欢迎提供新闻线索：lztvxwb@qq.com
ཟླ་1ཚེས་24ཉིན། རྫོང་ཨུད་ཧྲུའུ་ཅི་ཞི་ཕུའུ་ཕིང་གནོད་འཚེ་ཕོག་པའི་མང་ཚོགས་ཀྱི་བར་བརྒལ་རང་བཞིན་གྱི་བཀོད་སྒྲིག་བྱ་ཡུལ་དུ་བསྐྱོད་ནས་གནོད་འཚེ་ཕོག་པའི་མང་ཚོགས་ལ་ལྟ་སྐོར་བྱས་པ་མ་ཟད། ས་གནས་ས་ཐོག་ཏུ་བཀོད་སྒྲིག་བྱ་ཡུལ་གྱི་ལས་དོན་སྤེལ་བའི་གནས་ཚུལ་ལ་ལྟ་སྐུལ་ཞིབ་བཤེར་བྱས་པ་རེད། ཞི་ཕུའུ་ཕིང་གིས་གསུངས་དོན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་བོད་ལྗོངས་གཞིས་ཀ་རྩེ་གྲོང་ཁྱེར་དིང་རི་རྫོང་དུ་ས་ཡོམ་རིམ་པ་6.8རྒྱབ་པར་གནང་བའི་མཛུབ་སྟོན་གལ་ཆེན་གྱི་དགོངས་དོན་མཐའ་གཅིག་ཏུ་ལག་བསྟར་དང་དོན་འཁྱོལ་བྱེད་པ་དང་། ཏང་ཀྲུང་དབྱང་གི་ཐབས་ཇུས་བཀོད་སྒྲིག་དང་ལྗོངས་ཏང་ཨུད་དང་གྲོང་ཨུད་ཀྱི་ལས་ཀའི་བླང་བྱ་ལག་བསྟར་དང་དོན་འཁྱོལ་བྱས་ཏེ། “མི་དམངས་གོང་དུ་འཇོག་པ་དང་ཚེ་སྲོག་གོང་དུ་འཇོག་པ་”མཐའ་འཁྱོངས་བྱས་ཏེ། “དུས་དང་རྣམ་པ་ཀུན་ཏུ་སེམས་ལྷོད་མི་འགྲོ་བའི་”འགན་འཁྲིའི་འདུ་ཤེས་ལ་བརྟེན་ནས་གྲོང་ཁྱེར་རིམ་པའི་སྐོར་སྐྱོད་ཞིབ་བཤེར་གྱི་ཚུར་ལན་གནད་དོན་བཅོས་སྒྲིག་བྱ་རྒྱུ་གཅིག་གྱུར་གྱིས་དམ་འཛིན་ཡག་པོ་བྱེད་དགོས། ལྷག་པར་དུ་དཔྱིད་གསར་དུས་ཆེན་དང་བོད་ཀྱི་ལོ་གསར་འཆར་ལ་ཉེ་བའི་སྐབས་སུ། མང་ཚོགས་ཀྱི་འགན་སྲུང་ལས་དོན་ནུས་ཤུགས་ཡོད་རྒུས་ལེགས་པར་བསྒྲུབས་ཏེ། སྤྲོ་སྣང་སྐྱིད་པོ་དང་། ལྷིང་འཇགས་ཞི་བདེ་ལྡན་པའི་དུས་ཆེན་གྱི་ཁོར་ཡུག་ཅིག་བསྐྲུན་ཤུགས་ཆེ་རུ་གཏོང་དགོས།
视频编辑：德央
编 辑、（初审）：尼玛普赤
复 审：顿珠、巴 洛
终 审：欧 珠
扫码关注微信、抖音
