欢迎提供新闻线索：lztvxwb@qq.com
ལུགས་རྙིང་ལོ་གསར་འཆར་ཉེར་ཡོད་པའི་སྐབས་སུ། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་ཀྱི་མི་རིགས་སྐད་ཡིག་ལེ་ཚན་ལྟེ་གནས་ཀྱིས་ཟླ་1པོའི་ཚེས་26ཉིན་གྱི་ཆུ་ཚོད་20:00ཡི་སྟེང་《དྲོ་སོབ་སོབ་ངང་ལོ་གསར་གཏོང་། དིང་རི་ཤུགས་རྒྱོབས》ཞེས་པའི་དམིགས་བསལ་ལེ་ཚན་གཏོང་རྒྱུ་རེད།
རོགས་སྐྱོབ་ཡུལ་དངོས་སུ། ཁོང་ཚོ་སྤུན་ཟླ་ལྟར་ཕན་ཚུན་བརྩེ། “དྲོད་འཁོལ་གྱིས་ཁེངས་པའི་གཏམ་རྒྱུད་རེ་རེས་ཁྱེད་དང་ང་ལ་སེམས་འགུལ་ཐེབས།” “མང་ཚོགས་ལ་ཟ་མ་ཚ་སོབ་སོབ་བཟའ་རྒྱུ་ཡོང་བ་བྱེད་དགོས”ཞེས་པ། “བཅིངས་འགྲོལ་དམག་མི་ཡག་པོ་འདུག་”ཅེས་པ། “ཁྱེད་རང་ལ་བོད་ལྗོངས་ཀྱི་གཏེར་ཆུ་ཞིག་སྟེར་”ཞེས་པ། “ནར་སོན་ན་རོགས་སྐྱོབ་རུ་མི་ཞིག་བྱེད་རྒྱུ་ཡིན”ཞེས་པ། “ངས་ཁྱེད་སྒུག་ཆོག དངོས་གནས་ཡིན”ཞེས་པ། དེ་བཞིན་“འབྲས་ཤ་ཚིལ་མ་ག་ཚོད་བཟོ་ཐུབ་པ་དེ་ཚད་བཟོ་རྒྱུ་ཡིན། གེགས་ཁུལ་ལ་དགོས་མཁོ་ཡོད་ན་ང་ཚོས་ཐོག་མཐའ་བར་གསུམ་དུ་སེམས་ཤུགས་འདོན་རྒྱུ་ཡིན”ཞེས་པ་སོགས། དྲོ་སྐྱིད་ལྡན་པའི་གཏམ་རྒྱུད་ཀྱིས་ཁྱེད་དང་ང་སེམས་འགུལ་ཐེབས་པར་བྱས་ཡོད།
ཧང་ཀའེ་རོལ་ཚོགས་དང་། གཡུང་དྲུང་རྒྱལ། ཕུར་པ་སྐྱབས། བཀྲ་ཤིས་ཕུན་ཚོགས། བཀྲ་ཤིས་དོན་གྲུབ། ཚེ་རིང་གཡང་འཛོམས། ཧུའུ་སི་ལིན། ཧ་ལེང་། ཨེར་ཁེན•ཨབ་ཏུ་ལ། ཙེ་ལའེ་ཤིས•མུའུ་ཐ་ལི་ཕུའུ། ཚུའེ་ཙི་ཀེ་སོགས་ཀྱིས་ཕྱོགས་བཞི་མཚམས་བརྒྱད་ནས་དྲ་བ་བརྒྱུད་གླུ་ཡི་མཆོད་པ་ཕུལ་ཏེ། མི་རྣམས་སེམས་འགུལ་ཐེབས་པར་བྱས་མཁན་ཁོང་རྣམས་ལ་འཚམས་འདྲི་ཞུ་རྒྱུ་རེད།
ཟླ་1པོའི་ཚེས་26ཉིན་གྱི་ཆུ་ཚོད་20:00ཡི་སྟེང་། ལེ་ཚན་འདི་དབྱང་བརྙན་མཐོང་གི་ “e 家亲”ཞེས་པའི་དྲ་སྟེགས་དང་ཀྲུང་དབྱང་རླུང་འཕྲིན་སྤྱི་ཁྱབ་ལས་ཁུངས་ཀྱི་བོད་སྐད་རླུང་འཕྲིན་གྱི་འཕྲིན་ཕྲན་བརྙན་སྟེགས་（视频号） “中央广播电视总台藏语”ཞེས་པ་དང་། འཁྱུག་དབྱངས་ཀྱི་“藏视界”ཞེས་པའི་ཐོག་ཐད་གཏོང་བྱེད་འགོ་རྩོམ་རྒྱུ་ཡིན་པས། ཐད་གཏོང་ལ་སྔ་ཙམ་ནས་དོ་ཁུར་བྱེད་པ་དང་། སྤེལ་རེས་བགྲོ་གླེང་ནང་ཞུགས་ནས་གེགས་ཁུལ་གྱི་མང་ཚོགས་དང་། རོགས་སྐྱོབ་མི་སྣ། དེ་བཞིན་དང་བླངས་པ་བཅས་ལ་འཚམས་འདྲི་ཞུ་བ་དང་། “ཀྲུང་ཧྭ་མི་རིགས་ཁྱིམ་ཚང་གཅིག་ལྟར་བརྩེ་བའི་”བརྩེ་བ་དྲོན་མོ་བརྒྱུད་སྤྲོད་བྱེད་ཆོག
编 辑、（初审）：尼玛普赤
复 审：顿珠、巴 洛
终 审：欧 珠
扫码关注微信、抖音
