཐའ་མར་སེམས་དོན་དེ་གྲུབ་པའི་དམག་དཔོན་རྣམས་ཀྱིས་དཔའ་ངར་ཞུམ་མེད་ཀྱིས་སྟོབས་རྩལ་ཅི་ཡོད་བཏོན་ནས་དགྲ་ཕྱོགས་ཕམ་པར་བརྒྱབ་ནས་རྒྱལ་ཁ་ལོན། དུས་དེ་ནས་བཟུང་ཀོང་པོ་བ་རྣམས་ཀྱིས་ལོ་གསར་དེ་བོད་ལུགས་ཀྱི་ཟླ་བ་བཅུ་བའི་ནང་གཏོང་བའི་སྲོལ་དེ་ཆགས་སོ། །
ཀོང་པོའི་ལོ་གསར་རོལ་སྲོལ།
ཀོང་པོའི་ལོ་གསར་ནི་བོད་ལུགས་ཀྱི་ཟླ་བཅུ་བའི་ཚེས་གཅིག་ཡིན། དེའི་ཉིན་ཁྱི་ལ་མར་དང་། ཤ་སྤགས་སོགས་གང་སྟེར་ཡང་ཁྱིས་སྔོན་ལ་གང་བཟས་ན་ལོ་རྗེས་མར་དེ་ཡག་པོ་ཡོང་བར་བརྩི་བ་རེད། ཚེས་༣༠ཉིན་གནམ་གང་ལ་“སྐྱིད་བརྡ”ཞེས་གཡོས་སྦྱོར་ཞིག་ཡོད་པ་དེ་བག་ལེབ་ལ་བྱུག་ནས་བཟའ་བ་དང་། ད་དུང་ཉིན་མོར་སྐྱེས་པ་རྣམས་རྟ་རྒྱུག་མདའ་འཕེན་དང་། བི་ཤུ། སྦེ་ག ཤེད་རྡོ། གྲིའི་རྣོ་ཆོད་སོགས་འགྲན་བསྡུར་སྣ་ཚོགས་སྤེལ་གྱི་ཡོད་པ་དང་བུད་མེད་རྣམས་ཁ་ཅིག་གིས་རྟ་རྒྱུག་མདའ་འཕེན་སོགས་ཀྱི་བྱེད་སྒོར་རྟེན་འབྲེལ་ཞུ་བའི་མཆོད་ཆང་བཀྱགས་པ་དང་།གླུ་གཞས་གཏོང་བ།ཁ་བཏགས་སྒྲོན་པ་སོགས་བྱེད་སྒོའི་ཞབས་ཞུའི་ལས་ཀ་བྱེད་ཀྱི་ཡོད་པ་ཕུད་དེ་མིན་བུད་མེད་རྣམས་མཉམ་འཛོམས་ཀྱིས་རྩེད་འཇོར་རོལ་གྱི་ཡོད།མཚན་མོར་མེ་ཕུང་བརྒྱབ་སྟེ་བྲོ་འཁྲབ་སྲོལ་ཡོད་པ་དང་།བྲོ་འཁྲབ་སར་མདོང་མོའམ་ཡང་ན་ཟངས་སོགས་ཆང་སྣོད་ཆེན་པོ་བཞག་སྟེ།བྲོ་འཁྲབ་པར་ཡོང་མཁན་མི་རེ་རེ་བཞིན་ནས་ཆང་ཤུག་ཁྲ་གང་རེ་ཁྱེར་ཡོང་ནས་དེར་བླུགས་པ་དང་། ཡང་མི་རེ་རེ་བཞིན་ཤིང་ཁྲེས་པ་རེ་རེ་ཁྱེར་ཡོང་ནས་བྲོ་འཁྲབ་རིང་མེ་གཏོང་བྱེད་སྲོལ་ཡོད། བྲོ་འཁྲབ་མཁན་གང་ཙམ་ཞིག་འཛོམས་རྗེས་མེ་ཕུང་ལ་མཐར་བསྐོར་ནས་བྲོ་འཁྲབ་བཞིན་ཆང་འཐུང་བ་དང་སྤྱིར་ན་མཚན་མོ་ས་རུབ་པ་ནས་བྲོ་འཁྲབ་འགོ་བརྩམས་ནས་ནམ་ཕྱེད་ཙམ་བར་དང་། སྐབས་འགར་ཕྱི་ཉིན་ནམ་མ་ལངས་བར་དང་ཐ་ན་ཉིན་མཚན་ཁ་ཤས་སྦྲེལ་ནས་འཁྲབ་སྲོལ་ཡང་ཡོད།
དགུ་གཏོར་བ།
ཀོང་པོའི་ལོ་གསར་གྱི་ཉི་ཤུ་དགུའི་དགོང་མོར། བོད་ཀྱི་སྲོལ་རྒྱུན་ལུགས་སྲོལ་ལྟར་ས་སྲོས་ཡོལ་ཙམ་ལ་དགུ་གཏོར་གྱི་ཡོད་ཅིང་། དགུ་གཏོར་བ་ནི་ལོ་གསར་པའི་ནང་དགའ་བདེའི་དཔལ་ལ་རོལ་ཆེད་ཡིན་ཞིང་། ཁྱིམ་ནང་གི་ནད་ན་ཚ་དང་། བཀྲ་མི་ཤིས་པ། ལྟས་ངན་པ་སོགས་གདོན་འདྲེ་ཡོངས་རྫོགས་ཕྱིར་འབུད་བྱེད་པའི་ཆོ་ག་ཞིག་ཡིན།
ཁྱི་ལ་གསོལ་སྟོན་བཤམས་པ།
རང་ཁྱིམ་གྱི་ཁྱིར་དགུ་རྫས་སྟེར་བ་ནི་ཀོང་པོའི་ཁུལ་དུ་ཡོད་པའི་དམིགས་བསལ་གྱི་ལུགས་སྲོལ་ཞིག་ཡིན། ཀོང་པོའི་མང་ཚོགས་ཀྱིས་སྒོ་རྭའི་ནང་སྣུམ་བསྲེགས་ཤིང་འབྲས་དང་། མར། ཕྱུར་བ། ནོར་ལུག་གི་ཤ། ཆང་། ད་དུང་རྩམ་པས་བཟོས་པའི་གཏོར་མ་སོགས་རང་ཁྱིམ་གྱི་སྒོ་ཁྱིར་སྟེར་གྱི་ཡོད། ཀོང་པོ་བ་ཚོས་དགུ་རྫས་སྣ་ཚོགས་ཡོད་པའི་ཁྲོད་ཁྱིས་སྔོན་ལ་གང་ཞིག་ཟ་མིན་ཐད་སྣང་བ་ཆེན་པོ་བྱེད་ཀི་ཡོད་ཅིང་། ཁྱིས་སྔོན་ལ་རྩམ་པ་དང་བག་ལེབ་ཟས་ཚེ་འབྲུ་རིགས་ལོ་ལེགས་ཡོང་བའི་སྔོན་རྟགས་མཚོན་པ་དང་། ཁྱིས་མར་དང་ཕྱུར་བ་ཟས་ཚེ་འབྲོག་པའི་དཀར་ཕྱུ་འོ་མ་འབོལ་པོ་ཡོང་བའི་ངོས་འཛིན་བྱེད་ཅིང་། གལ་ཏེ། ཁྱིས་སྔོན་ལ་ཤ་ཟས་ཚེ་འདི་ནི་བཀྲ་མི་ཤིས་པའམ་རྣམ་རྟོག་ཅིག་ཏུ་བརྩི་གི་ཡོད།
དགུ་ཐུག་འཐུང་བ།
ཁྱི་ལྟོ་བྱིན་ཚར་རྗེས་མི་རྣམས་མཉམ་དུ་སྒོར་སྒོར་བྱས་ཏེ་བསྡད་ནས། དྲོ་སོབ་སོབ་ཀྱི་ཁྱིམ་དུ་ཆང་དང་ཇ་འཐུང་ཞོར་དུ་སྐྱིད་ཟླ་ཞེས་པའི་ཟས་རིགས་ཤིག་བཟའ་བ། སྐྱིད་ཟླ་ནི་མར་དང་། འོ་མ། བྲོ་ཕྱེ་བཅས་ལས་གྲུབ་པའི་ཟས་མཆོག་ཅིག་ཡིན། དེ་རྣོ་ཡོད་པའི་དབྱུག་པའི་ཐོག་བསྐོན་ནས་མེ་ཐབ་ནང་བསྲེགས་ཏེ་ཟ་གི་ཡོད། ཉིན་དེའི་དགོང་མོ་གྲོད་ཁོག་རྒྱགས་དྲགས་ནས་མགོ་བོ་ཡང་སྒུར་མི་ཐུབ་པ་ཞིག་བཟའ་དགོས་ཤིང་། དེ་ལྟར་བྱུང་ཚེ་མཚན་པོ་གདོན་འདྲེ་ཡོང་ཡང་འདེགས་མི་ཐུབ་པའི་ངོས་འཛིན་བྱེད་ཀྱི་ཡོད།
ཆུ་ཕུད་ལེན་པ།
ཚེས་གཅིག་ཉིན་མི་ཚང་མ་ཞོགས་པ་སྔ་པོ་ནས་ལངས་ཏེ། ཆང་དང་གྲོ་མ། བསང་སོགས་འཁྱེར་ནས་ཆུ་ཕུད་ལེན་པར་འགྲོ་གི་ཡོད་པ་དང་། བསང་དུ་ཡིས་ཆུ་གཞུང་ཡོངས་སུ་སྨུག་པ་འཁོར་བ་ལྟར་བཟོ་ཞིང་། ད་ལྟ། རྒྱུག་ཆུ་ནས་ཆུ་མི་ལེན་པར་སོ་སོའི་ཁྱིམ་གྱི་ཀ་ལ་ནས་ཆུ་ལེན་གྱི་ཡོད།
ཞིང་ལྷ་གསོལ་བ་དང་བསང་མཆོད་འབུལ་བ།
ཚེས་གཅིག་ཉིན་གྱི་ཆུ་ཕུད་དང་པོ་དཀོན་མཆོག་ལ་ཡོན་ཆབ་འབུལ་བ་དང་། དེ་ནས་མཆོད་རྫས་དང་ཆང་འཁྱེར་ནས་རང་ཁྱིམ་གྱི་ལོ་ལེགས་ཡག་ཤོས་ཀྱི་ཞིང་ཁ་དེར་སོང་ནས། ཞིང་ལྷ་གསོལ་བ་དང་བསང་མཆོད་འབུལ་གྱི་ཡོད། ཞིང་ཁའི་ནང་འབྱོར་རྗེས་ཚང་མས་དར་ཆ་འཛུགས་པ་དང་དེའི་ཐོག་སོག་མ་ཞིག་འགེལ་གྱི་ཡོད་ཅིང་། སོག་མ་དེ་ཞིང་ལྷའི་བཞུགས་ཁྲིར་ངོས་འཛིན་གྱི་ཡོད། དེ་ནས་རྡོ་དང་ཤིང་ལས་གྲུབ་པའི་མཆོད་ཁྲི་བཟོས་ཏེ་དེའི་ཐོག་མཆོད་རྫས་སྣ་ཚོགས་འཇོག་པ་དང་། རྩྭ་སྲེག་པ་སོགས་བྱས་ཏེ། ཞིང་ལྷས་མཆོད་པ་འདི་དག་བཞེས་རྒྱུའི་རེ་འདུན་བཅངས་བཞིན་ཡོད།
གོང་གི་ལུགས་སྲོལ་འདི་དག་ཕུད། ཀོང་པོའི་ལོ་གསར་རིང་རོལ་རྩེད་ཀྱི་རྣམ་གྲངས་ཤིན་ཏུ་ཕུན་སུམ་ཚོགས་པོ་ཡོད། བཅུ་བའི་ཚེས་གཅིག་ནས་བཅོ་ལྔའི་བར་རིག་གནས་རོལ་རྩེད་ཀྱི་བྱེད་སྒོ་སྣ་མང་ཕུན་སུམ་ཚོགས་ཤིང་། ཉིན་དཀར་སྐྱེས་པ་རྣམས་རྟ་རྒྱུག་མདའ་འཕེན་དང་སྦེ་ག་འཐབ་པ། གྲིའི་རྣོ་ཆོད་པ། ཤེད་རྡོ་འགྲན་པ་སོགས་འགྲན་བསྡུར་སྣ་ཚོགས་ལ་ཞུགས་པ་དང་། བུད་མེད་རྣམས་ཀྱིས་རྟེན་འབྲེལ་གྱི་མཆོད་ཆང་འགྱོག་པ་དང་གླུ་གཞས་གཏོང་བ། ཁ་བཏགས་སྒྲོན་པ་སོགས་ཀྱི་ཞབས་ཞུའི་ལས་ཀ་བྱེད་པ་དང་དུས་མཚུངས། མཉམ་འཛོམས་ཀྱི་དགའ་སྟོན་རྩེད་འཇོར་རོལ་གྱི་ཡོད། མཚན་མོར་རྒྱུན་ལྡན་གྱི་སྤྱི་པའི་འདུ་འཛོམས་རྭ་བའམ་ཐང་ཆེན་དུ་མེ་སྒོང་བརྒྱབ་སྟེ་ཡིད་དབང་འཕྲོག་པའི་སྐོར་བྲོ་འཁྲབ་སྲོལ་ཡོད།
ཀོང་པོའི་ལོ་གསར་ལ་རྟེན་འབྲེལ་ཞུ་ཕྱིར་འཛུམ་རིས་ཁག་ཅིག་མཉམ་སྤྱོད་ཞུས་ཡོད། ཁྱེད་གང་དག་ལ་མཉེས་པོ་འདུག
工布新年专用表情包来了！看看你喜欢哪一个？
ཁྱེད་རྣམས་ཀྱིས་དོ་ཁུར་དང་མཉམ་སྤྱོད་གནང་བ་ནི་ངེད་འཕྲིན་སྟེགས་ལ་དགོས་པའི་རྒྱབ་སྐྱོར་ཤུགས་ཆེ་ཤོས་དེ་ཡིན།
འཕྲིན་སྟེགས་སུ་མི་སྒེར་རམ་ཚོགས་པ་གང་གི་ཁེ་དབང་ལ་གནོད་པའི་ནང་དོན་ཡོད་ཚེ་མྱུར་དུ་ང་ཚོར་འབྲེལ་བ་གནང་དང་དྲ་ངོས་ནས་བུས་ངེས་ཡིན།
མཇུག་ཏུ་རྣམ་པ་ལྷན་རྒྱས་མ་འོངས་པའི་ལོ་ཟླའི་ནང་སྐུ་གཟུགས་བདེ་ཐང་། བྱ་བ་ལམ་འགྲོ། ཁྱིམ་ཚང་འཆམ་མཐུན། ནད་མེད་ཚེ་རིང་། གང་བསམ་ལས་ལ་རེ་བའི་འབྲས་བཟང་སྨིན་པའི་བཀྲ་ཤིས་སྨོན་འདུན་ཞུ།
གཤམ་གྱི་པར་རིས་ཐོག་མནན་ན་དེ་སྔོན་སྤེལ་ཟིན་པའི་ནང་དོན་ཁག་ཅིག་གཟིགས་ཐུབ།
དུས་ཚོད་ཡོད་ན་གཟིགས་ཙམ་གྱིས།
ལྷག་བསམ་བཟང་པོས་བརྒྱུད་བསྐུར་བྱོས།
གཞན་ཕན་བྱེད་པའི་ནུས་མེད་ཀྱང་།
དེ་ཡི་བསམ་པ་རྟག་ཏུ་འཆང་།
